Twenda ku Nzu Yandi
Dikana dya kutombuka. Dya Tavidi.
Kusangwala kwa munzieti bu kátula ku nzu ya Tata wetu, malu mandi matelami mu kati dya mielu. Mbanza yenina kuna bikanda bisi kutakana amana kuna pfundusu yisi hanama, buna wisi sambila kikuma kya ngemba yandi, amana wisi zonza ni wisi dihanga bwabu kikuma kya baphangi bandi, ka kikuma kyandi meni ku.
122 1Meni yásangwala yi batu bana banzimbwadi: «Twenda ku nzu ya Tata wetu.» 2Malu metu matelami mu kati dya mielu myaku, a Yelusalemi. 3Yelusalemi, yátungama bwa mbanza yina yikama kumosi mu ngolu, 4kuna bikanda bisi tombuka, bikanda bya Tata wetu, bwa mutsiku kikuma kya Kiseledi, mu kuvutula matondu mu khumbu ya Tata wetu. 5Mukuma kuna byásalama biti bya luyalu bya pfundusu, biti bya luyalu bya nzu ya Tavidi.
6Sambilakenu kikuma kya ngemba ya Yelusalemi: «Batu bana bisi kuzola, bakala mu kilembwadi. 7Ngemba yakala mu kati dya bibaka byaku, luvundulu mu kati dya nzu zaku za ngolu.» 8Kikuma kya baphangi bama yi banduku bama, meni yakázimbula: «Ngemba yakala mu kati dyaku.» 9Kikuma kya nzu ya Tata wetu, meni yakásanda mamboti maku.
