Give to Your Papa, No be to di Crowd
6 1 Take care make you no dey do your correct-and-holy way for front of people so dat dem go see you, if not you no go get any reward from your Papa wey dey for heaven. 2 So wen you give poor people, no dey blow trumpet announce am, like how di hypocrite people dey do for synagogue an for road, so dat people go praise dem. I tell you true: dem don already collect dia full reward finish. 3 But wen you give poor people, no make your left hand know wetin your right hand dey do, 4 so dat your gift go remain secret. Your Papa, wey dey see for secret, go pay you back.
Pray to Your Papa for Secret
5 Wen you dey pray, no be like di hypocrite people wey like to stand dey pray for synagogue an for road corner so dat people go see dem. Trueee, I tell you: dem don already collect dia full reward finish. 6 But wen you wan pray, enter your room, lock di door, an pray to your Papa for secret. Your Papa wey dey see for secret go reward you. 7 Wen you dey pray, no dey yarn plenty empty word like people wey no know di Papa, bicos dem think say plenty word go make dem hear dem. 8 No be like dem, bicos your Papa sabi wetin you need before you even ask am. 9 So, na dis way you suppose pray: “Our Papa wey dey for heaven, make your name dey holy, a a v9 Jesus dey invite im followers make dem come meet our Papa wit di same closeness wey im imsef dey enjoy — no be as servant wey dey far, but as pikin wey dem love well-well, of di same Papa. 10 make your kingdom come, make dem do wetin you want, for earth just like how e dey for heaven. 11 Give us today di food wey we need for today. 12 An forgive us our debt, just like how we don forgive people wey owe us. 13 An no lead us go inside temptation, but save us from di evil one.”
14 Bicos if you forgive oda people di sin wey dem do, your Papa for heaven go also forgive you. 15 But if you no forgive oda people di sin wey dem do, your Papa no go forgive your own sin too.
Fast for Your Papa Only
16 Wen you dey fast, no make your face sad like di hypocrite people — dem dey spoil dia face so dat people go see say dem dey fast. Trueee, I tell you, dem don collect dia full reward finish. 17 But wen you dey fast, rub oil for your head an wash your face, b b v17 To rub oil for head na ordinary tin wey people dey do everyday for Jesus im time — di point na just make you look like your normal, well-arrange self. 18 so dat people no go see say you dey fast, but na only your Papa, wey dey hide, go see. Den your Papa, wey dey see wetin hide, go reward you.
Store Treasure With Your Papa
19 No dey gada treasure keep for yoursef for dis earth, wia moth an rust dey spoil am, an tif dey break in come tif am. 20 But gada treasure keep for heaven for yoursef, wia moth or rust no dey spoil am, an tif no fit break in tif am. 21 Bicos wia your treasure dey, na dia your heart go dey too.
22 Di eye na di lamp of di body. If your eye clear, your whole body go full of light. 23 But if your eye bad, your whole body go dark. So if di light wey dey inside you na darkness, di darkness go big well-well!
24 Nobody fit serve two masters: e go hate one come love di oda one, or e go hold one tight come despise di oda one. You no fit serve our Papa an money together.
Your Papa Sabi Wetin You Need
25 So I tell you: no dey worry about your life—wetin you go chop or drink—or your body—wetin you go wear. Life no pass food? Body no pass cloth? 26 Look di bird dem for sky: dem no dey plant, dem no dey harvest, dem no dey store for barn, but your Papa for heaven dey feed dem. You no worth pass dem? 27 Any of una fit add even one hour to im life just by worry? 28 An why you go dey worry about cloth? Look di lily flower for field, how dem dey grow: dem no dey work, dem no dey spin thread. 29 But I tell you: even Solomon, wit all im glory, no dress fine reach one of dis flower dem. 30 If our Papa dey dress di grass for field like dis—wey dey today, dem go throway am inside fire tomorrow—no be plenty more e go dress una, una wey get small faith?
31 So no dey worry, dey ask, “Wetin we go chop?” or “Wetin we go drink?” or “Wetin we go wear?” 32 Bicos na people wey no know di Papa dey run afta all dis tins, but your Papa for heaven sabi say you need dem. 33 But first find di kingdom of our Papa an im correct-and-holy way, an all dis tins go add give you. 34 So no dey worry about tomorrow — tomorrow go worry about imsef. Each day get enough wahala of im own.
