Yon chante plenn pou chèf pèp Izrayèl yo
Yon chante lanmò pou wa Jida yo, rakonte tankou yon manman lyon ki wè de pitit li, youn apre lòt, tonbe nan pyèj epi yo fèmen yo nan kalòj, ak yon pye rezen yo dechouke epi boule jiskaske pa gen yon branch ki rete ase fò pou fè yon baton wa. Pa gen okenn pwomès nan fen an. Li rete yon chante doulè.
19 1“Ou menm, antonnen yon chante plenn pou chèf pèp Izrayèl yo, 2epi di: Kisa manman ou te ye? Yon manman lyon. Nan mitan lyon li te kouche, nan mitan jenn lyon li te leve pitit li yo. a a v2 Manman lyon an se fanmi wayal peyi Jida a, pitit li yo se wa li yo — tout chapit sa a se yon chante lapenn k'ap montre jan dènye chèf peyi Jida yo te tonbe. 3Li leve yonn nan pitit li yo, li vin yon jenn lyon. Li aprann dechire bèt li kenbe; li devore moun. 4Nasyon yo tande pale de li; yo pran l nan twou yo te fouye a, yo mennen l ale ak kwòk nan peyi Lejip. 5Lè li wè li te tann pou gremesi, espwa li te disparèt, li pran yon lòt nan pitit li yo, li fè l tounen yon jenn lyon. 6Li t'ap mache nan mitan lyon yo; li vin yon jenn lyon. Li aprann dechire bèt li kenbe; li devore moun. 7Li kraze fò yo, li devaste vil yo. Peyi a ak tout moun ki t'ap viv ladan l te sezi tande vwa l k'ap gwonde. 8Lè sa a, nasyon yo leve kont li depi nan tout pwovens ki bò kote l yo; yo voye senn yo sou li, yo pran l nan twou yo a. 9Ak kwòk yo mete l nan yon kalòj, yo mennen l bay wa Babilòn. Yo fèmen l nan fò yo, konsa yo p'ap janm tande vwa l ankò sou mòn peyi Izrayèl yo. 10Manman ou te tankou yon pye rezen nan jaden rezen ou an, yo te plante l bò dlo, li te chaje donn ak branch poutèt dlo ki te an kantite. 11Li te gen branch solid ki bon pou fè baton kòmandman pou chèf yo. Li te kanpe byen wo nan mitan gwo branch yo, yo te ka wè l akòz wotè l nan mitan foul branch li yo. 12Men, yo rache l ak kòlè, yo jete l atè; van lès la cheche donn li. Branch solid li yo rache, yo fennen; dife a boule yo. 13Koulye a yo plante l nan dezè a, nan yon tè sèk ki swaf dlo. 14Dife a pete soti nan branch mèt li, li boule branch li yo ak donn li, konsa pa gen okenn branch solid ki rete nan li, pa gen baton kòmandman pou gouvènen. Sa a se yon chante plenn, epi li tounen yon chante plenn.” b b v14 Dènye liy lan vle di powèm sa a, yo te ekri l kòm yon pwofesi, kounye a li rive vre epi y'ap chante l tankou yon vrè chante antèman.