سَبّت گونو حیاتین برپا اولماسی
عئسا سَبّت گونو قورو بئر اَلی صاغالدیر و فرئسئلر اونو محو اتمک اوچون مصلحتلَشمه‌یه باشلاییرلار. او، اون‌ائکی نفری تعیئن ادئر. دئن عالئملری دیئرلر کی، او، جئنه توتولوب، اؤز عایله‌سی ده دیئر کی، او، عاغلینی ائتئرئب؛ آمّا او جاواب ورئر کی، آتامیزین ائراده‌سئنی ادن هرکس، اونون عایله‌سی‌دئر.
3 1عئسا گئنه کنئسه‌یه گئردی و اورادا قورو اَلی اولان بئر آدام وار ائدی. 2اونلار دئقّتله باخیردیلار کی، گؤرسونلر عئسا سَبّت گونو بو آدامی صاغالداجاق یا یوخ، اِله کی، اونو موتّهئم اتسئنلر.
3عئسا قورو اَلی اولان آداما ددی: «قالخ و ائره‌لی گل.» 4سونرا اونلاردان سوروشدو: «سَبّت گونو یاخشیلیق اتمک یا پئسلئک اتمک، جان قورتارماق یا اؤلدورمک، هانسی روادیر؟» آمّا اونلار ساکئت قالدیلار. 5عئسا اونلارین اورَکلرئنئن قاتیلیغیندان کَدَرلَنئب، قضبله اطرافینداکیلارا باخدی و او آداما ددی: «اَلئنی اوزات.» او، اَلئنی اوزاتدی و اَلی برپا اولدو.
6او واخت فرئسئلر چیخیب، اله او آندا هِرودچولارلا اونون ضئدّئنه مصلحتلَشمه‌یه باشلادیلار کی، اونو نجه محو اتسئنلر.
خالق شفاوِرَنئن دالینجا گلئر
7عئسا شاگئردلری ائله دهنزه طرف چکئلدی و جلئلدن بؤیوک بئر جاماعات اونون دالینجا گتدی، همچئنئن یهودئیه‌دن، 8اورشلئمدن، اِدومدان، اوردونون او تاییندان و صور و صئدونون اطرافیندان بؤیوک بئر جاماعات اونون اتدئیی بوتون شیلری اشئدئب یانینا گلدی. 9عئسا شاگئردلرئنه ددی کی، جاماعاتا گؤره اونون اوچون بئر بالاجا قاییق حاضیر ساخلاسینلار کی، اونو سیخماسینلار. 10چونکی عئسا اله چوخلو آدامی صاغالتمیشدی کی، ناخوشلوقلارا دوچار اولانلارین هامیسی اونا توخونماق اوچون اونون اوستونه سیخیلیردیلار. 11ناپاک روحلار دا اونو گؤرنده، اونون قاباغیندا ییخیلیب باغیریردیلار: «سن تارینین اوغلوسان!» 12لاکئن عئسا اونلارا برک ائخطار وِرَردی کی، اونو تانیتدیرماسینلار.
اون‌ائکی حواری تعیئن اولونور
13عئسا داغا چیخدی و ائسته‌دئیی آداملاری یانینا چاغیردی و اونلار اونون یانینا گلدئلر. 14عئسا اون‌ائکی نفری تعیئن اتدی و اونلاری حواری آدلاندیردی کی، اونونلا بئر یرده اولسونلار و اونلاری وعظ اتمه‌یه گؤندَ‌ره بئلسئن، 15و ائبلئسلری قووماغا ائقتئدار اولسون. 16تعیئن اتدئیی اون‌ائکی نفر بونلاردیر: شمعون کی، اونا پطروس آدینی وردی؛ 17زِبِدِیئن اوغلو یعقوب و قارداشی یوحنّا کی، اونلاری بوآنِرگِس، یعنی «ایلدیریم اوغوللاری» آدلاندیردی؛ 18آندریاس، فئلئپوس، بارتولمای، متّا، توما، حالفایین اوغلو یعقوب، تادای، وطنپرست شمعون، 19و عئسایا خیانت ادن یهودا ائسکاریوت.
ییخیلمایان بئر پادشاهلیق
20عئسا اِوه گتدی و جاماعات گئنه ییغیلدی، اِله کی، او و شاگئردلری حتّا یمک ده یِیه بئلمه‌دئلر. 21عایئله‌سی بونو اشئدنده، اونو ساخلاماق اوچون چیخدیلار، چونکی دیئردئلر: «او، عاغلینی ائتئرئب.» 22اورشلئمدن گلن دئن عالئملری دیئردئلر: «بعلزبول اونون ائچئنده‌دئر» و «ائبلئسلرئن ریئسئنئن گوجو ائله ائبلئسلری قووور.»
23عئسا اونلاری یانینا چاغیریب مثل‌لرله دانیشدی: «شیطان نجه شیطانی قووا بئلر؟ 24اگر بئر پادشاهلیق اؤز ائچئنده بؤلونسه، او پادشاهلیق داوام گتئره بئلمز. 25و اگر بئر اِو اؤز ائچئنده بؤلونسه، او اِو داوام گتئره بئلمیه‌جک. 26و اگر شیطان اؤزونه ضئدّ قالخیب بؤلونسه، داوام گتئره بئلمز، سونو یتئشئب. 27هچ کس گوجلو بئر آدامی اوّلجه باغلامایینجا، اونون اِوئنه گئرئب مالینی آپارا بئلمز؛ اوندان سونرا اِوئنی تالان اده بئلر.
28دوغروسونو سئزه دیئرم، ائنسان اؤولادلارینین بوتون گوناهلاری و تارینین ضئدّئنه ددئکلری هر جور کوفرلر باغیشلاناجاق، 29آمّا کئم موقدّس روحون ضئدّئنه کوفر دِسه، هچ واخت باغیشلانماز؛ او، ابدی بئر گوناها گؤره تقصئرکاردیر.»
30چونکی دیئردئلر: «ناپاک روح اونون ائچئنده‌دئر.»
آتامیزین عایئله‌سی
31عئسانین آناسی و قارداشلاری گلدئلر و اشئکده دوروب، اونو چاغیرماق اوچون خبر گؤندَردئلر. 32بئر جاماعات اونون اطرافیندا اوتورموشدو و اونا ددئلر: «باخ، آنان و قارداشلارین اشئکده‌دئرلر، سنی ایستیرلر.»
33عئسا اونلارا جاواب وردی: «کئمدئر منئم آنام و قارداشلاریم؟» 34اطرافیندا دایره شکلئنده اوتورانلارا باخیب ددی: «باخین، منئم آنام و قارداشلاریم بونلاردیر! 35کئم آتامیزین ائراده‌سئنی یرئنه یتئرسه، او، منئم قارداشیم، باجیم و آنامدیر.»
