تزه بئر مَلَکه آختاریلیر
وَشتی گئتدئکدن سونرا، فرمانلا جاوان قیزلار پادشاهین حَرَمخاناسینا ییغیلیر. یِتیم قالان عَمئسی قیزی اِستِری بؤیودَن موردِکای اونا دیئر کی، یهودی اولدوغونو گئزلَتسئن. او، تاجی قازانیر، و اونون بئر اؤلدورمک قصدی حاقّیندا وردئیی خبر پادشاهلیق سالنامه‌سئنه یازیلیر.
2 1بوندان سونرا، پادشاه خِشایارشانین قضبی ساکئت‌لشنده، وَشتینی، اونون اتدئیی ائشی و اونون ضئدّئنه ورئلَن حؤکمو یادا سالدی. 2پادشاهین قوللوقچولاری ددئلر: «پادشاه اوچون گؤزل جاوان باکئره قیزلار آختاریلسین. 3پادشاه اؤز پادشاهلیغینین هر وئلایتئنده مأمورلار تعیئن اتسئن کی، هر گؤزل جاوان باکئره قیزی شوشَن قالاسینا، آروادلارا نظارت ادن پادشاه خاجه‌سی هِگای‌ین ائختئیاریندا اولان حَرَمخانایا ییغسینلار و اونلارا گؤزللئک اوچون لازیم اولان شیلر ورئلسئن. 4پادشاهین خوشونا گلن جاوان قیز وَشتینین یرئنه مَلَکه اولسون.» بو سؤز پادشاهین خوشونا گلدی و او بله اتدی.
5شوشَن قالاسیندا موردِکای آدلی بئر یهودی یاشاییردی کی، او، بِنیامئنلی قئش اوغلو شئمعی اوغلو یاعئر اوغلو ائدی، 6او، بابئل پادشاهی نَبوکَدنِصّرئن اسئر آپاردیغی یهودا پادشاهی یِکونیا ائله بئرلئکده، اورشلئمدن اسئرلئیه آپاریلانلارین آراسیندا ائدی. 7او، عَمئسی قیزی هَدَسّانی، یعنی اِستِری بؤیودوردو کی، اونون نه آتاسی، نه آناسی وار ائدی. بو جاوان قیز گؤزل قامتلی و یاراشیقلی ائدی؛ آتاسی و آناسی اؤلَنده، موردِکای اونو اؤز قیزی کئمی گؤتوردو.
8پادشاهین امری و حؤکمو اعلان اولاندا و چوخلو جاوان قیز هِگای‌ین ائختئیاریندا شوشَن قالاسینا ییغیلاندا، اِستِر ده پادشاهین سارایینا، آروادلارین کشئکچئسی هِگای‌ین ائختئیارینا آپاریلدی. 9بو جاوان قیز اونون خوشونا گلدی و اونون گؤزونده ائلطئفات قازاندی، اونا گؤره ده او، تَلَسئک اونا گؤزللئک اوچون لازیم اولان شیلر و یِمک حئصّه‌لری وردی، پادشاهین ساراییندان سچئلمئش یدّی جاوان قیز اونا وردی و اونو، کنئزلری ائله بئرلئکده حَرَمخانانین لاپ یاخشی یرئنه کؤچوردو. 10اِستِر اؤز خالقینی و عایئله‌سئنی آشکار اتمه‌مئشدی، چونکی موردِکای اونا تاپشیرمیشدی کی، آشکار اتمه‌سئن. 11موردِکای هر گون حَرَمخانا حیطئنئن قاباغیندا گدئب-گلردی کی، اِستِرئن نجه اولدوغونو و اونون باشینا نه گلدئیئنی اؤیرنسئن.
12هر جاوان قیزین پادشاه خِشایارشانین یانینا گتمک نؤوبه‌سی، اون ائکی آی لازیمی گؤزللئک تئماریندان سونرا گلئردی: آلتی آی مور یاغی ائله، آلتی آی عطرئیّات و گؤزللئک وسائلی ائله. 13هر جاوان قیز پادشاهین یانینا بله گدئردی: نه ائسته‌سیدی، حَرَمخانادان پادشاهین سارایینا آپارماق اوچون اونا وِرَردئلر. 14او، آخشام ائچه‌ری گئرردی؛ سحر ده، جارئیه‌لری ساخلایان پادشاه خاجه‌سی شَعَشغازین ائختئیاریندا اولان ائکئنجی حَرَمخانایا قاییداردی. پادشاه اوندان خوشلانمایینجا و اونو آدی ائله چاغیرمایینجا، او، پادشاهین یانینا قاییتمازدی.
15اِستِرئن — موردِکایین عَمئسی اَبئخه‌یئلئن قیزی کی، موردِکای اونو اؤز قیزی کئمی گؤتورموشدو — پادشاهین یانینا گتمک نؤوبه‌سی گلنده، او، آروادلارا نظارت ادن پادشاه خاجه‌سی هِگای‌ین وردئیی مصلحتدن باشقا، هچ نه ائستمه‌دی. اِستِر اونو گؤرن هر کسئن گؤزونده ائلطئفات قازاندی.
16اِستِر، پادشاه خِشایارشانین پادشاهلیغینین یدّئنجی ائلئنده، اونونجو آی اولان تِبِت آییندا، اونون شاهانه سارایینا آپاریلدی. a a v16 تِبِت، عئبرانی تقویمئنئن اونونجو آییدیر، تقرئبن دسامبر-یانوار آیلارینا دوشور.
17پادشاه اِستِری بوتون آروادلاردان چوخ سِودی؛ او، بوتون باکئره قیزلاردان آرتیق اونون گؤزونده ائلطئفات و رغبت قازاندی. اونا گؤره ده پادشاه شاهانه تاجی اونون باشینا قویدو و اونو وَشتینین یرئنه مَلَکه اتدی.
18پادشاه بوتون اعیانلاری و قوللوقچولاری اوچون بؤیوک بئر ضئیافت — اِستِرئن ضئیافتئنی — دوزَلتدی. او، وئلایتلرده بایرام اعلان اتدی و شاهانه سخاوتله هدئیّه‌لر وردی.
19باکئره قیزلار ائکئنجی دفه ییغیلاندا، موردِکای پادشاهین دروازاسیندا اوتورموشدو. 20اِستِر، موردِکایین تاپشیردیغی کئمی، اؤز خالقینی و عایئله‌سئنی آشکار اتمه‌مئشدی؛ او، موردِکای اونو بؤیودن زامانکی کئمی، اونا ائطاعت ادئردی.
موردِکای پادشاهین ضئدّئنه بئر فئتنه‌نی آشکار ادئر
21او گونلرده، موردِکای پادشاهین دروازاسیندا اوتوراندا، قاپینین کشئیئنی چکن ائکی پادشاه خاجه‌سی بئگتان و تِرِش قضبله‌نئب فئتنه قوردولار کی، پادشاه خِشایارشانی اؤلدورسونلر. 22آمّا موردِکای بو فئتنه‌دن خبردار اولدو و مَلَکه اِستِره ددی، او دا بونو موردِکایین آدی ائله پادشاها چاتدیردی. 23بو ائش آراشدیریلدی، دوغرو اولدوغو ثابئت اولدو و هر ائکی آدامی دار آغاجیندان آسدیلار. بو، پادشاهین حوضوروندا سالنامه‌لر کئتابیندا قید ادئلدی.
