ናብ ቤቱ ንኺድ
መዝሙር መዓርግ። ናይ ዳዊት።
ናብ ቤት ኣቦና ብምብፃሑ ሓጐስ ሓደ ተጓዓዚ፥ ኣእጋሩ ብርግፅ ኣብ ውሽጢ ደጌታት ደው ኢለን። እታ ኸተማ እቶም ነገዳት ዝእከቡላ፥ ፍርዲ ዝወሃበላ እያ፥ ስለዙይ ንሰላማ ይፀሊ፥ ምእንቲ ኣሕዋቱ እምበር ምእንቲ ርእሱ ኸም ዘይገብሮ ይብል።
ምዕራፍ 122።
122 1ምስቶም “ናብ ቤት ኣቦና ንኺድ” ዝበሉኒ ተሓጐስኩ። 2ኣእጋርና ኣብ ውሽጢ ደጌታትኪ ደው ኢለን ኣለዋ፥ ኦ ኢየሩሳሌም። 3ኢየሩሳሌም፥ ከም እታ ብሓደ ፅኑዕ እተታሓሓዘት ከተማ ተሰሪሓ፥ 4እቶም ነገዳት ናብኣ ይድይቡ፥ ነገዳት ኣቦና፥ ከም ስርዓት ንእስራኤል፥ ንስም ኣቦና ኸመስግኑ። 5ዙፋናት ፍርዲ፥ ዙፋናት ቤት ዳዊት ኣብኡ ተነቢሮም ነበሩ።
6ንሰላም ኢየሩሳሌም ፀልዩ፦ “እቶም ዘፍቅሩኺ ይዕረፉ። 7ኣብ ውሽጢ ቅፅርኺ ሰላም ይኹን፥ ኣብ ውሽጢ ኣዳራሻትኪ ድማ ፀጥታ።” 8ምእንቲ ኣሕዋተይን ኣዕርኽተይን ኢለ፥ “ሰላም ኣባኺ ይኹን” ክብል እየ። 9ምእንቲ ቤት ኣቦና ኢለ፥ ሰናይኪ ክደሊ እየ።
