Mi eng' bukuit

Taunet 2 FHB Father's Heart Bible™

Kiistoi 15% eng' kiy ne iale korook →
Bukuit

Peetuut ne po Tisap

Konyiitegei ng'olyootap yaeetap kipsengwet ak ng'wony ne oo kwo mbareet agenge. Komiin Kwandanyo, ak konde chiito eng' olooto si koboisye ak koriip, kogoochi katyaget ago kong'at agenge, yeityo komwa kole ma myee koigeny ineendet, ak koteech kwondo kobun kebeberwennyi ineegei.

Ng'alaali Kwandanyo eng' mustarisyek 16–18

Sura 2.

Kagowong' anyun kipsengwet ak ng'wony kobooto tuguukwak tugul che chaang'. Eng' peetuutap tisap, ko kagowong' Kwandanyo poisyennyi; ak ki imuuny eng' peetuutap tisap eng' tuguuk tugul che ki yai. Ki beruur Kwandanyo peetuutap tisap, ak koyai kotiliil, amu eng' peetuunooto ko ki imuuny eng' poisyonik tugul che po yaeet che ki yai.

Adam ak Hawa

Ni ng'olyootap kipsengwet ak ng'wony ye ki kiyaa, ye ki yai Kwandanyo ng'wony ak kipsengwet. Tomo kong'etu kesweetap keeweet age tugul eng' ng'wony, ak tomo komong' minutik che po keeweet, amu ma ki iyookto Kwandanyo ropta eng' ng'wony, ak ma ki mi chii ne bat ng'wony, ago king'etu kong'iik eng' ng'wony ak konaga komugul tugul ne po ng'wony. Ki yai anyun Kwandanyo chiito eng' temburyegap ng'wony, ak kobusyi eng' seruunekyik cheetap saboondo, ak koek chiito chiito ne sabei. a a v7 ‘Chiito ne sabei’ koboru senetnatetap bik, che ki kiyai si kosap eng' taitap Kwandanyo. Ki miin anyun Kwandanyo mbareet eng' Eden, eng' komostap kong'asiis, ak konde eng' olooto chiito ne ki yai. Ki piityo Kwandanyo eng' ng'wony keetit age tugul ne togeet ne karaaran ak ne myee keam, ak keetitap saboondo eng' kwenutap mbareet, ak keetitap naet ne po myee ak ya. Ki mang'u aineet eng' Eden si konaga mbareet; ak eng' olooto kotabchegei koek ainoosyek ang'wan. Ne tai ko kiguure Pishon; ne landoi emet komugul ne po Havilah, ole kinyoorunee thahabu. b b v11 Havilah ko ki emet ne ki iing'ei kainennyi amu thahabunyi ne myee; ma kingen nguno ole mi iman. Thahabutap emonooto ko myee; ak komi olooto bedola ne ng'wondos ak koik che kiguure soam. c c v12 Bedola ko ki kiit ne ng'wondos ne karaaran, ne ki iyemei ko uu koita ne karaaran eng' peek che po keny. Kainetap aineet ne po aeng' ko Gihon; ne landoi emet komugul ne po Kush. d d v13 Kush ko ki emet ne mi murot ne po Misiri, eng' komoswek che kiguure tuun Nubia ne po keny. Kainetap aineet ne po somok ko Tigris, ne mi komostap kong'asiis ne po Assyria. Aineet ne po ang'wan ko Yufrets. Ki nam Kwandanyo chiito, ak konde eng' mbareetap Eden si kobat ak koriip.

Ak ki ang'at Kwandanyo chiito, koleenji, “Imuuchi iam eng' keetit age tugul ne mi mbareet; ago amat iam eng' keetitap naet ne po myee ak ya, amu eng' peetuut ne iame, ibegu eng' iman.”

Ki mwa anyun Kwandanyo, kole, “Ma myee kotebi chiito kityo. Ayae kagaigaindet ne tokyingei ineendet.”

Ki yai Kwandanyo eng' ng'wony tyong'ik tugul che po keeweet ak toriitik tugul che po kipsengwet, ak koip ole mi chiito si koger ole koguurei. Kiit age tugul ne ki koguure chiito tyong'in age tugul ne sabei, nooto ko ki ek kainennyi. Ki guure chiito tuuga tugul, ak toriitik che po kipsengwet, ak tyong'ik tugul che po timiin, ago Adam ko ma ki kinyoorchi kagaigaindet ne tokyingei ineendet. Ki yai anyun Kwandanyo koru chiito ruet ne oo, ak ye kingo rue, konam kebeberwekyik age ak kogerogis panyeek eng' olooto. Ki teech Kwandanyo kwondo eng' kebeberwechooto ne ki nam eng' chiito, ak koip ole mi chiito. Ki mwa chiito, kole, “Nguno ni! Ni ko kowet ne po kowekyuk ak panyeek ne po panyeekyuk; koguurei ‘kwondo,’ amu ki kinemune eng' chiito.” Si kou nooto komanda chiito kwandanyi ak kamennyi, ak konamgei ak kwondonyi, ak koek panyeek agenge. Ki aach ngor chiito ak kwondonyi icheek tugul aeng', ak ma ki lilanse.