Maitho Makwa Marĩ Harĩ Wee
Thaburi ya Daudi.
Ihooya rĩa hwaĩinĩ rĩrutĩtwo ta ũbumba. Kĩrĩa arathaitha Ithe wake amũrangĩre nĩ kanua gake na merirĩria make — atikanyiitanĩre na eeki a ũũru kana akenio nĩ irio ciao njega — naake akamũkĩra kũrũngwo nĩ mũndũ mũthingu ta maguta mũtwe wake.
141 1Awa, nĩndagwĩta; ũũke kũrĩ niĩ narua. Thikĩrĩria mũgambo wakwa rĩrĩa ngũkaĩra.
2Mahooya makwa nĩmambate mbere yaku o ta ũbumba, naguo ũhoora wa mooko makwa ũtuĩke ta igongona rĩa hwaĩ-inĩ.
3Awa, iga mũrangĩri kanua-inĩ gakwa; ũrangĩre mũromo wa mĩromo yakwa. 4Ndũkareke ngoro yakwa ĩerekere ũũru-inĩ o wothe, kwĩnyiitithania na ciĩko njũru hamwe na arĩa mekaga ũũru; na ndũkareke ndĩe irio ciao iria njega.
5Mũndũ ũrĩa mũthingu nĩangĩũhũũra— ũcio nĩ ũtugi; nĩanjũngĩrĩrie—ũcio nĩ maguta ma mũtwe wakwa; mũtwe wakwa ndũkũũrega. No mahooya makwa hĩndĩ ciothe nĩ magũkĩrĩra ciĩko cia arĩa aaganu.
6Rĩrĩa aathani ao makaaikio thĩ moimĩte ndwaro-inĩ cia mahiga, hĩndĩ ĩyo andũ nĩmakaigua ciugo ciakwa, amu nĩ njega. 7O ta ũrĩa mũndũ arĩmaga na akaatũra thĩ, ũguo noguo mahĩndĩ maitũ mahurunjĩtwo mũromo-inĩ wa mbĩrĩra.
8No maitho makwa marĩ harĩ wee, Awa, Mũnene wakwa; harĩ wee nĩkuo njũragĩra— ndũkandiganĩrie itarĩ na ũgitĩri. 9Ngitĩra mũtego ũrĩa maanjambĩĩire, na mĩtego ya arĩa mekaga ũũru. 10Arĩa aaganu nĩmagwe mĩtego-inĩ yao ene, o rĩrĩa niĩ nyiki hĩtũkagĩra na ũgitĩri.