Ng'oo ne Oo eng' Laitornatetap Kwanda?
Ye kiteebe ng'oo ne oo eng' laitornatetap Kwandanyo, kotonon Jeso lakweet kwenunnywa. Koiim agobo inachet ne po lagok che mengech, komwa ole kirwookyi tupcho eng' ung'oot, ak eng' let komwachi agobo otwogindet ne ki kinyochigaat lelut ne oo, ne nyaei chiito age agobo lelut ne ming'in.
18 1Eng' sait nooto ki nyoonji tiibiik Jeso, koteebe koleenji, “Ng'oo anyun ne oo eng' laitornatetap Kwandanyo?”
2Ki guure lakweet ne ming'in konyoonji, ak ki inde lakweet kwenunnywa,
3ak ki le, “Amwaiwok iman ale: ngo ma oweigei ak oegu ko uu lagok che mengech, ma koi ochut laitornatetap Kwandanyo. 4Ineendet anyun ne ming'ingei ko uu lakwani ne ming'in, ko ineendet ne oo eng' laitornatetap Kwandanyo. 5Ak ineendet ne taachei lakweet age ne ming'in ne uu nooto eng' kainennyu, ko kataacha.”
Ye Inachei Lagok che Mengech
6“Ago ineendet ne inachei age eng' lagochu mengech che yanaten anee—komyee kisonginin isyet ne oo kaatinnyi ak kirorokta eng' rirosyegap nyanjet.”
7“Oi ng'wony amu tuguuk che inachei chii! Nyolu konyoonu tuguuchuuto, ago oi chiichooto ne ibu icheek. 8Ngo inachin eung'ung' anan keeldong'ung', tilyo, iwiirte. Komyee ichut saboondo imeiyot anan ing'wali kosiir inor eunek tuwai anan keelyek tuwai, ak kiwirin eng' maat ne po koigeny.” 9Ngo inachin konyeng'ung', iteny ak iwiirte. Komyee ichut saboondo koonyek agenge kosiir inor tuwai, ak kiwirin eng' maatap Gehenna.
Icheeng'ei Kwanda Keechiret Age Ne Kabetot
10“Riipkei si ma oanyiin age eng' lagochu mengech. Amwaun ale, angennywa che mi kipsengwet ko geere peetuusyek tugul taitap Abba ne mi kipsengwet.” a a v10 Ma tinyei siruutik che taunet aratap 11 olini; ago siruutik che kibwoonu kotes: “Amu ki nyoonu Weeriitap chii koyet ne kabetot.”
12“Obwaati nee? Ngo tinyei chiito keechiirek pogol ak kobet age, tos ma kobagakta tamanwogik sogool ak sogool eng' tuloonook, ak kwo kocheeng' ne kabet? 13Ngo konyoor, amwaiwok iman ale: kobaibai agobo ineendet kosiir tamanwogik sogool ak sogool che ma kaabetot. 14Ko uu nooto, ma mageetap Kwandang'wong' ne mi kipsengwet si kobeet age eng' lagochu mengech.’
Ye Tengektoi Tupchennyi Agobo Inyee
15“Ngo tengekto tupcheng'ung' agobo inyee, ui, iboorchi lelutyennyi—inyee ak ineendet kityo. Ngo kogas, kagisich tupcheng'ung'. 16Ago ngo ma kogas, imut age anan aeng' kobootin, si kotonon ng'olyoot age tugul eng' kutitap paorinik aeng' anan somok. 17Ngo ma kogas icheek, imwachi kaniset. Ngo ma kogas agine kaniset, iyachi ineendet ko uu punootyot anan taagindetap aisuruut. 18Amwaiwok iman ale, kiit age tugul ne oratyi eng' ng'wony, kirate kipsengwet, ak kiit age tugul ne oyatei eng' ng'wony, keyat kipsengwet. 19Agine, amwaiwok iman ale: ngo kanamgei aeng' eng' okweek eng' ng'wony agobo kiit age tugul ne osaae, koyachi Abba ne mi kipsengwet. 20Amu ole kiyumjigei aeng' anan somok eng' kainennyu, ami anee olooto kwenunnywa.”
Nyoetap Kaat ne po Kwanda ak ne po Echeek
21Yeityo konyoonji Petero Jeso koleenji, “Kiptaiyat, ata oldoik che anyochin kaat tupchennyu ne tengektoi agobo anee? Agoi oldoik tisap?”
22Kowolji Jeso koleenji, “Amwaun ale, ma oldoik tisap, ago oldoik tamanwogik tisap ak tisap. 23Ko uu nooto, kiiti laitornatetap Kwandanyo ko uu laitoryat ne ki machei koarwoogei ak otwogikyik. 24Ye kingo kotoi koarwoogei, kiipchi chiito age ne ki tinyei pesen ne oo miising'. 25Amu ma kimuuchi koyaakte, ki ng'at mastaanyi si kealda ineendet ak kwonyi, lagokyik, ak tuguukyik tugul, ak keyaakte pesen.”
26Ko uu nooto, kigutuny otwogindet taitap mastaanyi, kosoomei koleenji, “Imuitoi anee, ak ayaaktoniin tuguuk tugul. 27Mastaap otwogindonooto, ye ki iriirchi muguleldanyi, kobagakta ineendet ak konyochi kaat pesen.”
28“Ye kingo koba otwogindonooto, konyooru tupchennyi otwogindet ne ki tinyei pesennyi po peetuusyek pogol, konam ak kotoi kochokyi koleenji, ‘Iyaaktwo ne ki tinye!’”
29Ko uu nooto, kigutuny tupchennyi otwogindet ak kosoomei koleenji, “Imuitoi anee; ayaaktoniin. 30Ago ki ma cham, ak kwo kotoorchi korgoreet agoi koyaakte pesen. 31Ye kingo kogeer tupchosyekyik otwogik kiit ne kayaak, koimak miising', ak kowo komwachi mastaanywa tuguuk tugul che kayaak.”
32Yeityo koguur masta ineendet, koleenji, “Otwogindet ne ya, kanyochin kaat pesen ano tugul amu kisoomwo. 33Tos manyolu agine iriirchi tupcheng'ung' otwogindet, ko uu ye ki ariirchi inyee? 34Ki nereech mastaanyi, ak kogoochi ineendet piik che nyalilsei agoi koyaakte pesennyi tugul. 35Koyaachok ko uu nooto Abba ne mi kipsengwet, ngo ma onyochi kaat age tugul tupchennyi eng' muguleldanyi.”