Yenina wa watondama wama
Bandumba ba Yelusalemi batuba ni balenda kumusadisa mu kusanda, amana yandi wavutula ni wuzayi kwe kayendi. Yakala wakumisa yandi: bakhetu ba ntinu makumi sambanu yi bandumba konda thalu, kaasi yandi kenina mosi kaka. Buna bana bisi tala babokila mukhetu mwisi Sulami kavutuka ndangu bamutala.
6 1Kwaku wendi watondama waku, ngeyi wuna kitoku kuluta bakhetu boosu? Mu nzila mweni wendi watondama waku, hanga tumusanda hakimosi yi ngeyi?
2Watondama wama wátuluka ku masamba mandi, ku bilanga bya mananasi, ndangu kadya mu masamba amana kubonga bithundu.
3Yenina wa watondama wama amana watondama wama wenina wama; yandi kadya mu bithundu.
4Ngeyi wenina kitoku, watondama wama, hanga Tiliza, watoma hanga Yelusalemi, wa bweya hanga kibuka kya batsinzidi yi bidimbu. a a v4 Tiliza kákala mbanza ya kipfumu ya thama, yina bákembisa kikuma kya kitoku kyandi, amana hana báyifwanisa yi Yelusalemi hanga mbanza yiluti kitoku mu mbanza zoosu.
5Katula mesu maku kwena meni, mukuma mana makunkwata. Tsuki zaku zenina hanga kibuka kya bakhombu bina bisi kulumuka tukila ku Ngileyadi. 6Menu maku menina hanga kibuka kya mikoku mya bakhetu mina mitombuka tukila ku kusukula, mawu moosu masi buta mapasa, amana ka mosi ku hana kati dya mawu kazimbisi mwana wandi. 7Matama maku menina hanga ndambu zodi za ngelenadi ku manima ma mvwela yaku.
8Kwenina bakhetu ba ntinu makumi sambanu yi bahaza makumi nana, amana bandumba konda thalu, 9Kaasi yembi dyama, wama wunalunga, yandi kenina mosi kaka, mwana mosi kaka wa ngudi wandi, watondama wa wuna wámubuta yandi. Bandumba bámumona amana bámutela ni kyesi kwena yandi; bakhetu ba ntinu yi bahaza bámuzatula phi.
10Nani yandu wuna wisi kedyama hanga suka, kitoku hanga ngondi, wa mitsyenzya hanga tangwa, wa bweya hanga kibuka kya batsinzidi yi bidimbu?
11Yátuluka ku masamba ma miti ndangu ntala bintheke bya mu beti, ndangu nzayi keti vinu dyámena, keti bingelenadi byateleka bintheke.
12Ku thwala yikazaya, tsambu yama yámsya hana kati dya makalu ma batu bama ba luzitu.
13Vutuka, vutuka, mwisi Sulami; vutuka, vutuka, hanga tukutala. Kikuma kya biki lwisi tala mwisi Sulami, hanga mu kina kya makani modi? b b v13 Kina kya makani modi kisi fwanisa mwendu wa batu wa kitoku wusi hangama hana kati dya misinga modi mya batu bana basi tala.
