No lü mha kejo thiri bamo
Thümao thenomi mhametü lü züve posü, pü sazüh mu pü zhosapü po, pü lü mha kejo thiri bamo zisü. Pu tizhe shupü zo, thikha thopü zo, pü ntho zo. Thülakedilü thenomi kela, nyepü cü de tizhe hio pü netho khriyi.
4 1A kekhrü, no züve shi! No züve ketala! No mhipo no küyo süo saco therüvü bi zo. No pitha Gilead cejüthu celü kiri keba tenyü koko bi zo. 2No huko sümhüjüce shorüh küta, khrü celü tovo tüko koko bi zo. Mipü mipü natsi kena thejo die, uko dolü mipüri pü natsi lato thimo. 3No mülü merezü lari bi zo, mu no talü nyü züve zo. No thenga no küyo süo saco pome kelakre bi zo. 4No voce david dahu bi zo, ketsü hevehesu thide thisü; püyo shie 1,000 khüsü bazo, mütü thipaheko shie zo. 5No nune kena rübapü rele dolü co keba süni kena, sü natsi kena bi zo. 6Tüso keshu die mezho ta ketasa lü, I mir cejüthu mu ukenhü cejütu lüvoto. 7A kekhrü, no metü züve zo; no lü mha kejo thiri bamo.
8A zhosapü, Lebanon lüno azü vorite; Lebanon lüno azü vorite. Amana cejüthu kho celü, Senir mu Hermon cejüthu kho celü, losha uce celü, leopard cejüthu u keba thera celü kiri ngote. 9No a mülü püyi ketala, a sazüh, a zhosapü; no mhipo mipü kengoce, no voce ketsü uma kerü mipüe a mülü püyi ketala. 10No kekhrü züve shi, a sazüh, a zhosapü! No kekhrü hezo ceri veku zo, no tirü mharü kethenyü mha mharü keve mütü ceri veku zo. 11A zhosapü, no mülü celü mefijü kenyü pai zo; no meyi saco mükhidzü mu nojü bazo, mu no khüne mharü kethenyü Lebanon mharü kethenyü bi zo.
12Meta küta tizhe a sazüh, a zhosapü zo, meta dzüpra, mohor vü küta jüfü zo. 13No jüchu use küve khipü pome tizhe zo, henna mu tir züde. 14Tir mu saffron, calamus mu süthi, ukenhü sübo mütü, mir mu aloe, mharü keve küve mütü züde. a a v14 Calamus hi mharü keve bide kethipü mharü kenyü keba rükhra zo. 15No tizhe jüfü, kerhü jü jükhü zo, mu Lebanon celü kiri rela jüri zo. 16Mesoco tükhra, süri te, mu mekhroco tükhra, vorite! A tizhe yo mhite, side pü mharü keve rela süto. A kekhrü pü tizhe lü vorite, mu pü use küve co te.
