Koonyek che Kigart Tokyi Kipsengwet
Tyeni ne po togostaet.
Tyenwogit ne ming'in miising' ne po ing'ung'natet. Keerei otwogik eutap mastanywa—nooto ko kaboorunet komugul: koonyek che tokyingei Kwandanyo, kakiai kipagetet agenge. Mwaei piik kele kagonyoor sasisyet ne chaang' miising' eng' che menye komyee ak eng' menotik.
123 1Inyee ko atabendoi konyekyuk, inyee ne tebee kipsengwet. 2Keero, ko uu konyegap otwogik che tokyingei eutap mastanywa, ak ko uu konyegap chepto ne otwogin eutap pounindennyi, ko uu nooto che tokyingei koonyonyo Kwandanyo, agoi korirenen. 3Irireenech, Kwandanyo, irireenech, amu kagoyam kosiir sasisyet miising'. 4Kagoyam saboondanyu kosiir reenyinetap icheek che menye komyee miising', ak sasisyet ne po menotik.