Ninevi Danbü Jih
Ninevi kho jembü suonlambü danko phang shuong yaakkei, hoba seneibü Bouei hao hangletan haoeibü mütkong phang shuong to amaaphida, hao to sonenbü aoeikei aki. Thebü la kho tegütham haikei, senyopbo shuong la pendou. Haoeibü namseibü shuongei kaodak nyaksinam pendou louan, sengeibü yangsikok tegü sengeitan apda. Mou kho haibü ki, hoba ditbü müt pendouei olinda.
3 1Sii angtibü sangnyu shanga ügütü, kho liman si soletbü shuongei shenbü— mei taketshang ladangkei asatlabü! 2Lühbü ngüh, kailong you ngühlang, koli shuong laangyoko paibü, hoba kailong shuong jumbo paibü! 3Koli sepai khüto wapyobü, in sepeisai yantibü, aubu kaangbü—haitibü juongnyu, haibü mang laangshang, mang thonsithak akibü; haoen haibü mang thükto phaiyetda. 4Ho pejapela mautibü suonlamnyu, thulennyu sambünyueibü aei suonlambüei, kho saoei suonlambü danko phang shuong yaakan hoba haoeibü thulenbü danko mütshuong yaakan.
5“Chühashi, ngo no khulimbo ki,” dogo khuthük sepeibü Bouei lauda, “hoba ngei kaibü neikhu thükto kaibü yaang shingangtilabü; ngei phang shuong la kaibü nakeila haptilabü hoba sangle shuong la kaibü himou haptilabü. 6Ngei no thüka pejapelabü phonglangtilabü, no nyikuko jungeilabü, hoba no hapshang che la yeitilabü. 7Hoba no hapbü pendouei no ka satlabü hoba laulabü, ‘Ninevi danbü yeitia; aoei sao shanga sangküngkula?’ No shanga maang jemkubou ngei lato hapla?”
8No Thebü toje maibou ki lo, kho Nail nyangko sao yungnyuei kaijembo ühüpbo kibü, khoeibü lapheishon kho yungnyu kibü, khoeibü kümthang kho dei shuong kibü? a a v8 Thebü—Ijep aenaabü sangnyu yaangbü che—kho lolo Assiriabüei danbü apkei; Nahumei khoeibü tuongbü kho Ninevi tokei püetan akibü dogo maisho khangla sunga. 9Kush kho saoeibü hau kikei, hoba Ijep thonbü akibü; Put hoba Libiabü shuong sao jiyomaiyobü shuong amon kikei. 10Lausikei sao langsenbü yeikei; sao phangkabou to atkei. Saoeibü senyopbo kibü shuong khong chemnyek pendoua phetnyinkei. Haoenei saoeibü sonenbou shuong shanga lotsije, hoba saoeibü mütyaangbü pendou yangmenei khühkei. 11No tokei jaaklabü; no huan kilabü; no tokei dangbou ka satenshang lamlabü. 12Kaibü lomshang pendou kho bhuklong eli sembü longbü bhuklong tegü ki—shaknyinlaje, shaubou sembung to nyaülabü. 13Chühashi, kaibü sepai shuong kaibü maanga yaksa ki. Kaibü kaodak bakou shuong kaibü dangbou shuong la widei yaüangbo kia; wanei kaibü ngok shuong suian apbei. b b v13 Sepai la yaksa dogo lenbü kho shangiedbü nyamnyambü ngüh che kikei, haoenei haoeneibü wapyobü ik pendou langkua dogo laubü.
14Komanbü shanga dei khushi; kaibü lomshang shuong hau kingaitiashi; thamchak to atan shungkung kaitiashi; tham nyatbü to shatlepashi! 15Khünei wanei no suilabü; inei no haitilabü; koksüng younak tegü no shaukhümbulabü. Koksüng younak tegü no lolo bukyohaayotishi; koksüng tan tegü bukyohaayotishi! 16Nyi kaibü namseibü shuong müh khanshoulitshou toje bukyohaayotia. Younak koksüngei kaonyek shaukhümbulabü hoba sengeitiko satlabü. 17Kaibü lombou shuong koksüng tegü ki, hoba kaibü nyenshen shuong khamsilüh chaloua kümthang thüka settibü koksüng tan tegü ki—chanyu longjinei, haoen sengeitiko satlabü, hoba haoen lato kia dogo aoei angekei.
18Kaibü sanlombü shuong yepan apda, O Assiria Choba; kaibü yaangenbü shuong leketda. Kaibü mütshuong shonghlama aan kia, hoba haoen kümetkubou ao aki. 19Kaibü mou shanga jemmailangbü aying; kaibü mou kho haibü ki. Ka shangabü ngüh ditbü pendouei ka thüka ik phelabü—aishanga aoei kaibü thonbü akibü amaibü haoen thüka linjinko danbü ahabei?
