تۀ زما يې

نه دا چې که له اوبو او اور څخه تېر شې، بلکې کله چې تېرېږې: پلار ژمنه کوي چې هلته به وي، ځکه یې د هغو خلکو فدیه ورکړې چې قیمتي او عزتمن یې بولي. هغه یو نوی کار کوي، په بیابان کې لارې — دا هغو خلکو ته ویل کیږي چې یوازې یې په ګناه ستړی کړی و.

څپرکی 43.

خو اوس، زمونږ پلار داسې فرمائى — هغه چې تۀ يې پېدا کړې، اے يعقوبه، هغه چې تۀ يې جوړ کړې، اے اِسرائيله: يرېږه مه، ځکه چې ما تۀ خلاص کړے يې؛ ما تۀ په نوم بللے يې، تۀ زما يې. کله چې تۀ د اوبو نه تېرېږې، نو زۀ به ستا سره يم؛ او کله چې د سيندونو نه تېرېږې، نو هغه به تۀ نۀ ډوبوى. کله چې تۀ په اور کښې ګرځې، نو تۀ به نۀ سوزېږې، او لمبه به تۀ نۀ سوزوى. ځکه چې زۀ ستا پلار يم، د اِسرائيل پاک ذات، ستا خلاصونکے. ما ستا د فديې په بدل کښې مِصر ورکړو، کوش او سِبا ستا په ځائ کښې. ^a ځکه چې تۀ زما په سترګو کښې قيمتى يې، او عزتمند يې، او زۀ له تا سره مينه کوم، نو زۀ به ستا په بدل کښې خلق ورکړم، او ستا د ژوند په بدل کښې قومونه. يرېږه مه، ځکه چې زۀ ستا سره يم. زۀ به ستا اولاد د ختيځ نه راولم، او د لويديځ نه به تۀ راجمع کړم. شمال ته به زۀ ووايم چې، هغوئ خوشې کړه، او جنوب ته، نور هغوئ مۀ ساته؛ زما زامن د لرې ملکونو نه او زما لوڼه د زمکې د اخري څنډو نه راوله، هر هغه څوک چې زما په نوم بلے شى، چې ما هغه زما د لوئۍ دپاره پېدا کړو، چې ما هغه جوړ او ساز کړو. هغه خلق راوباسئ چې سترګې لرى خو ړانده دى، او چې غوږونه لرى خو کاڼه دى. ټول قومونه سره راجمع شى، او خلق سره راغونډ شى. په هغوئ کښې څوک دا بيانولے شى او مونږ ته پخوانۍ خبرې وئيلے شى؟ قومونه دې خپل ګواهان راولى چې ثابته يې کړى چې هغوئ حق په جانب دى، دې دپاره چې نور واورى او ووائى چې، دا رښتيا دى. تاسو زما ګواهان يئ، زمونږ پلار فرمائى، او زما غوره کړے خادِم، دې دپاره چې تاسو ما وپېژنئ او په ما ايمان راوړئ او پوهه شئ چې زۀ هم هغه يم. زما نه مخکښې هيڅ معبود جوړ شوے نۀ دے، او زما نه پس به هيڅ رانۀ شى. زۀ، زۀ ستا پلار يم، او زما نه سِوا بل هيڅ خلاصونکے نشته. ما اعلان وکړو او خلاصون مې درکړو او اِشتهار مې وکړو، کله چې ستاسو په مينځ کښې هيڅ پردے معبود نۀ وو؛ او تاسو زما ګواهان يئ، زمونږ پلار فرمائى، او زۀ ستا پلار يم. د نن ورځې نه زۀ هم هغه يم؛ هيڅوک نشته چې زما د لاس نه څوک خلاص کړى. زۀ کار کوم، او څوک يې بيا واپس کولے شى؟

د بيابان نه يوه لار

زمونږ پلار داسې فرمائى — ستا خلاصونکے، د اِسرائيل پاک ذات: ستا دپاره زۀ بابل ته لېږم او هغوئ ټول د فراريانو په شان راکوزوم، بابليان، په هغو کشتيو کښې چې هغوئ پرې دومره فخر کوى. زۀ ستا پلار يم، ستا پاک ذات، د اِسرائيل خالق، ستا بادشاه.

زمونږ پلار داسې فرمائى — هغه چې په سمندر کښې لار جوړوى، د زورورو اوبو په مينځ کښې لاره،

هغه چې رته او آس راوباسى، لښکر او جنګيالے يو ځائ — هغوئ پرېوځى او پاڅېدلے نۀ شى، مړه شى، د ډيوې د وزمې په شان مړاوى شى: پخوانۍ خبرې مۀ يادوئ، او نۀ د تېر وخت شيانو ته فکر کوئ. وګورئ، زۀ يو نوے کار کوم؛ اوس هغه راټوکيږى — آيا تاسو هغه نۀ وينئ؟ زۀ به په بيابان کښې لار جوړه کړم او په صحرا کښې سيندونه. ځنګلى ځناور به زما عزت وکړى، ګيدړان او شترمرغان، ځکه چې زۀ په بيابان کښې اوبۀ برابروم او په صحرا کښې سيندونه، دې دپاره چې خپلو غوره کړو خلقو ته اوبۀ ورکړم، هغه خلق چې ما د ځان دپاره جوړ کړل، دې دپاره چې هغوئ زما ثناء بيان کړى.

”خو تا زۀ رانۀ بللم، اے يعقوبه؛ تۀ زما نه ستړے شوے يې، اے اِسرائيله. تا ماله د خپلو سوزېدونکو قربانيو دپاره ګډې رانۀ وړلې، او نۀ دې په خپلو قربانيو زما عزت وکړو. ما د غلې په نذرانو تۀ بوج لاندې نۀ کړې او نۀ مې تۀ په لوبان ستړے کړې. تا د روپو په بدل کښې ماله خوشبودار نے رانۀ واخستو، او نۀ دې د خپلو قربانيو په وازده زۀ مړ کړم. بلکې، تا په خپلو ګناهونو زۀ بوج لاندې کړم؛ تا په خپلو بديو زۀ ستړے کړم.

”زۀ، زۀ هم هغه يم چې ستا بغاوتونه زما د خپل ذات دپاره پاکوم، او زۀ به ستا ګناهونه بيا ونۀ يادوم. ^b ما ته ياد راکړه؛ راځه چې يو ځائ دا خبره فيصله کړو؛ خپله خبره بيان کړه، چې تۀ حق ثابت شې. ستا اول پلار ګناه وکړه، او ستا ترجمانانو زما نه بغاوت وکړو. ^c نو ما د مقدِس خانې عهدېداران ناپاک کړل؛ ما يعقوب تباهۍ ته وسپارلو او اِسرائيل بې عزتۍ ته.“