Eliphazna Latluida Ngahānkai
Eliphazna ara kaphā eina mahāngluithuwa. Jobwui khamor khalattana ali yonngasaka, kala sha̱naona kapharā mi akhala mathara. Ana makaphā miwui kahāngchingkhai sāngā chi hānga—khanākhurli khangachee khonmāng, maleichingmara lan—kala Jobna chiwui lungli akhalatta theiranu da ningchānga.
15 1Chieina Temanwui Eliphazna ngahānkai: 2"Thangkhama mina arema theikakhui eina ngahānkāda, zingshoshongwui masi eina awuk chipemrala? a a v2 Zingshoshongwui masi hi lamhāngli kasaraohai masina — Jobwui alung katong saikorali arema kala kashimānwui matakhak sanna. 3Arema tui eina, kaphā khikha masā tuibing eina ana ngazekra? 4Kha nana Vareli khangachee chi sākhayāngra, kala Varewui mangāli khamachuk sā chi ngalanthui ngasaka. 5Kaja nawui morei eina nakhamorli tamchithei, kala ningngai makaphābingwui male chi nana pangkhui. 6Nakhalatta khamorna nali khayonna, ina maningmana; nakhalatta morchaina nali shākhi sai. 7Na khare pharā mi china jila? Phungrā maningla nali pharākhuihaira? 8Varewui hanga̱shimli nana nganāhaira jila? Thangkhamei chi nakhalatta khavai singtita? b b v8 "Varewui hanga̱shim" hi kazingramwui angarumkapamna, chili Varena awui kazingraobing chila akhavā thāda pama — Eliphazna Jobna kathuk theikakhui zangna da hāngmāng chi mashātna. 9Nana khikha theida ithumna matheimana? Ithumlila maleila khikha nana theishingkhuira? 10Kuila ngapokhaibing kala khararnaobing, navāli langda rarmei mibing, ithumwui ngachaili lei. 11Varena ringphā ngasak chi, nali malungkhanim eina hāngkahai tui chi, nawui vang teomeida jila? 12Khisāda nawui ningna nali khuivāhaokhala, kala khisāda namik ngasheikhala, 13chithāda nana nawui manglā Vareli ngasharda, kala hikathā tui nakhamorwui eina shokngasaka? 14Mi hi khikhana, chithāda ana tharpaira? Sha̱naona kapharā mi hi khikhana, chithāda ana mashungpaira? 15Yanglu, Varena awui katharabingli eina tangda mashitsangrarmana, kala kazingram chi awui miktāli matharmana; 16chithākha ningkakachai kala kateikazā mi, makhamashung chi tara̱ thāda khamanga mi chi kayākha suitāmeira! 17Ina nali chitheimira; ili nganāmilu; ina theida khalei chi nali hāngra, 18Thangkhama mibingna hāngkahai chi, athumwui ashāvā ngarāwui eina khuikahai chi mathumhaida, 19Akhalatta athummāng ngalei chi mihaida, kha̱mi khipākha athumwui ngachaili mararangsailakha. 20Makhayā mina awui mirin peida, sākashe mibingwui vang ngarānhaikahai zingkum saikorali kachot eina leolanga. 21Khangacheekhon awui khanāli pemtinghai; awui shāngshun lungli sākakathāna china awuitungli rāra. 22Ana tangkhamangwui eina yāmshokra da mashitsangmana; ana raighaiwui vang markhangaina. 23Ana kashakazā vang kuimareida yorzāda, ngahānda, 'Kali leikhala?' Tangkhamangwui zimiksho thākta tai da ana thei. 24Sipkasā eina angunna ali ngachee ngasaka; raiwui vang khānga awunga thāda athumna ali yuihaira, 25khikhalajila ana Vareli pāng tāthuihaira kala Sāshap-pangshapali hakmei khavai sai, 26kashā reingasaka kahai chāngvei akha eina ali ngakaishitingtingda kharomda; 27khikhalajila ana awui mai athao eina thumhaida kala asā awui kashān kuimareida kaziphaida, 28Ana ja̱tā kahai keinungbingli, khipākha maokthuipaimi khavai horyāng kahai sāusa shimbingli pamhaowa. 29Ana kashāng masamphangmara; awui lan masangleimara, awui lanla ngaleitungli mangapānvaimara. 30Ana tangkhamangwui eina mayāmshokmara; meiwonna awui ashonbing thengngasakra, kala Varewui khamorwui khakkhāna ali khuithuihaora. 31Ana khikha makhaningli machihānaranu, akhalattali minam ngasakta, kaja khikha makhaning china awui sāman sāra. 32Awui sāman chi awui atam mararanglakha eina kupra paidura, kala awui aphāngna matekmara. 33Ana drakhārong thāda awui drakhāthei kapa̱ chi tātungserhaora, kala olivething thāda awui awon chi sirātāra. 34Kaja vare makathei mibingwui thaokhong chi kashuma sāra, kala meina pheizāwui shimbing chi chuitāra. 35Athumna kakhanang phaninga, kala makaphā pharāshoka; athumwui naopam mikhanam ngarānsanga."
