موسانین ودا نئطقی
یوز ایئرمی یاشیندا موسا ائشی تحوئل ورئر: آتامیز قاباقدا گدر و سنی هچ واخت بوراخماز، یوشَع یول گؤستره‌جک. شرئعت یازیلیر کی، هر یدّی ائلدن بئر، اوشاقلار دا داخئل، هامییا اوجادان اوخونسون. بئر ماهنی اؤیره‌دئلئر، چونکی او بئلئر کی، اونلار اوز دؤنده‌ره‌جکلر.
31 1سونرا موسا گدئب بو سؤزلری بوتون ائسرایئله ددی. 2اونلارا ددی: «بو گون منئم یوز ایئرمی یاشیم وار؛ آرتیق گدئب-گله بئلمئرم، و آتامیز منه بویوروب: ”بو اوردون چایینی کچمیه‌جکسن.“ 3آتانیز اؤزو سئزئن قاباغینیزدا کچه‌جک؛ بو مئلّتلری قاباغینیزدان محو اده‌جک و سئز اونلاری قوواجاقسینیز. یوشَع، آتامیزین ددئیی کئمی، سئزئن قاباغینیزدا کچه‌جک. 4آتامیز اونلاری محو اتدئیی زامان، اَموری‌لرئن پادشاهلاری سئخون و عوگا و اونلارین تورپاغینا اتدئیی کئمی، بونلارا دا اده‌جک. 5آتامیز اونلاری سئزه تسلئم اده‌جک و سئز اونلارا منئم سئزه امر اتدئیئم کئمی، عِینئسئنی اتمه‌لی‌سئنئز. 6گوجلو و اورَکلی اولون. اونلاردان قورخمایین، دهشت اتمه‌یئن، چونکی آتانیز سئزئنله گدئر؛ او هچ واخت سئزی بوراخماز، سئزی ترک اتمز.»
7موسا یوشَعی چاغیردی و بوتون ائسرایئلئن قاباغیندا اونا ددی: «گوجلو و اورَکلی اول، چونکی آتامیزین اجدادلارینا ورمک اوچون آند ائچدئیی تورپاغا بو خالقلا برابر سن گده‌جکسن و اونو مئراث اولاراق اونلارا وره‌جکسن. 8آتامیز اؤزو سنئن قاباغیندا گدئر؛ او سنئنله اولاجاق. او هچ واخت سنی بوراخماز، سنی ترک اتمز. قورخما، اوره‌یئن ده اوزولمه‌سئن.»
شرئعتئن ائسرایئله تاپشیریلماسی
9موسا بو شرئعتی یازدی و اونو آتامیزین عهد ساندیغینی داشییان کاهئنلره، لاوی اوغوللارینا و بوتون ائسرایئل آغساقّاللارینا وردی. 10سونرا موسا اونلارا امر اتدی: «هر یدّی ائلئن آخیریندا، بورجلارین باغیشلانماسی ائلئنئن تعیئن اولونموش واختیندا، چارداقلار بایرامیندا، a a v10 چارداقلار بایرامی: پاییزدا بئر هفته داوام ادن محصول بایرامی کی، عایئله‌لر ائسرایئلئن چؤل‌دکی سفرئنی خاطیرلاماق اوچون موووقّتی چارداقلار دوزَ‌لدئب اونلاردا یاشاردیلار. 11بوتون ائسرایئل آتانیزین حوضورونا، اونون سچه‌جیی یره گلنده، بو شرئعتی بوتون ائسرایئلئن قاباغیندا اوجا سَسله اوخو. 12خالقی ییغ ــ کئشئلری، آروادلاری، اوشاقلاری و شهرلرئنئزده یاشایان قرئبلری ــ اله کی، اشئدئب، اؤیره‌نئب آتانیزدان قورخسونلار و بو شرئعتئن بوتون سؤزلرئنی ساخلاییب اتسئنلر. 13بله‌جه بو شرئعتی بئلمه‌یَن اؤولادلاری دا اونو اشئدئب، مالئک اولماق اوچون اوردون چایینی کچه‌رک گده‌جیئنئز تورپاقدا یاشادیغینیز بوتون گونلر، آتانیزدان قورخماغی اؤیره‌نه‌جکلر.»
آتامیز یوشَعی وظئفه‌یه قویور
14آتامیز موسایا بویوردو: «سنئن اؤلومون یاخینلاشیب. یوشَعی چاغیر و حوضور چادیریندا اؤزونوزو تقدئم ادئن؛ اونو وظئفه‌یه قویاجاغام.» بله‌لئکله موسا و یوشَع گدئب حوضور چادیریندا اؤزلرئنی تقدئم اتدئلر.
15او زامان آتامیز چادیردا بئر بولود دئره‌یئنده ظاهئر اولدو، و بولود دئره‌یی چادیرین گئرئشئنده دایاندی. 16و آتامیز موسایا ددی: «سن اجدادلارینا قوشولوب یاتاجاقسان. سونرا بو خالق قالخیب گئره‌جکلری تورپاغین یاداِللی آللاهلارینین دالیسیجا فاحئشه‌لئک اده‌جک، منی ترک اده‌جک و اونلارلا باغلادیغیم عهدی پوزاجاق. 17او گون منئم قضبئم اونلارا قارشی آلوولاناجاق. من اونلاری ترک اده‌جیم، اوزومو اونلاردان گئزلَده‌جیم و اونلار محو اولاجاقلار. اونلارین اوستونه چوخلو بلالار و موصئبتلر گله‌جک. او گون دیئه‌جکلر: ”تاریمیز آرامیزدا اولمادیغینا گؤره، بو بلالار بئزئم باشیمیزا گلمه‌دی؟“ 18اونلارین اتدئیی بوتون پئسلئیه گؤره، آیری آللاهلارا طرف دؤنمک اوچون، او گون اوزومو حتمن گئزلَده‌جیم.
19ائندی بو نغمه‌نی اؤزونوز اوچون یازین، اونو ائسرایئل اؤولادلارینا اؤیرَدئن، اونو اونلارین آغزینا قویون، اله کی، بو نغمه منئم اوچون ائسرایئل اؤولادلارینا قارشی شاهئد اولسون. 20اونلاری اجدادلارینا آند ائچدئیئم، سود و بال آخان تورپاغا گتئرنده، اونلار یئیئب، دویوب کؤکَله‌جک، آیری آللاهلارا دؤنوب اونلارا قوللوق اده‌جک، منی حقئر گؤره‌جک و عهدئمی پوزاجاقلار. 21چوخلو بلالار و موصئبتلر اونلارین باشینا گلنده، بو نغمه شاهئد کئمی اونلارین قاباغینا چیخاجاق، چونکی او، اونلارین نسلئنئن آغزیندان یاددان چیخمایاجاق. چونکی اونلاری ورمه‌یه آند ائچدئیئم تورپاغا گتئرمه‌دن اوّل، بو گون نه فئکئرلشدئکلرئنی بئلئرم.»
22بله‌جه موسا همن گون بو نغمه‌نی یازدی و اونو ائسرایئل اؤولادلارینا اؤیرَتدی.
23سونرا آتامیز نون اوغلو یوشَعی وظئفه‌یه قویوب ددی: «گوجلو و اورَکلی اول، چونکی ورمه‌یه آند ائچدئیئم تورپاغا ائسرایئل اؤولادلارینی سن گتئره‌جکسن و من اؤزوم سنئنله اولاجاغام.»
24موسا بو شرئعتئن سؤزلرئنی اوّلدن آخیرا قدر بئر کئتابا یازیب قورتاراندان سونرا، 25آتامیزین عهد ساندیغینی داشییان لاوئلی‌لره امر ادئب ددی: 26«بو شرئعت کئتابینی گؤتورون و اونو آتانیزین عهد ساندیغینین یانینا قویون کی، اورادا سئزه قارشی شاهئد اولاراق قالسین. 27چونکی سئزئن عوصیانینیزی و دئکباشلیغینیزی بئلئرم. بو گون حله من سئزئنله دئری اولدوغوم زامان، آتامیزین ضئدّئنه عوصیان ادئبسئنئز ــ منئم اؤلومومدن سونرا داها نه قدر چوخ اده‌جکسئنئز! 28قبئله‌لرئنئزئن بوتون آغساقّاللارینی و مأمورلارینی یانیما ییغین، اله کی، بو سؤزلری اونلارا دئیئم و گؤیو و یری اونلارا قارشی شاهئد چاغیریم. 29چونکی بئلئرم کی، منئم اؤلومومدن سونرا سئز کامئل فسادا چکئله‌جکسئنئز و سئزه امر اتدئیئم یولدان دؤنه‌جکسئنئز. و گله‌جک گونلرده سئزئن باشینیزا بلا گله‌جک، چونکی آتامیزین نظرئنده پئس اولانی اده‌جک، اَللرئنئزئن ائشی ائله اونو قضبلَندئره‌جکسئنئز.»
30موسا بو نغمه‌نئن سؤزلرئنی اوّلدن آخیرا قدر، بوتون ائسرایئل جاماعاتینین قاباغیندا اوخودو.
