መዝሙር 50

50 ¹ኀያሉ አባታችን ተናገረ፤ ፀሐይ ከምትወጣበት እስከ ምትጠልቅበት ድረስ ምድርን ጠራ። ²ፍጹም ውበት ካላት ከጽዮን አባታችን ያበራል። ³አባታችን ይመጣል፤ ዝምም አይልም፤ በፊቱ እሳት ይበላል፤ በዙሪያውም ብርቱ ዐውሎ ነፋስ አለ። ⁴ሕዝቡን ይፈርድ ዘንድ ከላይ ያሉትን ሰማያት፣ ምድርንም ይጠራል።

⁵“በመሥዋዕት ከእኔ ጋር ኪዳን የገቡትን ታማኞቼን ወደ እኔ ሰብስቡ።”

⁶ሰማያትም ጽድቁን ይናገራሉ፤ ራሱ አባታችን ፈራጅ ነውና። ^a a v6 ሴላ የአምልኮ ወይም የሙዚቃ ምልክት ነው፤ ምናልባት ማቆሚያን ወይም የመካከል ዕረፍትን የሚያመለክት ሳይሆን አይቀርም፤ ትክክለኛ ትርጕሙ አይታወቅም።

⁷“ሕዝቤ ሆይ፣ ስማ፤ እኔም እናገራለሁ፤ እስራኤል ሆይ፣ በአንተ ላይ እመሰክራለሁ፤ አባትህ እኔ ነኝ። ⁸ስለ መሥዋዕቶችህ አልገሥጽህም፤ የሚቃጠሉ መሥዋዕቶችህ ሁልጊዜ በፊቴ ናቸው። ⁹ከቤትህ ኮርማ፣ ከበረትህም ፍየሎች አልወስድም። ¹⁰የዱር አራዊት ሁሉ፣ በሺሕ ኰረብቶች ላይ ያሉ ከብቶች የእኔ ናቸውና። ¹¹የተራሮችን ወፎች ሁሉ ዐውቃለሁ፤ በሜዳ የሚንቀሳቀስ ሁሉ የእኔ ነው። ¹²ብራብ ኖሮ አልነግርህም ነበር፤ ዓለምና በውስጡ ያለው ሁሉ የእኔ ነውና። ¹³የኮርማዎችን ሥጋ እበላለሁን? ወይስ የፍየሎችን ደም እጠጣለሁን?’

¹⁴“የምስጋና መሥዋዕት ለእኔ አቅርብ፤ ስእለትህንም ለልዑል ክፈል። ^b b v14 ‘የምስጋና መሥዋዕት’ በመቅደስ የሚቀርብ የበጎ ፈቃድ መሥዋዕት ሲሆን፣ የአመስጋኝነት አምልኮ መግለጫ ነበር። ¹⁵በመከራ ጊዜም ተጣራኝ፤ አድንሃለሁ፤ አንተም ታከብረኛለህ።’

¹⁶“ለክፉዎች ግን አባታችን እንዲህ ይላል፤ ‘ሥርዐቴን ልትደግም ወይም ኪዳኔን በከንፈርህ ልትናገር ምን መብት አለህ? ¹⁷ተግሣጽን ትጠላለህ፤ ቃሌንም ወደ ኋላህ ትጥላለህ። ¹⁸ሌባ ባየህ ጊዜ አብረኸው ትተባበራለህ፤ ከአመንዝሮችም ጋር ዕድል ፈንታህ ነው። ¹⁹አፍህን ለክፋት ትሰጣለህ፤ ምላስህም ተንኰልን ይሸምናል። ²⁰ተቀምጠህ በወንድምህ ላይ ትናገራለህ፤ የገዛ እናትህን ልጅ ታማለህ። ²¹ይህን ሁሉ አደረግህ፤ እኔም ዝም አልሁ፤ እንደ አንተ የሆንሁ መሰለህ። አሁን ግን እገሥጽሃለሁ፤ ክስህንም በዐይንህ ፊት አኖራለሁ።’

²²“እኔን የምትረሱ እናንተ ሆይ፣ ይህን አሁን አስተውሉ፤ አለዚያ የሚያድናችሁ ሳይኖር ቀድጄ እቦጫጭቃችኋለሁ። ²³የምስጋና መሥዋዕት የሚያቀርብ ሁሉ ያከብረኛል፤ በቅን መንገድም ለሚሄድ ድነቴን አሳየዋለሁ።”