Mi eng' bukuit

Tyenwogigap Kalasunet 68 FHB Father's Heart Bible™

Kiistoi 15% eng' kiy ne iale korook →
Bukuit

Ng'eet, Kwandanyo

Agobo kiptaiyatap musik. Tyendaetap Daudi. Songolyet.

Songolyetap kondoet. Ng'eetei Kwandanyo kobun surkwen ak kowirakse puunikyik, ak ineendet kityo ne nyinyirei laitorinik ko kiguure Kwanda ne po che ma tinyei sigiik ak ne riibei mosoogik, ne indoi che waniin kaa ak kondoe kimonjororinik koba poroteet.

Ng'alaali Kwandanyo eng' mustarisyek 22–23

Sura 68.

Kong'eet Kwandanyo; kowirakse puunikyik, ak kolab che wechei ineendet eng' tainnyi. Ko uu ye kiwirin mobeek, iwirak icheek ko uu nooto; ko uu ye chootei mumwek eng' taitap maat, kolusak piik che yaach eng' taitap Kwandanyo. Ago koberin che imanda; koboiboitu eng' taitap Kwandanyo; koboiboitu miising' eng' boiboiyet. Otyenji Kwandanyo, otyenji kalasunoik kainennyi; oiit songolyet ineendet ne laanyei ong'atosyek—kainennyi ko Kwandanyo—ak oiloskei eng' tainnyi. Kwanda ne po che ma tinyei sigiik ak ne riibei mosoogik, ko Kwandanyo eng' menyeennyi ne tiliil. Indoi Kwandanyo che waniin kaa; kondoe kimonjororinik koba poroteet, ago menyei che ngelelyot eng' emet ne roosoot. Ee Kwandanyo, ye imong'u tai eng' piiguk, ye ibendi surkwen, Ki root ng'wony, ki isau kipsengwet ropta eng' taitap Kwandanyo, nooto po Sinai, eng' taitap Kwandap Israel. Ee Kwandanyo, ki isau inyee ropta ne chaang'; kigimit inyee osnoteng'ung' ye kagaragaak. Ki konyoorun piiguk menyeet eng' olooto; eng' myeeindong'ung', ee Kwandanyo, ki ibae inyee che nyalilen. Igoochi Kiptaiyat Kwanda ng'olyoot; oo tuiyetap kwonyiik che baroi logoiywek che myee: Labei laitorinigap lugoosyek, labei, ak chepyoso ne menyei kaa kopchei pareiywek. Agot irue kwenutap piusyegap keechiirek— tigoigap cheptuget che kitwoos feset, suumeekyik che shimei thahabu. a a v13 Imuchi cheptuget ne shimei koboor kalasunetap piigap Kamuktaindet agot ye tebee, anan pareiywek che eecheen che kiibu kaa eng' terterutyet. Ye kiwirakse Ne Kiim Tugul laitorinik olooto, ki piit teluji eng' Salmon. Ee tulweet ne oo, tulweetap Bashan; ee tulweet ne tinyei metowek che chaang', tulweetap Bashan! Amutyo igeeri eng' ng'etkong', ee tuloonook che tinyei metowek che chaang', tulweet ne kimache Kwandanyo koek menyeennyi? Ee, menyei Kwandanyo olooto koigeny. Charigap Kwandanyo ko tamanusyegap eliphuusyek, eliphuusyek kosiir eliphuusyek; mi Kiptaiyat Kwanda eng' kwenutap icheek; mi Sinai eng' ole tiliil. Ki itogosta parak, kondoe chaang'indap luulenik eng' let ng'ung'; ki inyoor kaanisyek eng' piik, agot eng' kwenutap che ngelelyot, si komeny Kwandanyo olooto. b b v18 Imwae Paulo ng'olyoondoni agobo Jeso—ye ki itogosta kondoe luulenik koek che ki kibogsot ak koigoochi piikyik kaanisyek (Waefeso 4:8). Terterutyet ne tyenjei tyendaet agobo Kwandanyo kigonyor ak kipchei eng' Weeriit. Koberuur Kiptaiyat Kwanda, peet komugul; ibeiyech— Kwandap sarutennyo.

Ko Kwandanyo echeek Ne Saruunech; ak po Kiptaiyat Kwanda ortinwegap mong'unet eng' meet. Ago nyinyiri Kwandanyo metowegap puunikyik, metit ne sabul ne po chiichooto ne wendi eng' yaityetinwekyik.

Ki le Kiptaiyat Kwanda, “Awekunji icheek kobun Bashan; awekunji icheek kobun rirosyegap nyanjet, si iunegei keelyeguk eng' korotiiknywa, si konyoor kutitap seseniguk kebeberwek eng' puunik.”

Kigeere wendosyekuk, ee Kwandanyo, wendosyekap Kwandanyu, laitoryandennyu, koba ole tiliil. Piik che tyeni eng' tai, piik che butei kibugandisyek eng' let, kwenutap icheek tiibiik che butei sugutisyek che mengeechen: Oberuur Kwandanyo eng' tuiyet ne oo; oberuur Kwandanyo, okweek che bunu eng' kondap peegap Israel! Mi Benjamin, ne ming'in, kondoune icheek, pounigap Judah eng' kombeetnywa, pounigap Sebulun, pounigap Naphtali. Kang'at Kwandang'ung' kimnateeng'ung'; iboor nyiganeeng'ung', ee Kwandanyo, ko uu ye ki iyaech kogeny. Amu koong'ung' ne mi Jerusalem, koiptunin laitorinik kagoochinoik. Iger kong' tyonyitap morong'yot, kombeetap eusyek kobooto moegap piik. Iwir eng' keeldo piik che mache robiinik; iyarak piik che boiboitu lugoosyek. c c v30 Tyonyitap morong'yot ko nyolu koek ng'erenyandet anan tyony ne oo ne menyei peek — kiy ne ki boorunetap Misiri eng' keny, ne kokony eng' morong'yogap aineetap Nile. Kobwa piik che kiyooktoi kobun Misiri; ichakte Kush koirur eunekyik koba Kwandanyo. Laitornatosyegap ng'wony, otyenji Kwandanyo; otyenji kalasunoik Kiptaiyat Kwandanyo, ne laanyei kipsengwet, kipsengwetisyek che po keny—ogas, sendi kutinnyi, kutinnyi ne kiim. Oiityi kimnateet Kwandanyo, ne mi telunatennyi kutuunap Israel ak ne mi nyiganennyi eng' kipsengwetisyek. Kiywei Kwandanyo eng' olootap tiliilennyi; Kwandap Israel—ineendet ne igoochi kimnateet ak nyiganeet piikyik. Koberuur Kwandanyo!