هامان یهودئلری محو اتمه‌یه قصد ادئر
هامان یوکسلدئلئر، آمّا موردوکای سجده اتمز. توهئن اولموش هامان قرار ورئر کی، تک بئر آدامین اؤلومو چوخ کئچئکدئر، و پادشاهدان بئر فرمان ساتین آلیر کی، پوشکله سچئلَن بئر گونده هر یهودینی محو اتسئن. پادشاهلا هامان اوتوروب ائچَرکَن، چاپارلار آت سوروب یولا دوشورلر.
3 1بوندان سونرا خشایارشا پادشاه اَجاجلی هَمّداتا اوغلو هامانی یوکسلدئب، اونو اوجالتدی و اونون کورسوسونو یانیندا اولان بوتون اعیانلاردان یوخاری قویدو. 2پادشاهین دروازاسیندا اولان بوتون پادشاه قوللاری، پادشاهین امر اتدئیی کئمی، هامانین قاباغیندا دئز چؤکوب سجده ادئردئلر. آمّا موردوکای نه دئز چؤکدو، نه ده سجده اتدی. 3اونا گؤره پادشاهین دروازاسیندا اولان پادشاه قوللاری موردوکایا ددئلر: «نئیه پادشاهین امرئنه ضئدّ چیخیرسان؟» 4گون‌به‌گون اونا تأکئد ادئردئلر، آمّا او قولاق آسمیردی؛ اونا گؤره هامانا خبر وردئلر کی، گؤرسونلر موردوکایین ائشی ثابئت قالاجاق یا یوخ، چونکی اونلارا ددئمئشدی کی، اؤزو یهودی‌دئر. 5هامان گؤرنده کی، موردوکای اونون قاباغیندا نه دئز چؤکور، نه ده سجده ادئر، قضبله دولدو. 6تک موردوکایی اؤلدورمک اونون نظرئنده کئچئک گؤروندو، چونکی اونا موردوکایین خالقینین کئم اولدوغونو دئمئشدئلر؛ اونا گؤره هامان خشایارشانین بوتون پادشاهلیغیندا اولان موردوکایین خالقینی، یعنی یهودئلری، محو اتمه‌یه چالیشدی.
7خشایارشا پادشاهین اون‌ائکئنجی ائلئنده، بئرئنجی آی اولان نئسان آییندا، هر گون و هر آی اوچون هامانین قاباغیندا پور، یعنی پوشک آتدیلار؛ و پوشک اون‌ائکئنجی آی اولان آدار آیینا دوشدو. 8هامان خشایارشا پادشاها ددی: «پادشاهلیغینین بوتون اوستانلاریندا، خالقلار آراسیندا سَپه‌لَنمئش و داغیلمیش بئر خالق وار. اونلارین قانونلاری هامینینکیندن فرقلی‌دئر و پادشاهین قانونلارینا عمل اتمئرلر؛ اونلارا دؤزمک پادشاها هچ بئر فایدا ورمئر. 9اگر پادشاهین خوشونا گلسه، قوی اونلاری محو اتمک اوچون یازیلسین؛ من ده پادشاه خزئنه‌سی اوچون اونون اعیانلارینا اوچ یوز یتمئش بئش تُن گوموش چکه‌رم.»
10پادشاه اؤز مؤهورونو بارماغیندان چیخاردیب، یهودئلرئن دوشمنی اولان اَجاجلی هَمّداتا اوغلو هامانا وردی. 11پادشاه هامانا ددی: «گوموش سنئن اولسون، خالق دا سنئن؛ اونلارلا نجه ائسته‌یئرسن، اِله ده ات.»
12بئرئنجی آیین اون‌اوچونجو گونونده پادشاهین کاتئبلری چاغیریلدی و هامانین امری پادشاهین ساتراپلارینا، هر اوستانین اوستونده‌کی والی‌لرئنه و هر خالقین اعیانلارینا یازیلدی - هر اوستانا اؤز خطّی ائله، هر خالقا اؤز دئلی ائله. خشایارشا پادشاهین آدیندان یازیلیب، اونون مؤهورو ائله مؤهورلَندی. 13چاپارلار پادشاهین بوتون اوستانلارینا مکتوبلار آپاردیلار: اون‌ائکئنجی آی اولان آدار آیینین اون‌اوچونجو گونونده، بئر گونده بوتون یهودئلری - جاوان و قوجانی، آروادلاری و اوشاقلاری - محو ادئن، اؤلدورون و یوخ ادئن، اونلارین مال-اموالینی دا تالان ادئن. 14بو امرئن بئر صورتی هر اوستاندا قانون کئمی اعلان اولوناجاق و بوتون خالقلارا گؤرسه‌دئله‌جک‌ائدی کی، همن گونه حاضیر اولسونلار. 15پادشاهین امری ائله چاپارلار تَلَسئک یولا دوشدولر و فرمان شوشان قالاسیندا اعلان اولوندو. پادشاه و هامان اوتوروب ائچئردئلر، آمّا شوشان شهری چاش-باش قالمیشدی.
