Pashhur pora bhabobadi ke marise
Purohit Pashhur pora Jeremiah ke mari kene ek rati beri te bandi rakhe. Chari dile pichete, Jeremiah pora tar naam Charifale Bhoi rakhi diye, aru pichete tar Pitri logot kotha kore: Apuni moi ke harai dise, aru moi gili bole kosis kora kotha tu moi laga har te jui nisina jolise. Tai prosonsa kore, aru pichete nijor jonom ke shrap diye.
20 1Immer laga putro Pashhur, kun ekjon purohit aru amar Pitri laga ghor te mukhyo adhikari thakise, tai Jeremiah pora eitu kotha khan bhabobani kori thaka tu hunise. 2Pashhur pora bhabobadi Jeremiah ke mari kene, amar Pitri laga ghor te thaka Benjamin laga upor Dorja te tar ke beri te bandi dise. 3Dusera din te, Pashhur pora Jeremiah ke beri pora chari dise. Jeremiah pora koise, “Amar Pitri pora tumi laga nam Pashhur rakha nai, kintu Magor-Missabib—Charifale Bhoi. a a v3 Magor-Missabib laga motlob ase “charifale bhoi” — notun nam tu Pashhur nijor laga kaam khan pora tar uporte anibole thaka bhoi ke matai dise.
4Amar Pitri pora eneka koi ase: ‘Moi tumi ke tumi nijor aru tumi laga sathi khan nimite ekta bhoi bonai dibo. Tumi laga suku age te tarkhan tarkhan laga dushman khan laga torowal pora giri jabo. Moi guta Judah ke Babylon laga raja laga hath te di dibo; tai tarkhan ke Babylon te loi jabo aru torowal pora tarkhan ke maribo. 5Moi eitu sheher laga dhun, saman, aru daam thaka jinis khan, aru Judah laga raja khan laga bhandar khan tarkhan laga dushman khan ke di dibo, kun pora eitu khan lutibo, loibo, aru Babylon te loi jabo. 6Tumi, Pashhur, aru tumi laga ghor te thaka sob manuh bondi hoi kene jabo, Babylon te ahhibo, aru tate mori kene kobor hoi jabo—tumi aru tumi kun khan ke misa bhabobani korise hei sob sathi khan.’”
Jeremiah pora Tar Pitri ke kandi mate
7Apuni moi ke thogai dise, moi laga Pitri, aru moi thogai khaise; Apuni moi ke takot pora dhori loise aru jiti loise. Moi din bhorte manuh laga hasi laga jinis hoi jaise; sob manuh moi ke tamasha kore. 8Jitia moi kotha koi, moi hala kori kene kande, “Marpit aru nosto!” Kilemane amar Pitri laga kotha pora moi ke din bhorte tamasha aru ninda anise. 9Kintu jodi moi koi, “Moi Tar kotha nakobo aru Tar nam te aru kotha nakobo,” tene hole moi laga mon te moi laga hardi khan bhitor te bandi kene thaka jwoli thaka jui nisena kiba ase. Eitu dhori rakhi kene moi klanto hoi jaise, aru moi napare. 10Kilemane moi bisi manuh laga ghusur-ghusur hune: “Charifale bhoi! Tar ke golti dibi! Ahh amikhan tar ke golti dibo!” Moi biswas kora sob sathi khan moi laga giri jua nimite rukhi ase: “Hoitu tai thogai khabo, aru tetiya amikhan tar uporte jiti loibo aru tar uporte badla loibo.” 11Kintu amar Pitri ekjon bhoi laga sipahi nisena moi logot te ase; etu nimite moi ke dukh diya khan giri jabo aru jitibo naparibo. Tarkhan pura sorom pabo, kilemane tarkhan saphol huwa nai; tarkhan laga ananta beijjati kitia bhi napahoribo. 12O sorgo laga sena khan laga Pitri, Apuni kun dharmik ke porikha kore aru mon aru buddhi ke dekhe, Apuni laga niyai tarkhan uporte moi ke dikhai dibi, kilemane moi laga mamla moi Apuni ke di dise. 13Amar Pitri ke git gabi! Amar Pitri ke stuti koribi! Kilemane Tai dukhiya laga jivon ke biya kaam kora khan laga hath pora bachai loise. 14Moi jonom huwa din tu shrap hobole dibi! Moi laga ama pora moi ke jonom diya din tu kitia bhi asirbad napabole dibi. 15Kun manuh pora moi laga baba ke khobor anise, “Tumi ke ekjon putro jonom hoise!” aru tai ke bisi khushi korise—hei manuh ke shrap hobole dibi. 16Hei manuh amar Pitri pora morom nathaki kene ulta p018 diya sheher khan nisena hobole dibi. Tai phojur te kanda awaj aru dupor te lorai laga awaj hunibole dibi, 17kilemane tai moi ke pet bhitor te mara nai, etu nimite moi laga ama moi laga kobor hobo asile, tar pet moi laga hodai nimite aram kora jagah. 18Kile moi pet pora ulai ahise dukh aru mon dukh dikhibole, aru moi laga din khan sorom te khotom koribole?