雅歌 3

3 ¹夜晚喺我張床度， 我尋找 我心所愛嘅人;我尋找佢，但係搵佢唔到。 ²而家我要起身喺城裏面四圍行， 行過大街同廣場; 我要尋找我心所愛嘅人。我尋找佢，但係搵佢唔到。 ³巡城嘅守衛喺巡邏嗰陣搵到我。 「你哋見唔見到我心所愛嘅人呀?」 ⁴我啱啱行過佢哋，就搵到我心所愛嘅人。我攬住佢，唔肯 放佢走，直到我帶佢返到我阿媽屋企， 去到懷我嗰位嘅房間。 ⁵耶路撒冷嘅眾女子啊，我指住田野嘅羚羊同母鹿囑咐你哋: 唔好挑動、唔好喚醒愛情， 直到佢自己願意嗰陣。

⁶從曠野上嚟嘅係邊個呢? 好似一柱柱嘅煙， 用沒藥同乳香薰香， 帶住商人所有芬芳嘅香粉? ⁷睇啊——係所羅門自己嘅轎， 有六十個勇士圍住佢，都係以色列嘅勇士， ⁸佢哋全部手持刀劍，受過作戰嘅訓練， 各人腰間佩住自己嘅刀， 防備夜間嘅驚恐。 ⁹所羅門王用黎巴嫩嘅木為自 己造咗一頂轎。 ¹⁰佢用銀造轎柱， 用金造轎背，用紫色布造座位;轎入面係耶路撒冷嘅眾女子用愛心鑲嵌嘅。 ¹¹錫安嘅眾女子啊，出嚟啦， 望下所羅門王， 佢戴住喺佢婚禮 嗰日、佢心歡喜嗰日，佢阿媽為佢戴上嘅冠冕。