Chitsiru Chimabwerezanso Uchitsiru Wake
Pafupifupi mndandanda wa mitundu itatu ya anthu. Chitsiru, chimene sichingalemekezedwe, kulembedwa ntchito kapena kuchiritsidwa; munthu waulesi, wotembenukatembenuka pa bedi lake ngati chitseko pa zolumikizira zake; ndi wonyenga, amene amavulaza kenako nanena kuti amangoseka. Wokumba dzenje adzagweramo.
26 1Monga chipale chofewa m'nyengo yachilimwe ndi monga mvula pa nthawi yokolola, ulemu sukuyenerana ndi chitsiru. 2Monga timba wouluka kapena namzeze wotchera, temberero lopanda chifukwa silikhazikika. 3Chikwapu ndi cha kavalo, chitsulo cha m'kamwa ndi cha bulu, ndipo ndodo ndi ya misana ya zitsiru. 4Usamuyankhe chitsiru molingana ndi uchitsiru wake, kuti iweyo usadzafanane naye. 5Muyankhe chitsiru molingana ndi uchitsiru wake, kuti asadziyese wanzeru pa maso ake. 6Amene atumiza uthenga kudzera mwa chitsiru amadzidula mapazi ake nadwa chiwawa. 7Monga miyendo ya munthu wolumala imene imangolendewera, umo ndi mmene ulili mwambi mkamwa mwa zitsiru. 8Monga kumanga mwala pa legeni, umo ndi mmene kulili kupereka ulemu kwa chitsiru. 9Monga mtengo waminga m'manja mwa chidakwa, umo ndi mmene ulili mwambi mkamwa mwa zitsiru. 10Monga wophwanya uta amene avulaza aliyense, umo ndi mmene alili munthu amene aganyira chitsiru kapena aganyira wodutsa aliyense. 11Monga galu amabwerera ku masanzi ake, momwemonso chitsiru chimabwerezanso uchitsiru wake. 12Kodi umuona munthu wodziyesa wanzeru pa maso ake? Chitsiru chili ndi chiyembekezo choposa iyeyo.
13Munthu waulesi amati, “Pali mkango mu msewu! Mkango m'misewu!” 14Monga chitseko chimatembenukira pa magezni ake, momwemonso munthu waulesi amatembenukira pa bedi lake. 15Munthu waulesi amapisa dzanja lake mu mbale; kumutopetsa kulibweza kukamwa kwake. 16Munthu waulesi amadziyesa wanzeru pa maso ake
17Monga kugwira galu makutu, umo ndi mmene alili wodutsa amene alowerera m'mikangano imene si yake.
18Monga munthu wamisala amene aponya zikuni zoyaka, 19momwemonso ndi munthu amene anyenga mnansi wake
20Popanda nkhuni moto umazima, ndipo popanda miseche mikangano imatha. 21Monga makala ku zikundu ndi nkhuni ku moto, momwemonso munthu wandewu amayambitsa mkangano. 22Mau a munthu wa miseche ali ngati zakudya zokoma; amalowa mpaka mkati mwa mtima.
23Monga golodi wokuta mbiya yadothi, umo ndi mmene ulili milomo yosalala ndi mtima woipa. 24Mdani amadzibisa ndi milomo yake, koma mu mtima mwake asunga chinyengo. 25Pamene ayankhula mokoma mtima, usamukhulupirire, 26Ngakhale chidani chake chabisidwa ndi chinyengo, kuipa kwake kudzaonetsedwa poyera pa msonkhano. 27Amene akumba dzenje adzagweramo, 28Lilime labodza limadana ndi amene limawapweteka, ndipo kamwa koshashalika kamabweretsa chiwonongeko.
