Shongzā 4

4 ¹Mosesna ngahānkai, "Kha athumna ili mashitsangmara, lah iwui kahāng makhanganāmara, kaja athumna, 'Ithumwui Avāna nali masamphangmana' da hāngra."

²Ithumwui Avāna ali hānga, "Nawui pāngli hi khina?" Ana hānga, "Khāmshui akha."

³Ana hānga, "Chi ngaleili hortālu." Ana chi ngaleili hortāda, phara̱ onngasaka, kala Mosesna chiwui eina yongthuihaowa.

⁴Kha Ithumwui Avāna Mosesli hānga, "Napāng katinglu, kala chiwui tailui eina tukkhuilu"—ana apāng katingda chi tukkhuida, kala awui pāngli khāmshui onngasaka. ⁵"chithāda athumwui avā ngarā Abraham, Isaac kala Jacobwui Vare, nawui Avāna nali samphanghaira kaji athumna shitsangra."

⁶Chiwui thili Ithumwui Avāna ali hānga, "Napāng nawui kachonlungli sanglu." Chieina ana chithāda sai, kala chi khuishoklaga, awui pāngli horam thāda kachar phārrei kazāt leihaowa.

⁷Ana hānga, "Napāng nawui kachonlungli sangluishitlu." Ana chithāda sai, kala chi khuishoklaga, awui asā kateiwui thāda hanmiluishita.

⁸"Athumna nali mashitsangakha lah khare machut chi makhanganāakha, kakhane machut chi shitsangra. ⁹Athumna machut khani hili aruila mashitsangakha lah nawui kahāng makhanganāakha, Nilewui eina tara̱ khuida ngalei kathengli heilu; Nilewui eina khuikahai tara̱ chi ngalei kathengli ashee onngasakra."

¹⁰Kha Mosesna Ithumwui Avāli hānga, "Ina nali kapona, O Ishavā, ina khare einala, nana nawui raoli hāngkahaiwui thilila tui matuili kaphā maningmana; kaja iwui khamor khanimna, imalela khanimna."

¹¹Chiwui thili Ithumwui Avāna ali hānga, "Miwui khamor khipāna sāmihairakhala? Khipāna ali khak ngasha̱ lah khangakhok, mik kathei lah mik khangapeo sāmikhala? Chi I, nawui Avā, maningmala? ¹²Ara vālu, kala ina nawui khamorli ngasoda leira, kala nana khi hāngra kaji nali tamchitheira."

¹³Kha ana hānga, "Ina nali kapona, O Ishavā, mi katei akhali chihovāmilu."

¹⁴Chiwui thili Ithumwui Avāwui malungkhavāt Moseswuitungli tāhaowa. Kala hānga, "Nachinā Aaron, Levinao chi, maningmala? Ana phālak eina matui kaji ina thei. Aruila ana nali samphang khavai shokra, kala nali kathei tharan awui malungli ringphāra. ¹⁵Ali hānglu; tui chi awui khamorli sanglu. Ina nawui khamor kala awui khamorli ngasoda leira, kala nanili khi sāra kaji tamchitheira. ¹⁶Ana nawui vang mibingli hāngra, nawui khamor ngasāra, kala nana ali Vare thāda ngasāra. ¹⁷Kala khāmshui hi nawui pāngli khuiphunglu, kala machutbing chi sākhavai singkhuilu."

Moses eina Jethro Shokhaowa

¹⁸Mosesna awova̱ Jethroli latungda hānga, "Egyptli leikasā ivānaongarāli latungda, athum ringda leikhala theikhavai ili zatngasaklu." Kala Jethrona hānga, "Chingri kahai eina zatlu."

¹⁹Kala ithumwui Avāna Midianli Mosesli hānga, "Egyptli latunglu, kaja nali shaothat khavai kayākasā mi saikora thihaira."

²⁰Mosesna apreiva̱ eina anaomayarabingli khuida gadhāli tongngasakta, Egypt ngaleili latunga. Mosesna ithumwui Avāwui khāmshui apāng eina khuiya.

²¹Chieina ithumwui Avāna Mosesli hānga, "Nana Egyptli latung tharan, ina nali sākhavai pangshap mikahai matakhak kahai ot saikora Pharaohwui mangāli sālu. Kha ina awui wuklung mararmihaora, chieina ana mibingli machihomara. ²²Chieina nana Pharaohli hāngra, 'Ithumwui Avāna hithāda hānga: Israel iwui naochizai naomayarana, ^a a v22 Israel miyur akha sākharewui katāva̱ atamli, ithumwui Avāna miyur hili awui naochizai naomayara da hokhuiya — hi awui pangli kazipkhui shimkhurwui khararpam machut kahaina, kala Jishu, khamayā naochizai china, awui naomayara saikorali shimvāk apong leishitheihaira tharan ungshunga. ²³kala ina nali hānga: ili otram ngatha̱ khavai iwui naomayarali chihohaolu. Kalikha nana ali chiho khavai mamayāmada machiho haichingakha, ina nawui naochizai naomayarali shaothatra.'"

²⁴Shongfali shimzunpamli, ithumwui Avāna ali samphangda ali shaothat khavai sai. ^b b v24 Hi katot kala matheikhui makhaiwui shokkahai hina ahui rimshokwui kadhara machut chiwuitungli nganinga, chi Mosesna anaomayarawui vang malaihaikasā china. Mosesna ithumwui Avāwui mibingli mathānmi katāva̱li, Zipporahwui thākta otsak china shimkhurli kadharali latung ngasakmihaira. ²⁵Zipporahna lungghai akha khuida, anaomayarawui ahui katattā, chi Moseswui pheili sāza̱da hānga, "Kachangkhata, na ili ashee mākakhāma."

²⁶Chieina ithumwui Avāna Mosesli shokngasaka. Chieina ana hānga, "Ashee mākakhāma," ahui rimkashokwui vangna.

²⁷Ara ithumwui Avāna Aaronli hānga, "Lamhāngli Mosesli samphang khavai vālu." Chieina ana vāda, ithumwui Avāwui phungreili ali samphangda, ali maya̱ya.

²⁸Mosesna ithumwui Avāna ali shokhāng khavai mikahai tui saikora, kala ali sākhavai kaso kahai machut saikora Aaronli hāngsera. ²⁹Chieina Moses eina Aaronna vāda, Israel mibingwui khararnaobing saikorali kazipkhui. ³⁰Aaronna ithumwui Avāna Mosesli hāngkahai tui saikora hānga, kala mibingwui mangāli machut saikora sai. ³¹Mibingna shitsanga. Ithumwui Avāna Israelnaobingli ngachonmi khavai rāhaira, kala athumwui khanang theihaira kaji kashā tharan, athumna kui mashunzangda khoruma.