Ma yaei Kwanda ne ya
Koweekyini Elihu Job ng'aleekyik, ak kolaachi imanitap Kwanda: ne riibei tuguuk tugul ma imuuchi komaas ne po iman, ma tiytiy laitorinik, ak keerei mandaet age tugul ne kiyai eng' mesundeito. Koigeny letunennyi ne ng'waan, kole nyolu ketyem Job agoi ole poochin.
34 1Kotestai Elihu ak kole: 2“Ogas ng'aleekyuk, okweek piik che ng'oom; osiis iit ak anee, okweek che ngen. 3Amu teptoi iit ng'aleek ko uu ye chamei kutit amitwogik. 4Kelewen kiit ne imanda; kenai among echeek kiit ne myee. 5Amu komwa Job kole, ‘Aa ne po imanda, ak ki ibe Kamuktaindet imandanyu; 6agot aa ne po iman, kiguure anee kiplembechwa; kaguotennyu ko ma kimuuchi kisoobun, agot ma atinye rebeka.’ 7Chiito ne ai ne kergei ak Job, ne eei ng'anyuunet ko uu peek, 8ne tinye kobooto yaigap yaityo ak kowendi kobooto piik che ya? 9Amu komwa kole, ‘Ma nyoor chii kiy ngot koboiboiyen eng' Kamuktaindet.’ 10Eng' nooto anyun, ogas anee, okweek piik che tinyei kaguiyet: ma imuuchi koyai Kamuktaindet tengekto, ak Ne po Kamuktaet koyai ne ya. 11Amu repaik Kamuktaindet chii ko uu poisyennyi, ak ko uu ortinwekyik, koonu kobunji ineendet. 12Iman kole ma yai Kamuktaindet tengekto, ak ma imaas Ne po Kamuktaet kirwooget. 13Ng'oo ne ki konde ineendet koriibei ng'wony, ak ng'oo ne ki konde ineendet ng'wony komugul? 14Ngot koinde muguleldanyi eng' chii, ak koiste kabuusennyi ak yaamennyi, 15kobek uiyeet tugul togeet, ak koweek chii ng'ung'unyek. 16Ngot itinye kaguiyet, igas niito; igas kutitap ng'aleekyuk. 17Tos imuuchi korwookyi chiito ne wechei kirwooget? Tos igikyi ineendet ne po imanda ak ne kimnotin, 18ne leenji laitoryat, ‘Chii ne ma po kiy,’ ak koleenji piik che taagunotiin, ‘Kiptengeginik,’ 19ne ma tiytiy pounik, ak ma tiytiy ne mogornotin kosiir pooryeet, amu icheek tugul ko poisyetap eunekyik? 20Bek icheek eng' sait age kityo; eng' kemoi kween koaragenso piik ak kobek, ak keibe piik che kimnotin, ago ma eunek po chii. 21Amu mi konyekyik eng' ortinwegap chii, ak keerei tyegutikyik tugul. 22Ma mi mesundeito anan urwet ne nyigiis ole imuuchi koung'egei yaigap yaityo. 23Amu ma mache Kamuktaindet koruchini chii kogeny, si kowo taitap Kamuktaindet eng' kirwooget. a a v23 Ne mache komwa Elihu: ma mache Kamuktaindet teebutyet anan saait ne kigile si koib kirwooget — yaei kityo ineendet. 24Nyinyiri piik che kimnotin koma ki teebe, ak konde alak eng' komoswekyik. 25Eng' nooto, amu ngen poisyonikwak, koweeksei icheek eng' kemout, ak kiguoten icheek. 26Pirei icheek amu tengekwogikwak eng' taitap piik che keerei, 27amu kobagaakta kosup ineendet, ak ma ibwaati ortinwekyik tugul age tugul, 28si kobiit koriir pooryeet agoi ineendet, ak kogas rironetap che nyalileen. 29Ngot kosisye, ng'oo anyun ne imuuchi kogikyi? Ngot koung' tainnyi, ng'oo ne imuuchi kogeer ineendet — ngot ko pororyet anan chii agenge, 30si ma korwookyi chii ne ma ngen Kamuktaindet, anan koraratei piik. 31Amu tos komwa chii age Kamuktaindet kole, ‘Kaanam pirennyu; ma ata ayai tengekto kogeny; 32Ineeta kiit ne ma ageer; ngot kayai kiit ne ya, ko ma ayaei kogeny’? 33Tos kogeerin eng' kayomisyekuk amu ieesye kateunennyi? Amu inyee ne leweni, ma anee; eng' nooto anyun imwa kiit ne ingen. 34Tuun koleenjo piik che tinyei kaguiyet, ak chiito ne ng'oom age tugul ne kasei anee tuun kole, 35‘Ng'alaali Job ma tinyei naet; ng'aleekyik ko ma tinyei utaatyet.’ 36Ei, ngot ketyemetyi Job kot koit let, amu wol ko uu kiptengeginik! 37Amu tesei pistoet eng' tengektanyi; ng'wekei echeek eng' lapkeiyet ak kotesyi ng'aleekyik agaigai Kamuktaindet.”