Hiak swak thang rwe
Chongdip

Pa om Baannu ding To Tan Ngam Make

Talwan kraa kung kani na thao pi swaknu kachaak thaomei ket khatna, Zerubbabel om kalum in imbeiza, loi mak latnu lang baom sung sianu ding katake. Ani Pa om chong maan khou: Raangnu paan bina make, nat paan bina le make, atiyeda Akatha paan bina naye. Inmun daannu kutna haba to loi thanglune; pakhatchanale pot imbei bing ding balaa mako.

Ani Pa na chongkhak hei bing bi kabia nge 6–7, 9–10

Bung 4.

Atiga ei le diga chong kabia ongnu tambaan chonglang na han hung latluga, inthi bina bathou thangnu mi khat danga, ating bathou rwe. Maanna ating khou ngaiye, “Nangna pa-aam mubo?” Eina rinne, “Kachaak thaomei ket khat, balu la theng khat, thaomei siari, balu la amnu thaomei khat khat lang thao lwang swaknu riak siari siari am rwe.

Talwan kraa kung kani, khatna theng om inchang pek la, katei ba imbei la, baki bi han ongme.”

Atiga eina ei le diga chong kabia ongnu tambaan chonglang khou rinne, “Apukraangba, hei bing ga pa-aambo?”

Atiga ei le diga chong kabia ongnu tambaan chonglang na rinne, “Hei bing ga pa-aam ye diga nangna thei maknubo?” Eina rinne, “Mak e, apukraangba.”

Maanna ating khou rinne, “Heiya Zerubbabel khou ani Pa om chong nge: Raangnu paan bina make, nat paan bina le make, atiyeda Akatha paan bina naye, diga kraanmi rwan om Pa na rinne. Nang liannu rammwan, nangna tubo? Zerubbabel meithaan bi nang talei munna gon drwe. Maanna bakung tonu lung ding lat swak hungluga paoga rinne, ‘Phaangkriang, haba khou phaangkriang!’

Atiga ani Pa om chong ating khou hungluga rinne,

Zerubbabel om kutna heiba in om inmun daan rwe; baom kutna haba to loi thanglune. Atiga kraanmi rwan om Pa na ating nani khou hung thang rwe diga nanina theilune. Pot kataknu om lumik ding tuna phaang batanubo? Zerubbabel om kut pi daan rwi muluga banina karolune. Hei siari bing ga talei ram pui bi rang se ongnu ani Pa om mik gaye.”

Atiga eina bakhou ngaiye, “Thaomei ket om inchang pek la khatle imbei la amnu talwan kraa kung kani hei bing ga pa-aambo?” Eina ngai late, “Kachaak thao lwang hungnu kachaak bazin kani baki bi amnu talwan kraa kachang kani hei bing ga pa-aambo?”

Maanna ating khou rinne, “Hei bing ga pa-aam ye diga nangna thei maknubo?” Eina rinne, “Mak e, apukraangba.”

Maanna rinne, “Hei bing ga talei ram pui om Pukraangba Nachong meithaan bi han ongnu, thao kanun thangnu mi kani gaye.”