جانی آجی اولان
دوز تارییا دانیشان اَیّوب سوروشور کی، ائتّئهام نه‌دئر. اونو سود کئمی تؤکَن و دری ائله گیئندئرن اَللر، ائندی اونو آصلان کئمی شئکار ادئر. او آنجاق ائسته‌یئر کی، قارانلیق و ظولمت دئیارینا گتمه‌مئشدن قاباق بئر آن تک بوراخیلسین.
10 1«اؤز حیاتیمدان بئزارام. شئکایتئمه آزادلیق وره‌جه‌یم؛ جانیمین آجیلیغیندان دانیشاجاغام. 2تارییا دیئه‌جه‌یم: منی محکوم اتمه؛ قوی بئلئم نئیه منئمله چکئشئرسن. 3آیا ظولم اتمک، اؤز اللرئنئن ائشئنی حقئر گؤرمک سنه خوش گلئر، حال بو کی، پئس آداملارین فئتنه‌لرئنه گولومسه‌یئرسن؟ 4آیا سنئن جئسمانی گؤزلرئن وار؟ آیا فانی ائنسان گؤردویو کئمی گؤرورسن؟ 5آیا سنئن گونلرئن فانی ائنسانین گونلری کئمی‌دئر، یا ائللرئن بئر آدامین ائللری کئمی‌دئر، 6کی تقصئرئمی آختاریب گوناهیمی ایزله‌یه‌سن، 7گرچی بئلئرسن کی، تقصئرکار دیئلم، و سنئن الئندن منی قورتارا بئلن هچ کس یوخدور؟
8«اللرئن منی دوزَ‌لدئب یاراتدی، بوتون بدنئمی، ائندی ایسه دؤنوب منی محو ادئرسن. 9یادینا سال کی، منی گئل کئمی یوغوردون. ائندی منی تورپاغا دؤندَ‌ره‌جکسنمی؟ 10منی سود کئمی تؤکمه‌دئنمی و پنئر کئمی منی قاتیلاشدیرمادینمی، 11منی دری و اَتله گیئندئرمه‌دئنمی و سوموک و سئنئرلرله منی توخومادینمی؟ 12منه حیات و محبّت بخش اتدئن، و سنئن نظارتئن روحومو قوروموش.
13«آمّا بونو اوره‌یئنده گئزلَتدئن، و بئلئرم کی، هدفئن بو ائدی: 14اگر گوناه اتسه‌یدئم، منی گؤزله‌یردئن و منی تقصئرئمدن آزاد اتمزدئن. 15اگر تقصئرکارام، وای حالیما! گوناهسیز اولسام دا، باشیمی قالدیرا بئلمه‌رم، خجالتله اله دولویام کی، موصئبتئمه قرق اولموشام. 16باشیمی دئک توتسام، منی آصلان کئمی شئکار ادئرسن و گئنه منئم ضئدّئمه عجایئب ائشلر گؤرسدئرسن. 17منئم ضئدّئمه تزه شاهئدلر گتئرئرسن و اوستومه قضبئنی داها دا تؤکورسن؛ دالبادال بلا دالغالاری منه هوجوم ادئر.
18«پس نئیه منی بطندن چیخاردین؟ کاشکی هچ بئر گؤز منی گؤرمه‌دن اؤله‌یدئم. 19اله بئل هچ واریم اولماییب کئمی اولاردیم، بطندن دوز قبئره آپاریلاردیم. 20آیا گونلرئم آز دیئل؟ مندن اَل چک، منی تک بوراخ، اله کی، بئر آن تسلّی تاپیم، 21قاییتماق اولمایان یِره گتمه‌مئشدن قاباق، قارانلیق و درئن کؤلگه اؤلکه‌سئنه، 22اَن قارانلیق گجه کئمی ظولمت اؤلکه‌سئنه، درئن کؤلگه و قاریشیقلیق اؤلکه‌سئنه، اورادا کی، ائشیق بله قارانلیق کئمی‌دئر.»
