Pitri pora matir botol bhangai dise
Amar Pitri laga kotha hisab te Jeremiah bura manu khan ke bacha khan jolai diya ghati te loi jai, etu ke Morai Diya Ghati naam diye, aru taikhan laga hamne te ekta mati laga kolsi bhangi diye. Kumhar laga kolsi nisina nohoi, etu ke aru notun kori bonabole napare. Tai etu ke loi kene mondir laga chukal te ghuri ahe.
19 1Amar Pitri pora eneka koise: Jai kene ekjon kumar laga matir botol kinibi, aru manuh khan laga bura-manuh khan majot te kunba aru purohit khan laga bura-manuh khan majot te kunba ke loi loi, 2aru Ben-Hinnom laga upotyika te ulai jabi, juntu Thikra Duar te ghusa jaga usor te ase, aru ta te Moi tumi ke kowa kotha khan prachar koribi. a a v2 Thikra tu bhanga matir bostu laga ekta tukra ase; usor te phelai diya thikra khan nimite hei duar laga nam rakhise.
3Koribi: Judah laga raja khan aru Jerusalem laga manuh khan, amar Pitri laga kotha huni bi. Sorgo laga sena khan laga Pitri, Israel laga Pitri, eneka koi ase: Sabi, Moi eneka dukh eitu jaga te anibo je kun huni bo tarkhan sob laga kan jhun-jhun koribo. 4Kilemane tarkhan Moi ke chari dise aru eitu jaga ke bideshi bonaise, ta te tarkhan, tarkhan laga purbo-manuh khan aru Judah laga raja khan pora najana dusra isor khan ke dhoop julaise, aru kilemane tarkhan eitu jaga ke nirdosh khoon pora bhorta korise. 5Tarkhan Baal laga uncha jaga khan bonaise, Baal ke jui te jula boli hisab te tarkhan laga chokra khan ke julabole—juntu Moi kitia bhi hukum diya nai nohoile kowa nai, aru Moi laga mon te bhi aha nai. 6Etu nimite sabi, din khan ahi ase, amar Pitri koi ase, jitia eitu jaga ke aru Topheth nohoile Ben-Hinnom laga upotyika koi kene namatibo, kintu Jobai kora upotyika koribo. 7Eitu jaga te Moi Judah aru Jerusalem laga porikolpona khan khali kori dibo, tarkhan laga dushman khan age te, tarkhan laga jivon bisara khan laga hath pora, Moi tarkhan ke talwar pora girai dibo. Moi tarkhan laga mora-gaw khan ke akash laga chiriya khan aru prithibi laga janwar khan ke khana hisab te dibo. b b v7 Yeremiah dhori thaka matir botol laga kotha logot te iate “khali kori diya” laga kotha ekdur mila ase—khali kori diya botol tu Judah laga khali kori diya porikolpona ke dikhai ase. 8Moi eitu sohor ke bhoi laga jaga, aru manuh khan pora ninda kora jinis bonai dibo; kun iate paar hobo tarkhan sob asurit hoi kene iske laga sob ghau khan nimite ninda koribo. 9Moi tarkhan ke tarkhan laga chokra aru chukri khan laga mangso khabole dibo, aru dushman khan aru tarkhan laga jivon bisara khan pora charifale gherai kene dukh diya homoi te, sob manuh nijor usor manuh laga mangso khabo.
10Titia tumi logot te jua manuh khan laga age te botol tu bhangabi,
11aru tarkhan ke kobi: Sorgo laga sena khan laga Pitri eneka koi ase: Jineka ekjon pora kumar laga saman bhangai de aru juntu aru kitia bhi thik koribo napare, tineka Moi eitu manuh khan aru eitu sohor ke bhangai dibo. Aru puribole dusra jaga nathaka karone tarkhan Topheth te puribo. 12Eitu jaga aru iate thaka manuh khan ke Moi eneka koribo, amar Pitri koi ase—eitu sohor ke Topheth nisena bonai dibo. 13Jerusalem laga ghor khan aru Judah laga raja khan laga ghor khan Topheth nisena letera hoi jabo—kun ghor laga chat te tarkhan pora akash laga sob sena khan ke dhoop julaise aru dusra isor khan ke ras boli dhalise, hei sob ghor.
14Yeremiah ke bhabobani kobole amar Pitri pora pathai diya Topheth pora tai ahise, aru amar Pitri laga ghor laga chowk te khara hoi kene sob manuh ke koise:
15Sorgo laga sena khan laga Pitri, Israel laga amar Pitri, eneka koi ase: Moi eitu sohor aru iske laga sob sohor khan uporte Moi juntu dukh kowa thakise hei sob dukh anibo, kilemane tarkhan pora nijor gola tan korise aru Moi laga kotha huni bole mana korise.