Momma Yɛnkɔ Ne Fi
Ɔforo dwom. Dawid dwom.
Okwantufo anigye sɛ waduru yɛn Agya fi, ne nan si apon no mu ampa. Kurow no ne baabi a mmusuakuw no hyiam na wobu atɛntrenee, enti ɔbɔ mpae ma ne asomdwoe, na ɔka sɛ ɔyɛ saa ma ne nuanom, na ɛnyɛ ne ho.
122 1Mʼani gyei ne wɔn a wɔka kyerɛɛ me se, “Momma yɛnkɔ yɛn Agya fi.” 2Yɛn anan gyina wʼapon mu, Yerusalem. 3Yerusalem, wɔasi no sɛ kurow a ne mu abom denneennen, 4baabi a mmusuakuw no foro kɔ hɔ, yɛn Agya mmusuakuw, sɛ mmara a wɔahyɛ ama Israel, sɛ wɔnna yɛn Agya din ase. 5Efisɛ ɛhɔ na wɔde atemmu ahengua no sisii, Dawid fi ahengua no.
6Mommɔ mpae mma Yerusalem asomdwoe: “Wɔn a wɔdɔ wo no nnya ahotɔ. 7Asomdwoe nka wʼafasu mu, ahobammɔ nka wʼaban mu.” 8Me nuanom ne me nnamfonom nti, mɛka se, “Asomdwoe nka wo mu.” 9Yɛn Agya fi nti mɛhwehwɛ wo yiyedi.
