Aynu Gurigiisa Tagno
Gabay fuulitaanka. Daa'uud.
Farxadda xaajiga marka uu gaadho gurigii Aabbaheenna, cagihiisuna ay dhab ahaan taagan yihiin gudaha albaabbada. Magaaladu waa meesha qabiilooyinku isugu yimaaddaan iyo meesha cadaalad laga soo saaro, sidaas darteed wuxuu u duceeyaa nabaddeeda, wuxuuna yidhaa wuxuu sidaas u yeelayaa walaalihiis daraaddood, ee ma aha isaga.
122 1Waan la farxay kuwii iigu yidhi: “Aynu aadno guriga Aabbeheen.” 2Cagaheenu albaabbadaada gudahooda way taagan yihiin, Yeruusaalemow. 3Yeruusaalemow, oo loo dhisay sidii magaalo si adag isugu xidhan, 4oo qabiilooyinku ku fuulaan, qabiilooyinka Aabbeheen, sida qaynuun u ah Israa'iil, inay magaca Aabbeheen u mahad naqaan. 5Waayo, halkaas ayaa lagu dhigay carshiyadii xukunka, carshiyadii guriga Daa'uud.
6U ducaysta nabadda Yeruusaalem: “Kuwa ku jecel ha raaxaystaan. 7Nabad ha ahaato derbiyadaada gudahooda, amni ha ahaado qalcadahaaga dhexdooda.” 8Walaalahay iyo asxaabtayda daraaddeed, waxaan odhan doonaa: “Nabad ha ku dhex jirto.” 9Guriga Aabbeheen daraaddiis ayaan wanaagaaga doondoon doonaa.
