قالخ، ای سِوگئلئم، و گل گت
آرواد دانیشیر، اونون کؤلگه‌سئنی، ضئیافت اِوئنی، باشینین آلتیندا اولان قولونو خاطیرلایاراق. سونرا موشَبّکدن اونون چاغیریشینی تکرار ادئر: قیش کچئب، انجئرلر یتئشئر، قالخ گل. ائکی دفه اورشلئم قیزلارینی خبردار ادئر کی، محبّتی حاضیر اولمامیشدان اویاتماسینلار.
2 1من شارونون گولویَم، دره‌لرئن زانباغی‌یام. 2تئکانلار آراسیندا بئر سو زانباغی کئمی، جوان قیزلار آراسیندا منئم سِوگئلئم ده بله‌دئر. 3مِشه آغاجلاری آراسیندا بئر آلما آغاجی کئمی، جوان اوغلانلار آراسیندا منئم سِوگئلئم ده بله‌دئر. بؤیوک کِف ائچئنده اونون کؤلگه‌سئنده اوتوردوم، و اونون میوه‌سی داماغیما شئرئن ائدی. 4او منی ضئیافت اِوئنه گتئردی، و منئم اوستومده اولان بایراغی محبّت ائدی. 5منی قورو اوزوم ائله ساخلایین، منی آلمالارلا تزه‌لندئرئن، چونکی محبّتدن ناخوش اولموشام. 6اونون سول الی باشیمین آلتیندادیر، و اونون ساغ الی منی قوجاقلاییر. 7ای اورشلئم قیزلاری، سئزه جیرانلار و چؤل ماراللاری حاقّی آند ورئرم: محبّتی، اؤزو ائسته‌مه‌یئنجه، قالدیرمایین و اویاتمایین.
8سِوگئلئمئن سَسی! بودور، گلئر، داغلارین اوستوندن آتیلاراق، تپه‌لرئن اوستوندن سیچرایاراق. 9سِوگئلئم بئر جیران یا جوان بئر مارال کئمی‌دئر. باخ، بودور، دووارئمیزین آرخاسیندا دورور، پنجره‌لردن باخیر، موشَبّکدن نظر سالیر. 10سِوگئلئم منه دیئر: قالخ، ای سِوگئلئم، ای گؤزلئم، و گل گت، 11چونکی قیش کچئب گتدی؛ یاغیش قورتاریب گدئب. 12گوللر یر اوزونده گؤرونور، نغمه واختی گلئب چاتیب، و قومرونون سَسی اؤلکه‌مئزده اِشئدئلئر. 13انجئر آغاجی انجئرلرئنی یتئشدئرئر، و اوزوم تَنَکلری چئچکله‌نئب؛ عطئرلرئنی ساچیرلار. قالخ، ای سِوگئلئم، ای گؤزلئم، و گل گت. 14ای گؤیرچئنئم، قایا یاریقلاریندا، سیلدیریمین گئزلی یرلرئنده، قوی اوزونو گؤروم، قوی سَسئنی اشئدئم، چونکی سَسئن شئرئندئر، و اوزون گؤزلدئر. 15چاقّاللاری توتون، بئزئم اوچون، اوزوم باغلارینی خارابا قویان بالاجا چاقّاللاری، چونکی اوزوم باغلاریمیز چئچکله‌نئب. 16سِوگئلئم منئمدئر، و من ده اونونام؛ او زانباقلار آراسیندا اوتلاییر. 17گون نَفَس آلمایینجا و کؤلگه‌لر قاچمایینجا، دؤن، ای سِوگئلئم، و سَرت داغلارین اوستونده‌کی بئر جیران یا جوان بئر مارال کئمی اول.
