Israelmi kedeko la lame
Judah kedeko la thükri tsale, thenopü losha bi posü, pü losha khresa nu kena mipüpü retu tükhülü boyi mu küsükolü züyi; mu khubübo therü keku lü pava, use sosü, side kede mohor thiyi la keku pücoko kha bamo tüsü. Khi lü nothi reshü kesü mo. Süo lame bi kha.
Ha Po verse hikolü po ba 1–14
19 1“No la, Israelmi kedeko la lame tatate, 2die pote: Neko zu dipü zota? Thenopü losha zo. Losha metsulü pü tüyita, losha khresa metsulü pü nuneko püzüta. a a v2 Thenopü losha hihi Judah kedeo ki zo, mu pü nuneko hihi pü kedeko zo — chapter hio metü Judah kede chothoko lütata ngode kesü kedo lame zo. 3Pü nu kelü khüopü püzüta, die pü losha khresao züta. Pü taphe tüti seyita; pü thümako patiyita. 4Shuyeko pü la meche; pü uko retu tükhülü boyita, die uko pü küsükolü Egypt cejülü ta züta. 5Pü teme füba zü mu pü kemeri kate zü pü ngosü, pü nu kekreo taketa die pü losha khresao thisüta. 6Pü losha metsulü rehüta; pü losha khresao züta. Pü taphe tüti seyita; pü thümako patiyita. 7Pü uko velotsühko dzürhüsüta die uko nadeko müka va. Cejü mu sülü kehüko metü pü kerüfü la meprüta. 8Süsa shuyeko pükhü kemetü cho metülü pü yo vorita; uko pü yo jal khrasü die pü uko retu tükhülü boyita. 9Uko küsükolü pü tüyi hoyilü süde Babylon kedeo cho ta züta. Uko pü velotsühko lü ta züta, side pü füphra theri Israel cejütukolü mechemo ketola. 10Neko zu neko khubü yilü khubübo bi zota, jü kelü shupü, jü kekro bati use zhü mu pücoko kha zota. 11Süo pücoko metü ba, kedeko mohor thiyi süo kepeta. Süo pücoko kediko metsulü kerekrü thuta, mu pücoko kekro metsulü pü kerekrü la ngosü. 12Vele süo therü keku lü pava, die cejü sü keva; nathoco tükhrae pü use sota. Pü pücoko metü khava die sosa; mie süko thüva. 13Tsüsa süo cejü kesalü, cejü keso mu thirhako cejülü shuta. 14Mi pü melüno püphro süde pü pücoko mu pü use thüva, side süolü pücoko metü kelü khüopü ri bamo, pi kekha thiyi mohor ri bamo. Hihi lame zo, mu süo lame züta.” b b v14 Vala kezho jü hio, jüphra thi thopü kemetao, tsüdo tsüyi tata mu süo kedo lame thi tsalesüzo.
