எரேமியா 19

19 ¹எங்கள் பிதா சொன்னது இதுவே: நீ போய் குயவனுடைய ஒரு மண்பாண்டத்தை வாங்கி, ஜனத்தின் மூப்பர்களிலும் ஆசாரியரின் மூப்பர்களிலும் சிலரைக் கூட்டிக்கொண்டு, ²ஓட்டுவாசலின் நடையில் இருக்கிற பென்இன்னோம் பள்ளத்தாக்கிற்குப் புறப்பட்டுப்போய், நான் உனக்குச் சொல்லும் வார்த்தைகளை அங்கே கூறு. ^a a v2 ஓடு என்பது உடைந்த மண்பாண்டத்தின் துண்டு; அருகில் எறியப்பட்ட ஓடுகளின் பேரால் அந்த வாசலுக்குப் பெயரிடப்பட்டது.

³நீ சொல்லவேண்டியது: யூதாவின் ராஜாக்களே, எருசலேமின் குடிகளே, எங்கள் பிதாவின் வார்த்தையைக் கேளுங்கள். வானசேனைகளின் பிதா, இஸ்ரவேலின் பிதா சொல்லுகிறது இதுவே: இதோ, கேட்கிற எல்லாருடைய காதுகளும் தினவெடுக்கும்படியான பெரிய ஆபத்தை நான் இந்த ஸ்தலத்தின்மேல் வரப்பண்ணுவேன். ⁴அவர்கள் என்னைவிட்டு, இந்த ஸ்தலத்தை அந்நியப்படுத்தி, தங்களுக்கும் தங்கள் முன்னோர்களுக்கும் யூதாவின் ராஜாக்களுக்கும் தெரியாத அந்நிய தேவர்களுக்கு இங்கே தூபங்காட்டி, இந்த ஸ்தலத்தைக் குற்றமில்லாத இரத்தத்தினால் நிரப்பினபடியினால்; ⁵பாகாலுக்குச் சர்வாங்க தகனபலிகளாகத் தங்கள் குமாரரை அக்கினியில் சுட்டெரிக்கும்படி பாகாலின் மேடைகளைக் கட்டினார்கள்; அதை நான் ஒருபோதும் கட்டளையிடவுமில்லை, சொல்லவுமில்லை, என் மனதிலும் அது தோன்றவில்லை. ⁶ஆகையால், இதோ, நாட்கள் வருகிறது; அப்பொழுது இந்த ஸ்தலம் தோப்பேத் என்றாவது, பென்இன்னோம் பள்ளத்தாக்கு என்றாவது இனி அழைக்கப்படாமல், சங்காரப் பள்ளத்தாக்கு என்று அழைக்கப்படும் என்று எங்கள் பிதா சொல்லுகிறார். ⁷இந்த ஸ்தலத்திலே யூதாவினுடையவும் எருசலேமுடையவும் ஆலோசனையை நான் வெறுமையாக்கி, அவர்களைத் தங்கள் சத்துருக்களுக்கு முன்பாகவும், அவர்களுடைய பிராணனை வாங்கத்தேடுகிறவர்களின் கையினாலும் பட்டயத்தால் விழப்பண்ணி, அவர்களுடைய பிரேதங்களை ஆகாயத்துப் பறவைகளுக்கும் பூமியின் மிருகங்களுக்கும் இரையாகக் கொடுப்பேன். ^b b v7 இங்கே “வெறுமையாக்குதல்” என்ற வார்த்தை, எரேமியா சுமந்துசென்ற மண்பாண்டத்தைக் குறிக்கும் வார்த்தையைப்போல் ஒலிக்கிறது; வெறுமையாக்கப்பட்ட பாண்டம் யூதாவின் வெறுமையாக்கப்பட்ட ஆலோசனைகளை உருவகப்படுத்துகிறது. ⁸நான் இந்த நகரத்தைப் பாழாகவும், ஈசல்போடப்படும் பொருளாகவும் ஆக்குவேன்; அதைக் கடந்துபோகிற யாவரும் அதின் எல்லா வாதைகளையும் பார்த்துப் பிரமித்து ஈசல்போடுவார்கள். ⁹அவர்களுடைய சத்துருக்களும் அவர்களுடைய பிராணனை வாங்கத்தேடுகிறவர்களும் அவர்களை நெருக்கும் முற்றுகையிலும் இடுக்கண்ணிலும், அவர்கள் தங்கள் குமாரரின் மாம்சத்தையும் தங்கள் குமாரத்திகளின் மாம்சத்தையும் தின்னும்படி செய்வேன்; அவனவன் தன் தோழனுடைய மாம்சத்தையும் தின்பான்.

¹⁰பின்பு உன்னோடேகூட வருகிற மனிதரின் கண்களுக்கு முன்பாக அந்த மண்பாண்டத்தை உடைத்து,

¹¹அவர்களை நோக்கி: வானசேனைகளின் பிதா சொல்லுகிறது இதுவே: ஒருவன் திரும்பச் சீர்படுத்தக்கூடாதபடி குயவனுடைய பாண்டத்தை உடைப்பதுபோல, இந்த ஜனத்தையும் இந்த நகரத்தையும் நான் உடைப்பேன்; புதைக்க வேறே இடமில்லாததினால் தோப்பேத்திலே புதைப்பார்கள். ¹²இந்த ஸ்தலத்துக்கும் இதின் குடிகளுக்கும் நான் இப்படிச் செய்து, இந்த நகரத்தைத் தோப்பேத்தைப்போல் ஆக்குவேன் என்று எங்கள் பிதா சொல்லுகிறார். ¹³எருசலேமின் வீடுகளும் யூதாவின் ராஜாக்களின் வீடுகளும் தோப்பேத் என்னும் ஸ்தலத்தைப்போல தீட்டுப்பட்டுப்போகும்; அவர்கள் தங்களுடைய மேல்தட்டுகளில் வானத்தின் சர்வ சேனைக்கும் தூபங்காட்டி, அந்நிய தேவர்களுக்குப் பானபலிகளை வார்த்த எல்லா வீடுகளுமே அப்படியாகும்.

¹⁴தீர்க்கதரிசனம் சொல்லும்படி எங்கள் பிதா தன்னை அனுப்பின தோப்பேத்திலிருந்து எரேமியா வந்து, எங்கள் பிதாவின் ஆலயப் பிராகாரத்தில் நின்று, எல்லா ஜனத்தையும் நோக்கி:

¹⁵வானசேனைகளின் பிதா, இஸ்ரவேலின் எங்கள் பிதா சொல்லுகிறது இதுவே: இதோ, அவர்கள் என் வார்த்தைகளைக் கேளாதபடி தங்கள் கழுத்தைக் கடினப்படுத்தினபடியினால், நான் இந்த நகரத்துக்கு விரோதமாகச் சொன்ன எல்லா ஆபத்தையும் இதின்மேலும் இதைச் சேர்ந்த எல்லா ஊர்கள்மேலும் வரப்பண்ணுவேன்.