روحوم سینیب
ایّوبون روحو سینیب و قبئر اونا یاتاق کئمی حاضیرلانمیش گؤرونور. سوروشور کی، کئم اونون ضامئنی اولاجاق، چونکی دوستلاریندان بئری ده تکلئف ادَن حئکمته مالئک دیئل. اگر چوخورا «آتام»، قوردا دا «آنام» دمه‌لی اولسا، بس اونون اومئدی هارادادیر؟
17 1«روحوم سینیب، گونلرئم سؤنوب، قبئر منئم اوچون حاضیردیر. 2حقئقتن رئشخند ادنلر منی موحاصئره‌یه آلیبلار، گؤزلرئم ده اونلارین طعنه‌لرئندن آیریلا بئلمئر.
3«منئم اوچون اؤزونده بئر ضمانت قوی؛ منئم ضامئنئم اولماق اوچون باشقا کئم سؤز وره‌جک؟ 4چونکی سن اونلارین ذهئنلرئنی فهمدن باغلاییبسان؛ اونا گؤره قویمایاجاقسان کی، اونلار ظفر تاپسینلار. 5شخصی قازانج اوچون دوستلارینی ساتان آدامین اؤولادلارینین گؤزلری توتولاجاق.
6«او منی خالقلار آراسیندا ضرب‌المثل ادئب، اوزومه توپوردوقلاری بئر آدامام. 7گؤزوم کدردن توتولوب، و بوتون اعضالاریم کؤلگه کئمی‌دئر. 8دوز آداملار بونا دهشته دوشَرلر، و گوناهسیز آدام تاریسیز آداما قارشی قالخار. 9آمّا صالح آدام اؤز یولونو توتار، و الی تمئز اولان گئت‌گئده گوجله‌نَر.
10«آمّا هامینیز گری قاییدین، ائندی گلئن؛ آرانیزدا بئر حکئم آدام تاپا بئلمئرم. 11گونلرئم کچئب، نئیّتلرئم داغیلیب، و اوره‌یئمئن ائسته‌دئیی شیلر ده اونلارلا بئرلئکده محو اولوب. 12گجه‌نی گوندوزه چِوئرئرلر؛ قارانلیق اولا-اولا ”ائشیق یاخیندیر“ دیئرلر. 13اگر اؤلولر دئیارینا اؤز اِوئم کئمی اومئد باغلاسام، اگر یاتاغیمی قارانلیقدا سالسام، 14اگر چوخورا ”سن منئم آتامسان“ دسم، و قوردا ”آنام“ و ”باجیم“ دسم، 15بس اوندا منئم اومئدئم هارادادیر؟ منئم اوچون کئم اومئد گؤره بئلر؟ 16آیا او اؤلولر دئیارینین دروازالارینا اِنه‌جک؟ آیا بئرلئکده توز-تورپاغا اِنه‌جیئک؟»
