Konyek che Tebee Inyee
Tienwogitap Daudi.
Saaetap koskoleny ne kiyaei kou nyamdutik. Kiit ne saaei Kwandanyi si koriip ko kutinnyi ak munyastanyi — si ma konamge ak kiptengeginik anan koame amitwogikwak che chaameen — ak chamei katigonetap chiito ne po iman kou mwaita eng' metinnyi.
141 1Kwandanyu, aguurin inyee; ichakte inyoonjo. Igas kutinnyu ye awaachin.
2Ingong'eet saaennyu eng' taing'ung' ko uu nyamdutik, toroornatetap eunekyuk ko uu kagoochinet ne po koskoleny.
3Ind riibindet, Kwandanyu, eng' kutinnyu; iriip kurgeetap kutusweekyuk. 4Amechamji muguleldanyu koweek eng' kiy age tugul ne ya, si anamge eng' poisyonik che yaacheen kobooto che yaei ne ma po iman; ak amechamji aam amitwogikwak che chaameen.
5Ingobara chiito ne po iman anee—ko kindoi; ingokergong'—ko mwaita eng' metinnyu; matee metinnyu. Ago mi saaennyu kotugul agaigai poisyonigap kiptengeginik.
6Ye kewiir laitorinikwak ng'wony kobun kererchosyek, yeityo kogas piik ng'aleekyuk, amu chaameen. 7Ko uu ye guberei chii ak koyiir emet, ko uu nooto kiyesta kawekyuk eng' kutitap kereet.
8Ago tebee konyekyuk agobo inyee, Kwandanyu Kiptaiyat; amang'u inyee— amebagaakyo ama tinye ne rib. 9Iriibo eng' mesteet ne kagochopchi anee, ak eng' mestonogap che yaei ne ma po iman. 10Ingobutyo kiptengeginik eng' regereiywekwak, ago asiirtoe aneege eng' kaalyeet.