گؤزلر سنه دئکئلئب
داوودون مزمورو.
بوخور کئمی تقدئم اولونان آخشام دوعاسی. آتاسیندان قوروماسینی ائسته‌دئیی اؤز آغزی و ائشتاهاسی‌دیر — حاقسیزلیق ادنلرله قاتیلماماق و اونلارین لذّتلی یمکلرئندن داد آلماماق — و صالح بئر آدامین نصئحتئنی باشینا یاغ کئمی قبول ادر.
141 1آتام، سنی چاغیریرام؛ تئز منئم یانیما گل. سنی چاغیراندا سسئمی اشئت.
2دوعام بوخور کئمی سنئن قاباغیندا یوکسلسئن، اَللرئمئن قالخماسی آخشام تقدئمی کئمی اولسون.
3آتام، آغزیما بئر کشئکچی قوی؛ دوداقلاریمین قاپیسینی گؤزله. 4قویما اوره‌یئم هچ بئر پئسلئیه دؤنسون، حاقسیزلیق ادنلرله بئرلئکده پئس عمللره قاتیلسین؛ و قویما اونلارین لذّتلی یمکلرئنی یئیم.
5قوی صالح آدام منی وورسون— بو یاخشیلیقدیر؛ قوی منی نصئحت اتسئن—بو باشیم اوچون یاغدیر؛ باشیم اونو رد اتمز. آمّا دوعام همئشه پئس آداملارین عمل‌لرئنئن ضئدّئنه‌دئر.
6حؤکمدارلاری تئز قایالاردان آشاغی آتیلاندا، او واخت خالق سؤزلرئمی اشئده‌جک، چونکی اونلار خوشدور. 7نجه کی بئری یری شوخوملاییب یاریر، بله‌جه سوموکلرئمئز قبئرئن آغزیندا سَپه‌له‌نئب.
8آمّا گؤزلرئم سنه باخیر، ای حؤکمدار آتام؛ سنه پناه گتئرئرم— منی کؤمکسئز بوراخما. 9منی اونلارین منئم اوچون قوردوقلاری تله‌دن قورو، حاقسیزلیق ادنلرئن تله‌لرئندن. 10قوی پئس آداملار اؤز تورلارینا دوشسونلر، آمّا من تک باشیما امئن-آمانلیقدا کچئم.
