Amhü No Yolü Petüsü
David chele.
Kümütü kecho mhathüpü bi tsü keta kesu. Pü Poce khü süte zisü pü kesu hihi utho mü mu rikhu zo — kerüzü mhatho mikoko zü züyi tahite mori uko mezü keveko doyi tahite — mu kematho kemezi mi pü atarho keto hihi pü pilü whü bi mphrü zo.
141 1A Po, i noce cüyo; metha rekri ace vorite. I noce semeto lize afü reni süte.
2A kecho mhathüpü bi n mhüjülü khote, abe chopü theva rütho bi tate.
3A Po, a talü rikhu khü süte; a mü cekha khü mu la bate. 4A melü mhakesu ce tala tahite, kerüzü mhatho lü mhatho kekriti kebako zü züyi tahite; mu uko mezü keveko i doyi tahite.
5Kematho kemezio avü— mphrü zo; pü atarhote—a pi tirü zo; a pie süo müla mote. Vele a kecho pütü metülü kerüzüko mhatho ce bayo.
6Uko krütako ketsü kelhuko celü sü keva lize, süsa thümako ajüko reni süto, kekrelamori süko nüphi zo. 7Mipüe cejüo lo die varhü bi, sübi ha roko mezao tace hupre keva zo.
8Vele amhü no yolü petü bayo, a Niepoo Po; n yolü i rezhü bayo— i khapü thelü thokemelu thi vatahite. 9Uko ala keti tüpü uketüba celü i thürai zote, mhatho kekriti kebako makeyi celü thürai zote. 10Kerüzüko uko tüyo netsülü jo tate, vele i kütsü la krü kevalü vomo tate.
