Mi eng' bukuit

Tyenwogigap Kalasunet 122 FHB Father's Heart Bible™

Kiistoi 15% eng' kiy ne iale korook →
Bukuit

Keebe Koonnyi

Tyeni ne po koitet. Ne po Daudi.

Boiboiyetap chii ye ki it kootap Kwandanyo, tonone keelyekyik eng' ormariichet. Nganaseet ko ole tuiyei pororyosyek ak ole kiyaei kirwooget, nooto si kosachi kaalyeennyi, ak kole kayai agobo tupchosyekyik, ma agobo ineegei.

Sura 122.

Kaboiboitu ak pichooto che ki leenjo, “Keebe kootap Kwandanyo.” Tonone keelyekyok eng' ormariichoguk, ee Jerusalem. Jerusalem, ne ki teech ko uu nganaseet ne kinamgei miising', ole itei ortinwek, ortinwegap Kwandanyo, ko uu ng'atuutyet ne po Israel, si kogoochi kongoi kainetap Kwandanyo. Amu eng' olooto, ki kiinde ng'echerok che po kirwooget, ng'echerogap kootap Daudi.

Osachi kaalyeetap Jerusalem: “Ingomeny chooto che chamin. Ingotebi kaalyeet eng' irimoiguk, ak ribeet eng' kaplaitoryaisyeguk.” Agobo tupchosyekyuk ak choronokyuk, amwae ale, “Ingomi kaalyeet eng' oriing'ung'.” Agobo kootap Kwandanyo, acheeng' porotennyung'.