Pa om krwang talei bi tu lian kataknubo?
Ani Pa om krwang talei bi tu lian kataknubo diga ngainu kaan bi, Jisu na naosen pakhat bani kabiang bi thang rwe. Maanna naosen titcha ding ket pi basuinu lang bi daanluga, tatoga naunao ding abeiya zana chong semnu ding rin thangluga, kakham bi, sian tamga kok thang amnu swak khat, titchanu lei briakpina mi khat om baring kiamnu om chongchak toga rin late.
18 1Haba kaan bi ani nun na Jisu kim bi hungluga ngai rwe, “Ati dabe, ani Pa om krwang talei bi tu lian kataknubo?”
2Maanna naosen pakhat Bakim bi kouluga, bani lak pi hei naosen ding thang rwe,
3atiga rinne, “Eina nani khou batak sekka rinnuwe, nani han hungluga naosen rwan danga ong latnu make dabe, nani ani Pa om krwang talei khut laye. 4Atibriakpina tudannu bating pi bangiam tanu hei naosen danga maan ga, ani Pa om krwang talei bi lian kataknu gaye. 5Khatle tudannuna Ameng bina heiba danga naosen pakhat loukhut thangnu maan ga Ating loukhut thangnuwe.”
Heipai Kasinnu Nun Ding Ket Pi Basuinu
6“Atiyeda Ating balumsanu heipai kasinnu pakhat ting ket pi basuinu tudannu maan ga, baring bi karitnu saang tak lung khit thangluga tuipui kathuknu bi sat thang damnu gana dingnuwe.”
7“Ket pi basuinu thing bing briakpina talei ram ding phunse ongne! Haba bing ga hung lat dingnuwe, atiyeda haga pui hungnu maan ding phunse ongne. 8Nakut mak tabe naket na nating noh pi towe dabe, haga tanchat satluga ran sat tammo. Kut kani khatle ket kani amga ringzoknu mei bi bazwan damnu gana, kut ket lwamnu mak tabe ket thoknu danga ringnu kum khutnu dingnuwe.” 9Namikna nating noh pi towe dabe, haga ran satluga ran tat tammo. Mik kani amga meikhun om mei bi bazwan damnu gana, mik khatcha phunluga ringnu kum khutnu dingnuwe.
Pa Na Braan Damnu Zao Khatcha Zongsuwe
10“Phaang ngo, heiba heipai kasinnu pakhat ting balaa mako. Eina nani khou rinnuwe, bani om tambaan chonglang rwanna tambaan la kani rwei tambaan la ongnu Apa om meithaan ding muwe.” a a v10 Kama kataknu maitwang bingna hei bi verse 11 am make; nung om maitwang bingna heiya suiye: “Balangbe Misa Sa Kapaisa ga braan damnu nun ding kanthang lang hung rwe.”
12“Nani tatoga baningbo? Mi pakhat om zao raza am bina khat lampui maan damnu kaan bi, maanna somkaqwaga kaqwa ding rammwan swan bi thangsialuga lampui maannu khat ting zongsu mak tingnubo? 13Maanna haga dou late dabe, eina nani khou batak sekka rinnuwe, lampui maan mak ngaaknu somkaqwaga kaqwa langna haga khat lang inkuga karowe. 14Hadanga tambaan la ongnu nani Pa na heipai kasinnu pakhat ting mit lanu ding nwam make.’
Unao Khatna Nang Khou Noh To Pi Hung Dabe
15“Naunao khatna nang khou noh to late dabe, seluga, nang le maan khatcha ongnu kaan bi, bakoi pi theiyo. Maanna ngai late dabe, nangna naunao ding lou han thang rwe. 16Atiyeda maanna ngai mak tabe, mi pakhat mak tabe pat ni nang le pui hungluga, sake pat ni thum om chong bina chongkaang khat khat baze thang lang towo. 17Maanna bani chong le ngai mak tabe, rupkathan khou rinro. Maanna rupkathan chong le ngai mak tabe, bachu maknu mi mak tabe ramkhai khomnu danga maan ding towo. 18Eina nani khou batak sekka rinnuwe, nanina talei ram bi bang thangnu balang bing ga tambaan la le bang thanglune, atiga nanina talei ram bi sut thangnu balang bing ga tambaan la le sut thanglune. 19Latla, eina nani khou batak sekka rinnuwe, nani lak pi pat ni gana talei ram bi hweini thangnu pa-aam ting lang bani sung khatcha toga ong late dabe, tambaan la ongnu Apa na bani lang haga to thanglune. 20Balangbe pat ni thum Ameng bina khom hung ongnu kaan bi, habei ga Ei bani lak pi ongme.”
Pa Om Kok Thangnu Khatle Aniba Kok Thangnu
21Habei ga Peter na Jisu kim bi hungluga rinne, “Pukraangba, akhou noh tonu aunao ding eina inza rwei kok thang langbo? Rwei siari tang langbo?”
22Jisu na katake, “Eina nang khou rinnuwe, rwei siari make atiyeda rwei somsiariga siari tang nge. 23Atibriakpina ani Pa om krwang talei ga baom swak rwan le sian paak pa bacham nwamnu krwang khat danga gaye. 24Maanna sian paak pa bacham thou dat pi, sian tamga chaaknu mi pakhat ting bakim bi pui hung rwe. 25Maanna thun lang ngam mak briakpina, bapuba na maan le baminrwan, basa rwan, khatle baom amnu balang bing uilu thangluga haba sian ga thun thang lang rin rwe.”
26Atibriakpina swak kana bameithaan bi dukta kuntaluga hweini thang rinne, “Ei ding sung khaang thang ngo, atiga eina balang bing thun thangne. 27Haba swak om bapuba na, basung phaangkriang theiluga, maan ding sut thangluga haba sian ding kok thang rwe.”
28“Haba swak ka swakluga, bakhou denari raza chaaknu baswak rwan khat ding dou rwe, atiga bating namluga chok thou rinne, ‘Nang akhou chaaknu ga thun thangro!’”
29Atibriakpina baswak rwan ka dukta kuntaluga bakhou hweini thang rinne, “Ei ding sung khaang thang ngo, atiga eina nang khou thun thangne. 30Atiyeda maan nwam mak ngaak rwe, atiga seluga haba sian thun thang mak basaan bating krei in bi sat thang rwe. 31Pa-aam to swakpo dinu munu kaan bi, baswak rwan bingna sung riangre tak ngaakluga, seluga to swaknu balang bing ga bapuba khou pu rwe.”
32Habei ga bapuba na maan ding kouga rinne, “Noh swak ga, nangna ei khou bathem briakpina, haba sian balang bing ga eina nang khou kok thang rwe. 33Eina nang khou phaangkriang theinu danga, nangna le nang baswak rwan khou phaangkriang thei lang mak ngaak tingnubo? 34Bapuba na balung pwan tak ngaakluga, haba sian balang bing thun thang mak basaan, bating riangre pinu rwan khou pi thang rwe. 35Nani pakhat khatna basung bina baunao ding kok thang mak tabe, tambaan la ongnu Apa na nani khou le hadanga to thang latlune.”