شَمشون غزّه‌نئن دروازالارینی آپاریر
شَمشون غَزّه‌نئن دروازاسینی قاپیب آپاریر، سونرا دَلئله‌نی سوئر کی، اونون سئرّئنی تاپماق اوچون اونا پول ورئلئر. اوچ یالاندان سونرا اونا بوتون اوره‌یئنی آچیر، قیرخیلمیش حالدا اویانیر و بئلمئر کی، آتامیز اونو ترک ادئب. دیئرماندا کور ادئلمئش حالدا، ساچی گئنه اوزانیر و او گئنه قووّت ائسته‌یئر.
16 1شَمشون غزّه‌یه گتدی و اورادا بئر فاحئشه گؤردو و اونون یانینا گئردی. 2غَزّه ساکئنلری «شَمشون بورایا گلئب» سؤزونو اشئدنده، اورانی موحاصئره ادئب بوتون گجه شهرئن دروازاسیندا اونو گؤزله‌دئلر. بوتون گجه ساکئت قالیب ددئلر: «سحر آچیلاندا اونو اؤلدوره‌جیئک.» 3شَمشون گجه یاریسینا قدر اورادا یاتدی. گجه یاریسی قالخیب شهر دروازاسینین قاپیلاریندان و ائکی سوتوندان یاپیشدی، اونلاری دئرَک ائله بئرلئکده قوپارتدیب چئیئنلرئنه قویدو و خِبرونون قاباغیندا اولان تپه‌نئن باشینا آپاردی.
4بوندان سونرا او، سورِق دره‌سئنده بئر آروادی سِودی کی، آدی دَلئله ائدی. 5فئلئسطلی‌لرئن آغالاری اونون یانینا گلئب ددئلر: «اونو توولا و اؤیرَن کی، اونون بؤیوک قووّتی هارادادیر و بئز اونا نجه قالئب گلئب اونو باغلایاق کی، موطئع ادک. بئزدن هر بئرئمئز سنه مئن یوز شِکِل گوموش وره‌جه‌یئک.»
6دَلئله شَمشونا ددی: «منه دِه کی، سنئن بؤیوک قووّتئن هارادادیر و سنی نجه باغلاییب موطئع اتمک اولار.»
7شَمشون اونا ددی: «اگر منی حله قورومامیش یدّی تزه یای کئرئشی ائله باغلاسالار، من ضعئفله‌یئب هر باشقا آدام کئمی اولارام.»
8او واخت فئلئسطلی‌لرئن آغالاری اونا حله قورومامیش یدّی تزه یای کئرئشی گتئردئلر و دَلئله اونو اونلارلا باغلادی. 9ائچه‌ری اوتاقدا کمئنده دوران آداملاری واردی. دَلئله اونا ددی: «شَمشون، فئلئسطلی‌لر اوستونه گلدی!» لاکئن او، یای کئرئشلرئنی، بئر کتان لئفی اودا دَیَنده قیریلان کئمی قیردی. بله‌جه اونون قووّتئنئن سئرّی بئلئنمه‌دی.
10دَلئله شَمشونا ددی: «سن منی اَله سالیب منه یالان ددئن. ائندی منه دِه کی، سنی نجه باغلاماق اولار.»
11او اونا ددی: «اگر منی هچ ائشلَنمه‌مئش تزه ائپلرله مؤحکم باغلاسالار، من ضعئفله‌یئب هر آدام کئمی اولارام.»
12دَلئله تزه ائپلر گؤتوروب اونو اونلارلا باغلادی و ددی: «شَمشون، فئلئسطلی‌لر اوستونه گلدی!» ائچه‌ری اوتاقدا آداملار کمئنده دورموشدو. لاکئن او، ائپلری قوللاریندان ساپ کئمی قیریب آتدی.
13دَلئله شَمشونا ددی: «سن بو مودّتده همئشه منی اَله سالیب منه یالان ددئن. منه دِه کی، سنی نجه باغلاماق اولار.» او اونا ددی: «باشیمین یدّی حؤرویونو توخوجولوق دَزگاهینداکی پارچایا توخویوب میخ ائله مؤحکم‌له، او زامان من هر آدام کئمی ضعئف اولارام.»
14دَلئله اونو میخ ائله بَرکئتدی و اونا ددی: «شَمشون، فئلئسطلی‌لر اوستونه گلدی!» لاکئن او، یوخودان اویانیب میخی، توخوجولوق دَزگاهینی و پارچانی چکئب چیخارتدی.
15دَلئله ددی: «اوره‌یئن منئمله اولمادیغی حالدا، نجه منه ”سنی سِوئرَم“ دیئرسن؟ سن اوچ دفه منی اَله سالیب منه دمه‌دئن کی، سنئن بؤیوک قووّتئن هارادادیر.»
16دَلئله هر گون اؤز سؤزلری ائله اونا تکید ادئب اونو سیخیشدیراندا، شَمشونون جانی اِله یورولدو کی، اؤلومو آرزولادی. 17بله‌جه او، بوتون اوره‌یئنی اونا آچیب ددی: «باشیما اولگوج دَیمه‌یئب، چونکی من آنا بطنئندن آتامیزین نذئره‌سی‌یم. اگر قیرخیلسام، قووّتئم مندن گدر و من ضعئفله‌یئب هر باشقا آدام کئمی اولارام.»
18دَلئله اونون بوتون اوره‌یئنی اؤزونه آچدیغینی گؤرنده، فئلئسطلی‌لرئن آغالارینا خبر گؤندَ‌رئب ددی: «بئر دفه ده گلئن، چونکی او بوتون اوره‌یئنی منه آچیب.» بله‌جه اونلار گوموشو اَللرئنده اونون یانینا گلدئلر. 19دَلئله اونو اؤز دئزلری اوستونده یاتیرتدی، بئر آدام چاغیریب اونا باشینین یدّی حؤرویونو قیرخدیردی. و دَلئله اونو موطئع اتمه‌یه باشلادی و قووّتی اوندان گتدی. 20دَلئله ددی: «شَمشون، فئلئسطلی‌لر اوستونه گلدی!» او، یوخودان اویانیب دوشوندو: «اوّلکی کئمی چیخیب اؤزومو قورتارارام.» لاکئن بئلمئردی کی، آتامیز اونو ترک ادئب.
21فئلئسطلی‌لر اونو توتدولار، گؤزلرئنی چیخارتدیلار و اونو غزّه‌یه گتئردئلر. اونو بورونج زنجئرلرله باغلادیلار و او، زئنداندا دَیئرمان چکدی. 22لاکئن باشینین توکو قیرخیلاندان سونرا، گئنه اوزانماغا باشلادی.
آتا شَمشونو بئر دفه ده قوّتلندئرئر
23فئلئسطلی‌لرئن آغالاری ییغیشدیلار کی، آللاهلاری داگونا بؤیوک بئر قوربان کسئب شنلئک اتسئنلر. اونلار ددئلر: «آللاهیمیز دوشمنئمئز شَمشونو بئزئم اَلئمئزه تسلئم ادئب.» 24خالق اونو گؤرنده، آللاهلارینی تعرئفله‌یئب ددئلر: «آللاهیمیز دوشمنئمئزی بئزئم اَلئمئزه تسلئم ادئب، او کی، اؤلکه‌مئزه زئیان یتئرئب و اؤلولرئمئزی چوخالتمیشدی.»
25اورَکلری نشعه‌لَنَنده ددئلر: «شَمشونو چاغیرین کی، بئزی اَیلندئرسئن.» بله‌جه شَمشونو زئنداندان گتئردئلر و او، اونلاری اَیلندئردی. اونو سوتونلارین آراسیندا دایاندیردیلار. 26شَمشون اَلئندن توتان اوغلانا ددی: «قوی اِوئن اوستونده دایاندیغی سوتونلارا اَل سورتوم کی، اونلارا سؤیکَنئم.» 27اِوئن ائچی کئشیلر و آروادلارلا دولموشدو. بوتون فئلئسطلی آغالاری دا اورادا ائدی و دامین اوستونده تقرئبن اوچ مئن کئشی و آرواد شَمشونون اَیلنجه‌سئنه تاماشا ادئردی. 28او زامان شَمشون آتامیزی چاغیریب ددی: «ای حاکئم موطلق آتا، خواهئش ادئرم، منی یادا سال. تکجه بو دفه منی قووّتلَندئر کی، ائکی گؤزومون اوزوندن فئلئسطلی‌لردن بئر ضربه‌ده انتئقام آلیم.» 29شَمشون اِوی ساخلایان ائکی اورتا سوتوندان یاپیشدی و اونلارا سؤیکَندی؛ صاغ اَلی بئرئنئن اوستونده، سول اَلی او بئرئنئن اوستونده ائدی. 30شَمشون ددی: «قوی فئلئسطلی‌لرله بئرلئکده اؤلوم.» او، بوتون قووّتی ائله ائته‌له‌دی و اِو آغالارین و ائچئنده‌کی بوتون خالقین اوستونه اوچدو. بله‌جه او، اؤلومو زامانی اؤلدوردویو آداملار، صاغ اولدوغو زامان اؤلدوردویو آداملاردان داها چوخ ائدی.
31اونون قارداشلاری و آتاسینین بوتون اِو اهلی اِنئب اونو گؤتوردولر، یوخاری آپاریب صورعا ائله اِشتااول آراسیندا، آتاسی مانواَخئن قبئرئنده باسدیردیلار. او، ائسرایئله ایئرمی ائل حاکئملئک اتمئشدی.
