Mi eng' bukuit

Songolyetap Songolik 3 FHB Father's Heart Bible™

Kiistoi 15% eng' kiy ne iale korook →
Bukuit

Peetuutap Tunisietap Laitoryat

Cheeng'ei kwony nganaseet ne po kemoi ne chamei saboondanyi, koteebe riibiik, yeityo konyoor ineendet ak ma kochamji kobagakta agoi koib kootap kamennyi. Yeityo keer kutik alak ng'echereetap Solomon ne kiriip koit, laitoryat ne kigotuch kuutweet eng' peetuutap kayaennyi.

Sura 3.

Eng' itogunnyu eng' kemoi ki acheeng' ne chamei saboondanyu; ki acheeng' ineendet, ago ma anyoor. Nguno ang'eetyee ak awendoti nganaseet, eng' ortinwek ak komoswek; acheeng'i ne chamei saboondanyu. Ki acheeng' ineendet, ago ma anyoor. Konyoorwo riibiik ye kiwendote eng' nganaseet. “Kigeerei ne chamei saboondanyu?” Kingo kata alandae icheek, ko anyoor ne chamei saboondanyu. Ki anam ineendet ak ma achamji koba agoi aibu ineendet kootap kamennyu, eng' koot ne po ne kimanakta anee. Acharunee okweek, tiibiigap Jerusalem, eng' cheptirgichik ak teweretinigap keeweet: mat oinget anan oing'eet chamyet agoi koit sait nenyi.

Ng'o niito ne togostoi kobun surkwen ko uu lumeiywegap iyeto, ne nyamdut kumyat ak tuguuk che nyamdut, kobooto temburyek tugul che ng'uu ne anyiny che po aldondet? Keero—ng'echereetap Solomon ineegei, kobooto murenik tamanwogik lo che kiimeen che neegitee, che po murenigap Israel che kiimeen, che namei rotoogap chok tugul, che ki kineeti lugeet, chii age tugul ak rotwennyi eng' karaastanyi, agobo kamuisetap kemoi. Ki yachigei Laitoryat Solomon ng'echereet eng' keetiigap Lebanon. Ki yai lumeiywekyik che po fedha, ole koiyegei che po thahabu, ole kiteebe ne po usiit ne aruus ne piriir; oriitinnyi ki kitetee eng' chamyet eng' tiibiigap Jerusalem. Omong'u, tiibiigap Zion, ak ogeer Laitoryat Solomon, ne ilaachi kuutweet ne ki kerchinee kamennyi eng' peetuutap tunisiet nenyi, eng' peetuut ne kiboiboitu muguleldanyi.