Mi eng' bukuit

Tyenwogigap Kalasunet 50 FHB Father's Heart Bible™

Kiistoi 15% eng' kiy ne iale korook →
Bukuit

Kuurei Kwanda Charunee

Tienwogitap Asap.

Tuiyei Kwandanyo kirwooget ak kopaoryanjin piikyik ineegei. Ma po tiseiywek che ming'inotiin ng'uungutetanyi—amu po ineendet tyong'ik tugul che sabei—ago po kaayanet ne punu piik che somanei kaayanennyi ago piitei kobooto choortiik. Machei kongoi ak ooreet ne kigowal.

Ng'alaali Kwandanyo eng' mustarisyek 5, 7–23

Sura 50.

Kagong'alaal ne Kimnatindet, Kwandanyo; kaguur ng'wony kong'etee chorutap asiista agoi rorokyennyi. Kong'etee Zion, ne ititaat eng' korooronindo, iluu Kwandanyo. Nyonei Kwandanyo ak ma siis; beelei maat eng' tainnyi, ak mi kipchurchuryet ne oo komosta ineendet. Kuurei kipsengwet che parak, ak ng'wony, si koiiwirwogi piikyik.

“Oyum ole ami piikyuk che yanaat, che kayai arorutyet ak anee eng' tiseiywot.”

Ak mwaei kipsengwet imandanyi, amu ineendet Kwandanyo ko kiiwirwogindet. a a v6 Selah ko ng'olyoot ne kiboiisiei eng' saiisiekap sa anan eng' tienset, ne imwae kobwa saait ne kesiis anan ole kigochobchini age; ma kingen komye naetennyi.

“Ogas, piikyuk, si ang'alaal; Israel, apaoryanjin okweek: Anee Kwandang'wong'. Ma akergong'in agobo tiseiywogikwok; mi kagoochinoikwok che kibeelei tainnyu kotugul. Ma anam kirgit age eng' kaang'ung', ama norik eng' piusyeguk. Amu aa nebo tyong'ik tugul che po timiin, ak tuuga che mi tuloonook sisiit. Angen toriitik tugul che po tuloonook, ak aa nebo tugul che pendote eng' keeweet. Ngot ale amei rubeet, ma amwachi inyee, amu aa nebo ng'wony, ak tugul che mi eng' ineendet. Tos amei panyeegap kiruugik anan aee korotiigap norik?’

“Eeng'ji tiseiywotap kongoi, ak igoito kaarortaosyekwok Ne Utyoot. b b v14 ‘Tiseiywotap kongoi’ ko ki tiseiywot ne kigoochinei chii eng' kamachei ineegei eng' mogordo ne po Kamuktaindet, koek kaatoreet ne po kongoi ak saaet. Ak ikuuro ye imi nyalilda; asar inyee, ak iteech anee.’

“Ago leenji Kwandanyo kiptengeginik, kole: ‘Po nee igoorito isoman ng'atuutikyuk, anan imwae arorutyennyu eng' kuting'ung'? Iweche katigonet ak iwiirte ng'aleekyuk. Ye igeere choorindet, inamgei ak ineendet, ak ilabat ak adulam. Igoochi kuting'ung' ne ya, ak chobei ng'elyeptang'ung' ng'aalseet. Itebee ak ing'alaal agaigai ak tupcheng'ung'; ichaamate weeriitap kameeng'ung'. Kiyogichu kiyae, ak ki asiis; kibwaate ile aa ko uu inyee. Ago nguno akergong'in inyee, ak ande charunee eng' taitap konyeguk.’

“Oguiye niito nguno, okweek che utye anee, anan aluulok ko ma mi chiito ne isarwok. Ineendet ne ipei tiseiywotap kongoi koteech anee; ak ineendet ne riibei ooreet ne iman, aboorchini yetunennyu.”