Ninevehwui Tandi Miki Kaji
Ninevehna awui leivā kathem eina yurbingli yorkhame, kala ithumwui Avāna ali zakshikhuida mahong ngasakra, khipānakha ali hāngkaphanep maleimana. Thebesla chithāda pitāhaowa, angangnaobing ngasoda. Awui leihkhalonbingna ngalei khalāhaida khaohnao thāda yongthuihaora. Awui khamā chi marai kapaina, kala awui pao kashā saikorana pāng kaphera.
3 1Kakapik kala ngapon eina pemkahai, ashee tākhangasaka keinung chi kakhanang ngasāranu; sāshai chi mathuiluimara! 2Sajeiwui khon, kāngpheiwui ngarungning, yongkazat siguibing, kala siguigari kathao! 3Kharomkazat siguiraimibing, hingpik kahai raighai, kazei phikphik—shaothat mi kachungkha, kathingun phā, phasā mashānrarmana; athumna kathibingli ngaphokta. 4Hi zakshikahai khayorva̱, leivā kathemwui akhavaiva̱wui khayor otsak kachungkhawui vang eina, ana awui khayor eina yurbingli yorkhame, kala awui leivā kathem eina mibingli yorkhame.
5"Yanglu, ina nawuitungli lei,' da ashangva̱wui Avāna hānga, 'kala ina nawui kashan nawui mai eina tangda lānkāmira; ina yurbingli nawui khamahong theingasakra kala wungrambingli nawui khayā theingasakra. 6Ina nawuitungli khamakhao horthatra, nali ningkakachai heirorra, kala nali yangnganao khavai teolakra.' 7Kala nali theibing saikorana nawui eina yāmvāra kala hāngra, 'Nineveh sākathānmihaira; khipāna awui vang chapra?' Nawui vang hāngkaphanep khavaibing ina khipāli samphangra?'"
8Thebes chi Nilewui ngayipheili chipamda tara̱na kuimareida khayina; shamadru chi awui shānneira̱na, kala tara̱ chi awui phākhona. Na Thebesli khayā kāmeila? a a v8 Thebes—azing Egyptwui keinung kahaka—chi Assyriana khalatta shimān ngasaka; Nahumna Nineveh khamayon meikap maleimana da khararwui vang awui kongkhalui theolak kahai. 9Cush chi awui pangshapna, kala Egypt shānda makhuila; Put kala Libyanaobing chi awui khavakbing alungli leisai. 10Chithālala ana raithā kahai sāhaowa; ana tukthuiserhaowa. Awui angangnaobing chānrei achikun kachida shirkazamhaowa. Awui khayākakāpābingwui ngachaili kalā yanga, kala awui khararbing saikora chaiyāng eina chaimihaowa. 11Nala khamariphaora; nana ngayinpamli vāra; nala yangkashewui eina ngayin khavai phaira. 12Nawui raipan saikora chi minkhare khaorāthei leikahai khaorārong kathāna; shaksā tharan, kashaiyawui akhamorli tātungra. 13Yanglu, nawui ngachaili nawui raimibing chi sha̱naobing thāhaira. Nawui ngaleiwui ngaveibing chi nawui yangkashebingli panglāk eina shohaira; meina nawui phākashut chuitāhaira. b b v13 Raimibingli sha̱naobing da hāng hi, athumna rai sākhavai khamakanga saikora phaokhaira da theikhavai, kharewui khamashāt khamatuina.
14Kuinam khavai vang tara̱ sokkhuilu; nawui raipanbing pangngasaklu; leikhonli ungda naikazamlu; chek semkhavai chi ngasāmkhuilu! 15Chili meina nali chuitāra; raighaina nali yortāra; khaohnao thāda china nali chuira. Khaohnao thāda nathum khalatta mataisanglu; khaohyur thāda mataisanglu! 16Nana nawui leihkhalonbing chi kazingramwui sirā eina kachungkha mataisangmihaira. Khaohnaona ngalei khalāhaida yongthuihaora. 17Nawui khamayonbing chi khaoh kathāna, kala nawui wungnaobing chi khamakui atamli phākholi kapama khaoh khangawok kathāna; zimik kashok eina athumna yongthuihaowa, kala athum kali leipam chi khipānakha matheimara.
18O Assyriawui awunga, nawui yaokahomabing pivāhaira; nawui wungnaobing pizanghaira. Nawui mibing kaphung kachida chaiyāng kahaina, chi khipānakha makazipkhuimara. 19Nawui kalākashiwui vang raikhavai maleimana; nawui khamā chi marai kapaina. Nawui pao kashā saikorana nawui vang athumwui pāng kaphera—kaja khipākhana nawui katang mavai makhayā athumwuitungli latluida-latluida rākānkahai chi matheikahaikhala?
