آخماق اؤز آخماقلیغینی تکرار ادر
نئیه‌سه اوچ جور آدامین سیاهیسی کئمی. آخماق کی، اونو نه شرفلَندئرمک، نه موزدلا توتماق، نه ده شفا ورمک اولار؛ تنبل آدام کی، قاپی اؤز رِزه‌لری اوستونده دؤندویو کئمی، اؤز یاتاغیندا چِورئلر؛ و آلداتان کی، یارالاییر، سونرا دا دیئر فقط زارافات ادئردئم. چوخور قازان هر کس اؤزو اونون ائچئنه دوشَر.
26 1یایدا قار و بئچئن زامانی یاغیش کئمی، شرف ده آخماغا یاراماز. 2اوچوشان سرچه و قانادلانان قارانقوش کئمی، ناحاق لعنت ده یرئنه قونماز. 3آت اوچون قامچی، اِششَک اوچون یوگن، و آخماقلارین بئلی اوچون دَیَنک. 4آخماغا آخماقلیغینا گؤره جاواب ورمه، یوخسا سن ده اونون کئمی اولارسان. 5آخماغا آخماقلیغینا گؤره جاواب ور، یوخسا اؤز گؤزونده عاغیلّی اولار. 6آخماقلا خبر گؤندَ‌رَن کس، اؤز آیاقلارینی کَسر و قدّارلیق ائچر. 7توپال آدامین بوش آسیلان آیاقلاری کئمی، آخماقلارین آغزیندا اولان مَثَل ده اؤیله‌دئر. 8ساپاندا داش باغلاماق کئمی‌دئر، آخماغا شرف ورمک. 9کفلی آدامین اَلئنده‌کی تئکان کولو کئمی، آخماقلارین آغزیندا اولان مَثَل ده بله‌دئر. 10هر کسی یارالایان اوخ آتان کئمی، آخماغی یا دا یولدان کچن هر کسی موزدلا توتان دا اؤیله‌دئر. 11ائت اؤز قوصوغونا قاییتدیغی کئمی، آخماق دا اؤز آخماقلیغینی تکرار ادر. 12اؤز گؤزونده عاغیلّی اولان بئر کسی گؤرورسن؟ آخماق اوچون اوندان داها چوخ اومئد وار.
13تنبل آدام دیئر: «یولدا آصلان وار! کوچه‌لرده آصلان!» 14قاپی اؤز رِزه‌لری اوستونده دؤندویو کئمی، تنبل آدام دا اؤز یاتاغیندا چِورئلر. 15تنبل آدام اَلئنی قابا سوخار؛ اونو گئنه آغزینا گتئرمک اونو یورار. 16تنبل آدام اؤز گؤزونده، عاغیلّی جاواب ورن یدّی آدامدان داها عاغیلّی‌دیر.
17ائتی قولاقلاریندان توتماق کئمی، اؤزونه عایید اولمایان داعوایا قاریشان یولدان کچن ده بله‌دئر.
18یانار شعله‌لر، اوخلار و اؤلوم آتان دَلی کئمی، 19قونشوسونو آلداتان آدام دا اؤیله‌دئر، و دیئر: «من آنجاق زارافات ادئردئم!»
20اودون اولماسا اود سؤنر، قیبتچی اولماسا دا داعوا یاتار. 21کؤمور قورو، اودون دا اودو نجه آلوولاندیریرسا، داعوالاشان آدام دا بله‌جه چکئشمه‌نی آلوولاندیرار. 22قیبتچینین سؤزلری سچمه لقمه‌لر کئمی‌دئر؛ اونلار باطئنئن ان درئن یرلرئنه اِنَر.
23گئل قابی اؤرتن سیرچا کئمی، پئس اورَکله اولان هامار دوداقلار دا بله‌دئر. 24دوشمن اؤز دوداقلاری ائله اؤزونو باشقا گؤستَرر، آمّا اوره‌یئنده حئیله بسله‌یر. 25مهرئبانجاسینا دانیشاندا اونا ائنانما، چونکی یدّی ایرنج شی اوره‌یئنی دولدوروب. 26اونون نئفرتی حئیله ائله گئزلَنسه ده، شرارتی جماعت آراسیندا آشکار اولار. 27چوخور قازان آدام اؤزو اونون ائچئنه دوشر، داش دا اونو دیغیرلادان آدامین اوستونه قاییدار. 28یالانچی دئل اَزدئیی آداملاردان نئفرت ادر، یالتاق آغیز دا وئرانلیق گتئرر.
