موسا و هارون فئرعونون قاباغیندا
موسا و هارون فئرعوندان چؤلده بئر بایرام ائسته‌یئرلر و اونلارا دِیئلئر کی، او، بو تارینی تانیمیر. سامان کسئلئر، آمّا کرپئج ساییسی همن قالیر، ائسرایئل باشچیلاری دؤیولور و ائسرایئل موسانی تقصئرلَندئرئر. موسا گری دؤنوب آتامیزدان سوروشور کی، نئیه اونو گؤندَ‌رئب.
5 1سونرا موسا و هارون فئرعونون یانینا گدئب ددئلر: «ائسرایئلئن آتامیز بله بویورور: قوی خالقیم گتسئن کی، چؤلده منئم اوچون بایرام توتسونلار.»
2فئرعون ددی: «تاری کئمدئر کی، من اونون سسئنه ائطاعت ادئب ائسرایئلی بوراخیم؟ من تارینی تانیمیرام و ائسرایئلی ده بوراخمایاجاغام.»
3اونلار ددئلر: «آتامیز بئزئمله گؤروشوب. قوی چؤله اوچ گونلوک یول گدک کی، آتامیزا قوربان کسک، یوخسا او، بئزی وبا یا قیلینجلا ووراجاق.»
4آمّا مئصئرئن پادشاهی اونلارا بله ددی: «موسا و هارون، نئیه خالقی ائشدن آییریرسینیز؟ گدئن اؤز ائشئنئزئن دالینجا!» 5فئرعون ددی: «باخین، بو تورپاغین خالقی ائندی چوخدور و سئز ائسته‌یئرسئنئز کی، اونلاری ائشدن ساخلایاسینیز!»
6همئن گون فئرعون نظارتچیلارا و خالقین اوستونده‌کی باشچیلارا بله امر اتدی: 7«کرپئج اوچون خالقا اوّلکی کئمی سامان ورمه‌یئن. قوی اؤزلری گدئب اؤزلرئنه سامان ییغسینلار.
8اوّلکی کئمی همن قدر کرپئج اونلاردان طلب ادئن؛ اونو آزالتمایین. اونلار تنبل‌دئرلر؛ اونا گؤره فریاد ادئب دیئرلر: ”قوی گدک، تاریمیزا قوربان کسک.“ 9ائشی بو کئشئلر اوچون داها آغیر ادئن کی، اونونلا مشغول اولسونلار و یالان سؤزلره قولاق آسمایالار.»
10نظارتچیلار و باشچیلار اشئیه چیخیب خالقا ددئلر: «فئرعون بله دیئر: ”من آرتیق سئزه سامان ورمه‌یه‌جیم. 11گدئن، هارادان تاپاسینیز، اؤزونوزه سامان گتئرئن، آمّا ائشئنئز هچ آزالمایاجاق.“» 12بله‌جه خالق بوتون مئصئر تورپاغینا سَپه‌لَندی کی، سامان عوضئنه سامان چؤپو ییغسین. 13نظارتچیلار اونلاری سیخیشدیریب دیئردئلر: «سامانینیز اولان واختداکی کئمی گونده‌لئک ائشئنئزی قورتارین.» 14فئرعونون نظارتچیلارینین اونلارین اوستونه قویدوغو ائسرایئل‌لی باشچیلار دؤیولدولر و اونلاردان سوروشدولار: «نئیه نه دونَن، نه ده بو گون اوّلکی کئمی کرپئج ائشئنئزی قورتارمادینیز؟»
15او زامان ائسرایئل‌لی باشچیلار گلئب فئرعونا فریاد ادئب ددئلر: «نئیه قوللارینلا بله رفتار ادئرسن؟ 16قوللارینا سامان ورمئرلر، آمّا بئزه دیئرلر: ”کرپئج دوزَ‌لدئن!“ باخ، قوللارین دؤیولور، آمّا تقصئر سنئن اؤز خالقینداندیر.»
17فئرعون ددی: «تنبل‌سئنئز! سئز تنبل‌سئنئز! اونا گؤره دیئرسئنئز: ”قوی گدئب تارییا قوربان کسک.“ 18ائندی گدئن، ائشله‌یئن. سئزه سامان ورئلمه‌یه‌جک، آمّا گرک کرپئجئن بوتون قَدَرئنی وره‌سئنئز.»
19ائسرایئل‌لی باشچیلار، «گونده‌لئک کرپئج ائشئنئزی آزالتمایین» سؤزونو اشئدنده، گؤردولر کی، بلایا دوشوبلر. 20فئرعونون یانیندان چیخاندا، موسا و هارونو گؤردولر کی، اونلاری قارشیلاماق اوچون گؤزله‌یئردئلر. 21اونلارا ددئلر: «قوی آتامیز سئزه باخیب حؤکم اتسئن، چونکی بئزی فئرعونون و اعیانلارینین گؤزونده ائیرنج اتدئنئز، بئزی اؤلدورمک اوچون اونلارین الئنه قیلینج وردئنئز.»
22اوندا موسا آتامیزین یانینا قاییدیب ددی: «ای حاکئم آتام، نئیه بو خالقین باشینا بلا گتئردئن؟ نئیه منی گؤندَ‌ردئن؟
23من سنئن آدینلا دانیشماق اوچون فئرعونون یانینا گتدئیئم گوندن بَری، او بو خالقا ضرر ووروب، سن ده اؤز خالقینی هچ قورتارمادین.»
