Avāna Bichar Kārot Hokhuiya
Asaphwui laa.
Ithumwui Avāna bichar ngarumkhui ngasakda awui mibingli ngahāngsanga. Awui ngahongkhami chiya pha̱kaphayā kachumkhana mani — kharinga sa̱kei kachiva̱ awuina — kha awui tuingashit hāngkahai eina phokaphābing ngasozatkhami mibingwui masotkhami china. Ana ningkashi kala pong kathar ngaranga.
50 1Kapangpangapā, ithumwui Avāna hānghaira; ana zimik kashok eina thuida katun eina tangda okathuili hokhuiya. 2Mathā kākashung Zionwui eina, ithumwui Avā shokpinga. 3Ithumwui Avā rāra kala kasaikha mapammara; awui mangāli meina chuikatā, kala awui kuimareida sur kakhaninga leira. 4Awui mibingli bichar sākhavai, ana kazingram atungshong kala okathuili hokhuiya.
5"Iwui katharabingli ili rākazipserlu, athumna pha̱kaphayā eina ili tuingashit sai."
6Kala kazingramna awui khamashung khangarong phongra, kaja ithumwui Avā khalattana bichar sākhamena. a a v6 'Selah' hi khorum lah laa kasāli sātā kahai kachāng akhana; kashuilaga lah ngachei khavai chi theingarokmi khavaina jipai, kha awui kakhalat mashungda matheimana.
7"Nganālu, iwui mibing, kala ina hāngga; O Israel, ina nali makhamayā shākhi mira: Ina nawui Avāna. 8Nawui pha̱kaphayāwui vang ina nali makaharmana; nawui rikkatā kachigat atam kachida iwui mangāli lei. 9Nawui shimwui eina mukvā, nawui yaoshimli eina mebing ina makhuimara. 10Kaja ngahongwui sāyur saikora iwuina, phungrā thingkhatungli khalei seibingla iwuina. 11Kaphungbingwui vānaoyur saikora ina thei, kala luili ringda khalei saikora iwuina. 12Ina thaihaoakha nali mahāngmara, kaja okathui kala chiwui alungli khalei saikora iwuina. 13Ina mukvāwui sā shaimarala, lah mewui ashee mangrala?'
14"Ili ningkashiwui kachigat chigatlu, kala Juikhamataiali nawui ngashit kahai chi milu. b b v14 'Ningkashiwui kachigat' hi khorumshimli ningkashiwui khorum sāda ning kachāng eina chigat kahai pha̱kaphayā akhana. 15Kala nawui kakhanang tharan ili ngakaolu; ina nali kanshokra, kala nana ili khayāshira.'
16"Kha makhayābingli ithumwui Avāna hānga: 'Khisāda na iwui shiyan-chikan phongshokta, lah nawui morchai eina iwui tuingashit matuikhala? 17Na kharākli yangkharinga, kala iwui tui chi suitāhaora. 18Nana khaleli theiakha, nana ali khangarumna, kala phokaphābing ngarumda yonga. 19Nana nakhamor makaphāli mihaira, kala namale mikhanam tui matui. 20Nana pamda nachināwuitungli khamashāt matui; nashava̱wui naomayarali kaphor tui matui. 21Hikathāthā hi nana sāhaira, kala I kasaikha pamhaira; I na tākam eina ngasāra da nana phaninga. Kha ara ina nali kaharra, kala nawui miktāli morei chi ngarānhaira.'
22"Ara, ili malai nathum, hi theishingkhuilu, matheiakha ina nali serkazamhaora, nali kanmi khavai khipākha maleimara. 23Kachikathāna ningkashi kachigat khuikharāna ili khayāshiya; kala khamashung apongli khamayona mili ina iwui huikhami chitheira."
