Inkay Mapan iti Balayna
Kanta ti panagpangato. Ni David.
Ti rag-o ti maysa a peregrino iti pannakasangpetna iti balay ti Amatayo, ta agtaktakder dagiti sakana iti uneg dagiti ruangan. Ti siudad ti pagtitiponan dagiti tribu ken pangipaayan iti hustisia, isu nga ikararagna ti talna, ket ibagana nga aramidenna daytoy gapu kadagiti kakabsatna, saan a gapu kenkuana.
122 1Naragsakak kadagiti nagkuna kaniak, “Inkay mapan iti balay ni Amatayo.” 2Agtaktakder dagiti sakami iti uneg dagiti ruanganmo, Jerusalem. 3Jerusalem, nabangon kas siudad a naikappeng a nasged, 4Isu ti pagpangatoan dagiti tribu, dagiti tribu ni Amatayo, kas bilin para iti Israel, tapno agyaman iti nagan ni Amatayo. 5Ta sadiay naipasdek dagiti trono para iti panangukom, dagiti trono ti balay ni David.
6Agkararagkayo para iti kappia ti Jerusalem: “Natalna koma dagiti agayat kenka. 7Adda koma ti kappia iti uneg dagiti pasetmo, kinatalged iti uneg dagiti torremo.” 8Gapu kadagiti kakabsatko ken gagayyemko, kunakto, “Adda koma ti kappia iti unegmo.” 9Gapu iti balay ni Amatayo, birokekto ti pagimbagam.
