Konunosyek che Teechei Kaang'
Tongoanik che ma kiteerchin ko teechei ineegei kityo, kou nooto siirei maonateet: chiito ne ma po iman ne chut nyol koboorotun muguleldo ak kobutyoo kong'oi. Tuguuk tugul che mi tuiyet kitemei ngot koteechei, ak kiyae eng' atebengei, amu ma Kwandanyo ne po yagaet.
Ng'alaali Kwandanyo eng' mustari 21
14 1Osup chamyet, ak omach miising' konunosyek che po saboon, ago ne siirei miising' ko si omaoten. 2Age tugul ne ng'alaali eng' kutit ko ma ng'alaalji piik ago ng'alaalji Kwandanyo—ma mi chii ne kasei—ng'alaali ung'ootik eng' Kabuuset. 3Ago ne maoteni ko ng'alaaljin piik si koteechkei icheek, ak kogimit, ak kogaigai. 4Ne ng'alaali eng' kutit ko teechei ineegei; ne maoteni ko teechei kaniset. 5Amache kole ong'alaali okweek tugul eng' kutusweek, ago ne kaigai ko si omaoten. Ne maoteni ko oo kosiir ne ng'alaali eng' kutusweek, ngot koma weech, si koteechkei kaniset.
6Ara anyun, che kitupche, ngot anyoonjok ang'alaali eng' kutusweek, nee anyun ne ayoljinok ne myee, ngot koma amwaun ng'ang'utyet, anan naet, anan maonateet, anan netisyet? 7Agot tuguuk che ma sabei che kuutei—ndurerut anan ketubet—ngot koma teerchiin tweguunikwak, kata inai chii ne kibutei? 8Ak ngot koguut igoondit kele ne ma nyolila, ng'oo ne chopchigei lugeet? 9Ko uu nooto okweek: ngot koma mwa kutinng'wong' ng'olyoot ne nyolila, kata inai chii ne kimwae? Amu ong'alaali kityo eng' soet. 10Mi ng'wony kinde che chaang' po kutusweek, ma mi kayaneet; ma mi age tugul ne ma tinyei weekset. 11Ngot koma anai weeksetap tweguuno, ko aegu toondet eng' ne ng'alaali, ak koek ne ng'alaali toondet eng' anee. 12Ko uu nooto okweek: amu omache miising' konunosyek che po saboon, ocheeng' kole osiir eng' koteechetap kaniset. 13Nooto anyun, ne ng'alaali eng' kutit ko kosaa si koweech. 14Ngot asaa eng' kutit, saaei kabuusennyu ago ma rurtos metinnyu.
15Nee anyun ne ayae? Asaa eng' kabuusennyu, ak asaa eng' metinnyu agine; atyen kalasunet eng' kabuusennyu, ak atyen kalasunet eng' metinnyu agine. 16Anan ngot ilas inyee eng' kabuuset, kata inyooru toondet ne tebee yooto komwa kole, “Amen,” eng' kongoing'ung', amu ma nai ne imwae? 17Imuuchi igoochi kongoi komyee inyee, ago ma teechei chiito age. 18Amwachini Kwandanyo kongoi amu ang'alaali eng' kutusweek kosiir okweek tugul. 19Ago eng' kaniset ko kaigai amwa ng'aleek muut eng' metinnyu, si aneet alak agine, kosiir ng'aleek 10,000 eng' kutit.
20Che kitupche, amobwaat ko uu lagok. Oegu che reryei eng' yaityo, ago oek matubaruuk eng' bwaatet.
21Mwaei Ng'atuutyet kole, “Ang'alaaljin pichu eng' kutusweek che teerchiin ak kutit che po toek, ak agot kou nooto koma kasuwon,” mwaei Kwandanyo.
22Ko uu nooto kutusweek ko kaboornateet, ma eng' che iyani ago eng' che ma iyani; ago maonateet ko kaboornateet, ma eng' che ma iyani ago eng' che iyani. 23Ko uu nooto, ngot kotuiyogei kaniset komugul ak kong'alaali tugul eng' kutusweek, ak koit toek anan che ma iyani, tos ma komwa kole kaoleen okweek? 24Ago ngot komaoten tugul, ak koit ne ma iyan anan toondet, keboorchin tengektanyi eng' tugul, kesyachin eng' tugul, 25ng'ang'agis tuguuk che ung'eituchin muguleldanyi; si kobut tai ak kokoot Kwandanyo, komwae kole mi Kwandanyo kwenung'wong' iman.
Koornatet eng' Sireet ne Teptoi
26Nee anyun, che kitupche? Ye otuiyegei, ko tinyei chii tugul tyeni, netisyet, ng'ang'utyet, kutit, anan weekset. Ingoyaak tugul si koteechkei. 27Ngot kong'alaali chii eng' kutit, oeng' anan kosiir ko somok, age tugul eng' sireennyi, ak koweech agenge. 28Ngot koma mi weegindet, kosiis eng' kaniset, kong'alaalji ineegei kityo ak Kwandanyo. 29Ingong'alaal maotik oeng' anan somok, ak koweigei alak ne kimwae komyee. 30Ak ngot konyoor ng'ang'utyet chii age ne tebee yooto, kotuch ne ng'alaali ne po tai. 31Amu omuuchi omaoten tugul agenge agenge, si koneet chii tugul ak kogimit chii tugul, 32ak kabuusetap maotik ko kase iit maotik. 33Amu Kwandanyo ko ma Kamuktaindet ne po iimnateet ago ne po kaalyeet, ko uu eng' kanisosyek tugul che po piik che tiliileen. 34Kosiis kwonyiik eng' kanisosyek; ma kechamchin kong'alaal, ago koming'injigei, ko uu ye mwaei kora Ng'atuutyet. a a v34 Indoe sirutik alak istaenik 34-35 eng' let ap istaet 40. 35Ngot komachei koneet kiy age tugul, koteep manong'otaikwak eng' gaa; amu po teweernateet kong'alaali kwony eng' kaniset. 36Anan tos ki kobooch ng'olyootap Kwandanyo okweek? Anan tos ki koit okweek kityo? 37Age tugul ne bwaatei ineegei kole maotindet anan ne po saboon, konai kole ne asirchini okweek ko ng'atuutyetap Kiptaiyat. 38Ago ngot koma kas chii niito, ko ma kegas ineendet agine.
39Nooto anyun, che kitupche, omach miising' omaoten, ak amoete kong'alaalet eng' kutusweek. 40Ago ingoyaak tugul eng' ooreet ne nyolu ak eng' sireet.