آتا اؤز ائلچئسئنی گؤندَ‌رئر
اَن قیسا و اَن سورعتلی ائنجئل، عئسانی عذاب چکن او خئدمتکار کئمی تصوئر ادر کی، گلدی «خئدمت اولونماق اوچون یوخ، بلکه خئدمت اتمک و اؤز جانینی چوخلاری اوچون فئدئیه ورمک اوچون.»
1 1عئسا مسئحئن، آتامیزین اوغلونون ائنجئلئنئن باشلانیشی. a a v1 بعضی قدئم الیازمالاردا «آتامیزین اوغلو» عئباره‌سی یوخدور. 2اِشَعیا پیغمبرئن کئتابیندا یازیلدیغی کئمی: «باخ، اؤز ائلچئمی سنئن قاباغیندا گؤندَ‌رئرم کی، او، سنئن یولونو حاضیرلایاجاق. 3چؤلده نئدا ادن بئرئنئن سسی: ”ربّئن یولونو حاضیرلایین، اونون یوللارینی دوز ادئن.“»
4یحیا ظوهور ادئب چؤلده تعمئد ورئردی و گوناهلارین باغیشلانماسی اوچون تؤوبه تعمئدئنی وعظ ادئردی. 5بوتون یهودئیه و اورشلئمده اولان هرکس اونون یانینا گدئردی و اونلار اؤز گوناهلارینی اعتئراف اِدَرکَن، او، اونلاری اوردون چاییندا تعمئد ورئردی. 6یحیا دَوه توکوندن پالتار گِیمئشدی، بلئنده ده دَرئدن قاییش وار ائدی؛ چیئرتکه و چؤل بالی یئیئردی. 7او اعلان ادئب ددی: «مندن سونرا گلن، مندن داها قووّتلی‌دئر؛ من اَیئلئب اونون آیاق‌قابیسینین باغینی آچماغا بله لایئق دیئلم. 8سو ائله من سئزی تعمئد وردئم، آمّا او، موقدّس روحلا سئزی تعمئد وره‌جک.»
آتا اؤز اوغلو حاقّیندا دانیشیر
9او گونلرده عئسا جلئله‌نئن ناصئره شهرئندن گلدی و یحیا طرفئندن اوردون چاییندا تعمئد آلدی. 10او، سودان چیخان کئمی، گؤیلرئن یاریلدیغینی و موقدّس روحون گؤیرچئن کئمی اونون اوستونه اندئیئنی گؤردو.
11و گؤیدن بئر سس گلدی: «سن منئم سوگئلی اوغلومسان؛ سندن کفئم وار.»
12و موقدّس روح دَرحال اونو چؤله چیخارتدی. 13او، چؤلده قیرخ گون قالدی، شیطان طرفئندن سینانیردی، وحشی حیوانلارلا بئرلئکده ائدی و مَلَکلر اونا خئدمت ادئردئلر.
14یحیا توتولاندان سونرا، عئسا جلئله‌یه گلدی و آتامیزین ائنجئلئنی وعظ ادئردی،
15و دیئردی: «واخت تامام اولدو و آتامیزین پادشاهلیغی یاخیندیر؛ تؤوبه ادئن و خوش خبره ائمان گتئرئن.»
عئسا اؤز ائلک شاگئردلرئنی چاغیریر
16جلئله گؤلونون کناریندان کِچَرکَن، شمعونو و اونون قارداشی آندریاسی گؤردو کی، گؤله تور آتیردیلار، چونکی اونلار بالیقچی ائدئلر.
17عئسا اونلارا ددی: «منئم دالیمجا گلئن، من ده سئزی ائنسان توتان بالیقچی اده‌جیم.»
18اونلار دَرحال اؤز تورلارینی بوراخیب اونون دالینجا گتدئلر.
19بئر آز ائره‌لی گدئب، زِبِدِیئن اوغلو یعقوبو و اونون قارداشی یوحنّانی گؤردو کی، قاییقدا تورلارینی دوزَ‌لدئردئلر. 20دَرحال اونلاری چاغیردی؛ اونلار اؤز آتالاری زِبِدِیی موزدورلارلا بئرلئکده قاییقدا بوراخیب اونون دالینجا گتدئلر.
قارانلیق اوستونده ائختئیار
21اونلار کفرناحوما گتدئلر. سَبّت گونو دَرحال کنئسه‌یه گئرئب تعلئم ورمه‌یه باشلادی. 22اونون تعلئمئنه حیران قالدیلار، چونکی اونلارا دئن عالئملری کئمی یوخ، ائختئیارلا تعلئم ورئردی. 23همن اونلارین کنئسه‌سئنده ناپاک روحو اولان بئر آدام وار ائدی و او، چیغیردی. 24ای ناصئره‌لی عئسا، بئزه نه؟ بئزی هلاک اتمه‌یه گلئبسن؟ سنئن کئم اولدوغونو بئلئرم ـ سن تارینین موقدّسی‌سن!
25آمّا عئسا اونو دانلاییب ددی: «سَسئنی کَس و اوندان چیخ!»
26ناپاک روح اونو سارسیدیب اوجا سَسله فریاد ادَرَک اوندان چیخدی. 27هامی حیران قالدی و بئربئرئندن سوروشدولار: «بو نه‌دئر؟ ائختئیارلا تزه بئر تعلئمدئر ـ حتّا ناپاک روحلارا امر ادئر و اونلار اونا ائطاعت ادئرلر!» 28و اونون شؤهرتی دَرحال جلئله‌نئن بوتون اطراف بؤلگه‌لرئنه یاییلدی.
شفا شمعونون اِوئنه گلئر
29دَرحال کنئسه‌دن چیخیب، یعقوبلا یوحنّانی اؤزو ائله گؤتوروب شمعونلا آندریاسین اِوئنه گتدی. 30شمعونون قایین‌آناسی قیزدیرما ائچئنده یاتمیشدی و دَرحال اونون باره‌سئنده عئسایا ددئلر. 31عئسا گلئب اونون اَلئندن توتدو و اونو قالدیردی. قیزدیرما اوندان چکئلدی و او، اونلارا خئدمت اتدی.
32او آخشام، گون باتاندا، بوتون ناخوشلاری و ائبلئسلره توتولموشلاری اونون یانینا گتئردئلر. 33و بوتون شهر قاپینین آغزینا ییغیلمیشدی. 34او، مختلف ناخوشلوقلارا توتولموش بئر چوخ آدامی صاغالتدی و چوخلو ائبلئس قوودو، آمّا ائبلئسلره دانیشماغا ائجازه ورمه‌دی، چونکی اونلار اونو تانی‌ییردیلار.
عئسا دوعا اتمک اوچون تنها بئر یره چکئلئر
35سحر آچیلمامیشدان چوخ قاباق، حله قارانلیق ائکن، او دوروب بوش بئر یره گتدی و اورادا دوعا اتدی. 36شمعون و اونونلا بئرلئکده اولانلار اونو آختاردیلار، 37و اونو تاپیب اونا ددئلر: «هامی سنی آختاریر.»
38عئسا ددی: «گلئن باشقا یره، قونشو قصبه‌لره گدک کی، من اورادا دا وعظ اده‌بئلئم، چونکی من بونون اوچون گلمئشم.»
39و او، بوتون جلئلی گَزئب اونلارین کنئسه‌لرئنده وعظ ادئردی و ائبلئسلری قوودو.
جوذاملی پاک اولور
40جوذاملی بئر آدام گلئب دئز چؤکدو و اونا یالواریب ددی: «اگر ائسته‌سن، منی پاک اده‌بئلرسن.»
41عئسا درئن مرحمته گلئب، اَلئنی اوزادیب اونا توخوندو و ددی: «ائسته‌یئرم، پاک اول.»
42درحال جوذام اوندان گتدی و او پاک اولدو. 43عئسا اونو برک تَنبِه ادئب، درحال اونو یولا سالدی
44و اونا ددی: «دئقّت ات کی، هچ کسه بئر سؤز دیمه‌یه‌سن، آمّا گد، اؤزونو کاهئنه گؤرسد و اؤز پاکلانماغین اوچون موسانین امر اتدئیئنی تقدئم ات کی، خالقا بئر شهادت اولسون.»
45آمّا او آدام چیخیب بونو آچیق-آشکار جار چکدی و خبری یایدی. اونا گؤره عئسا آرتیق آچیقجا بئر شهره گئره بئلمئردی، آمّا بوش یرلرده قالیردی. گئنه ده هر طرفدن خالق اونون یانینا گلئردی.
