Pa na Meithaan Han Thang nge
Asaph om Kalum Laa.
Ani Pa na chong kasem in daanluga Bami nun ding twei nge. Baom twei ga rikhaang pot titcha briakpina make—kamaang om khouring bing brumza ga Aom gaye—atiyeda chonghen kathan ding kabiaga takwam sanu nun le diga karungnu mi nun om balumsa briakpina gaye. Maan ga swankanu khatle to chan thangnu lampui ding nwamme.
Ani Pa na chongkhak hei bing bi kabia nge 5, 7–23
50 1Ngam Liannu, ani Pa na rin rwe; talei ram ding, nisat louthwan bina hungsunu lang, Maanna kou rwe. 2Tapon bi khopsanu Zion bina, ani Pa baan thang nge. 3Ani Pa hung nge khatle thiap thiap ong laye; Bamai bi meina kadwan nge, khatle Bakim bi thiraang thirwei raangnu ong nge. 4Bami rwan ding chong kasem langna, Maanna chung la om tambaan khatle talei ram ding kou nge.
5“Rikhaang pot paan bina Ei le chonghen kathan tonu, Akhou balumsanu mi rwan ding Alang khom thang ngo.”
6Khatle tambaan na Baom ririak ga kasam nge, balangbe ani Pa raantoza chongsempuba gaye. a a v6 Selah heiya kalum om mak tabe laa om chong kabia khat gaye; haga chamthwan langnu mak tabe kaan kalwang khat pi mu thang langnu gaye diga ningsu nge; baom bazenu bakaba ding dat pi theinu make.
7“Ami rwan, chong ngaiyo, Eina rinlune; Israel, Eina nani maitwang bi sake pilune: Eina nani Pa gaye. 8Nani om rikhaang pot lang chungna Eina nani ding twei make; nani om rou satnu potkat bing ga khwa seiga Amai bi ong nge. 9Nani in bina sen chan Eina lou laye, nani om ken kaan bina ken chan le lou laye. 10Balangbe kamaang om khouring bing brumza Aom gaye, rammwan swan 1,000 chung om sen chan bing le Aom gaye. 11Rammwan om basaa bing brumza Eina theiye, khatle loubu bi kaloinu pot bing brumza le Aom gaye. 12Ei zan maan nge dabe, Eina nani khou rin laye, balangbe talei ram le haga sung bi ongnu pot bing brumza le Aom gaye. 13Eina sen chan om zan sa dingbo, mak tabe ken chan om thi in dingbo?’
14“Akhou swankanu rikhaang pot kat thang ngo, khatle Chung Liannu Maan khou nani om chongren bing ga pi brum thang ngo. b b v14 “Swankanu rikhaang pot” heiya sung thaina, baraan ningna kalum in bi kat thangnu baningtha rikhaang pot khat ga ngaake. 15Nang riangre bi ong nge dabe, Akhou kouro; Eina nang ding kan thanglune, khatle nangna Ei ding takung thanglune.’
16“Atiyeda sa maknu mi khou ani Pa na rinne, ‘Aom chongtan bing ga kabia lang, mak tabe na bablei zana Aom chonghen kathan ga rin lang, nang tazam tatoga amrubo? 17Nangna laaknu ding batanne, khatle Achong bing ga lou sat suiye. 18Nangna in baruk mi ding muwe dabe, bating le bang kaleye, khatle lungkoi lungmaannu mi nun le pak kale nge. 19Nangna na mun ding kasianu bi thang nge, khatle na bablei na rou sianu ga sem nge. 20Nangna twangluga na unao maitwang bi rin nge, na raantoza na anu om sa ding kasianu ga kabia nge. 21“Hei bing nga nangna to rwe, khatle Eina thiap thiap ong ngaake; Ei le nang danga khate diga nangna baning rwe. Atiyeda atun ba Eina nang ding twei thang nge, khatle na noh bing ga na mikphaang bi tat satne.’
22“Ei ding ririak senu nani rwan, atun ba hei ding theisinno, make dabe nani ding kan thangnu pakhatchanale maakka, Eina nani ding kai re satlune. 23Tudannu swankanu rikhaang pot ga katnu maan gana Ei ding takung lang nge; khatle bakaba lampui ga ngaaknu mi khou Eina Aom ringriak ga pi mu thanglune.”