دوعادا آتانین یانینا گلئن
دوعانی نجه اتمه‌یی سوروشولاندا، عئسا سؤزلری ورئر، ”آتا“ ائله باشلایاراق، سونرا گجه یاریسی بئر قاپینی دؤیَن قونشو حاقّیندا بئر حکایه. بَعَلزِبول واسئطه‌سی‌ائله ائبلئسلری قووماقدا تقصئرلندئرئلَنده، او، بو ائتّئهاما جاواب ورئر، سونرا فرئسئلره و شرئعت عالئملرئنه اوز توتور و اونلارین سلئقه‌لی دئنی اوستونه اوزون بئر سیرا وای دیئر.
11 1عئسا بئر مکاندا دوعا ادئردی؛ قورتاراندا، شاگئردلرئندن بئری اوندان خاهئش ادئب ددی: «یا رب، نجه کی یحیا اؤز شاگئردلرئنه اؤیرتدی، سن ده بئزه دوعا اتمه‌یی اؤیرت.»
2عئسا اونلارا بویوردو: «دوعا اتدئیئنئز زامان بله دیئن: ای آتا، سنئن آدین موقدّس اولسون. سلطنتئن گلسئن. 3هر گون گونده‌لئک چؤره‌یئمئزی بئزه ور. 4بئزئم گوناهلاریمیزی باغیشلا، چونکی بئز اؤزوموز ده بئزه بورجلو اولان هرکس باغیشلاییریق. و بئزی ائمتاحانا چکمه.»
5عئسا اونلارا ددی: «سئزدن کئمئن بئر دوستو وار کی، گجه یاریسی اونون یانینا گدئب اونا دسئن: ”دوست، منه اوچ چؤرک بورج ور،
6چونکی بئر دوستوم سفر ادئب منئم یانیما گلئب و اونون قاباغینا قویماغا هچ بئر شیئم یوخدور،“
7او دا ائچه‌رئدن جاواب وِرَر: ”منی ناراحات اتمه؛ قاپی آرتیق باغلانیب، اوشاقلاریم دا یاتاقدا منئم یانیمدادیرلار. ائندی قالخیب سنه نه‌سه وره بئلمه‌رم“؟
8سئزه دیئرم: یاتان دوست، آنجاق دوست اولدوقلارینا گؤره قالخیب اونا بئر شی ورمه‌سه ده، دیله‌ین دوستون اوتانمادان، ال چکمه‌دن ائسته‌مه‌سی سببئندن قالخیب اونا لازیم اولان هر شیی وره‌جک.»
9«سئزه دیئرم: دیله‌یئن، سئزه ورئله‌جک؛ آختارین، تاپاجاقسینیز؛ قاپینی دؤیون، سئزه آچیلاجاق.
10«دیله‌ین هرکس آلیر؛ آختاران تاپیر؛ قاپینی دؤیَن آداما آچیلاجاق.
11«سئزدن هانسی آتا، اوغلو بالیق دیله‌سه، اونا بالیغین یرئنه ائلان وِرَر؛
12«و یا یومورتا دیله‌سه، اونا عقرب وِرَر؟
13«اگر سئز پئس اولدوغونوز حالدا اؤز اؤولادلارینیزا یاخشی بخشئشلر ورمه‌یی بئلئرسئنئز، گؤیده‌کی آتا اوندان دیله‌یَنلره موقدّس روحو نه قدر آرتیق وره‌جک!»
آتامیزین پادشاهلیغی گلئب
14عئسا لال اولان بئر ناپاک روحو قوووردو. او چیخاندا، لال آدام دانیشدی و جاماعات تعجّوب اتدی. 15آمّا اونلاردان بعضئسی ددی: «او، ناپاک روحلارین باشچیسی بعل-زبولون واسئطه‌سئله ناپاک روحلاری قوووب‌چیخاردیر.» 16باشقالاری دا اونو ائمتاحان اده‌رک، اوندان گؤیدن بئر علامت آختاریردیلار.
17آمّا عئسا اونلارین فئکئرلرئنی بئلئب اونلارا ددی: «اؤزونه قارشی بؤلونن هر پادشاهلیق خارابا اولور، و اِوه قارشی بؤلونن اِو ییخیلیر.
18«اگر شیطان دا اؤزونه قارشی بؤلونسه، اونون پادشاهلیغی نجه دایانا بئلر؟ چونکی سئز دیئرسئنئز کی، من ناپاک روحلاری بعل-زبولون واسئطه‌سئله قووورام.
19«اگر من ناپاک روحلاری بعل-زبولون واسئطه‌سئله قوورام‌سا، سئزئن اوغوللارینیز اونلاری کئمئن واسئطه‌سئله قووورلار؟ بله‌جه اونلار سئزی موحاکئمه اده‌جکلر.
20«لاکئن اگر من ناپاک روحلاری آتامیزین بارماغی ائله قوورام‌سا، آتامیزین پادشاهلیغی اوستونوزه گلئب.
21«بئر گوجلو آدام تام سئلاحلانمیش حالدا اؤز ساراییندا کشئک چکنده، اونون ماللاری سالاماتدیر.
22«لاکئن اوندان گوجلو بئرئسی هوجوم ادئب اونا قالئب گلنده، هوجوم ادن، گوجلو آدامین بِل باغلادیغی سئلاحلاری اَلئندن آلیب، غنیمتئنی بؤلوشدورور.
23«منئمله اولمایان، منه قارشیدیر، و منئمله ییغمایان، داغیدیر.
24«ناپاک روح بئر آدامدان چیخاندا، راحاتلیق آختارا-آختارا قوراق یرلردن کچر. تاپمایاندا دیئر: ”چیخدیغیم اِوه قاییداجاغام.“ 25گلنده، اِوی سوپورولموش و سلئقه‌یه سالینمیش تاپیر.
26«سونرا گدئب اؤزوندن داها پئس یدّی آیری روح گتئرئر؛ اونلار گئرئب اورادا یاشاییرلار، و او آدامین آخیر حالی اوّلکئندن بَتَر اولور.»
27عئسا بونو دیئنده، جاماعاتین ائچئندن بئر آرواد اوجا سَسله ددی: «موبارکدئر او بطن کی سنی داشیدی، و او دؤشلر کی سنی اَمئزدئردی!»
28آمّا عئسا ددی: «اوندان دا آرتیق، آتامیزین سؤزونو اشئدئب اونا عمل ادنلرئن حالینا خوش اولسون!»
یونوسدان بؤیوک بئری بورادادیر
29جاماعات ییغیلاندا، عئسا سؤزه باشلایاراق بویوردو: «بو نسئل شَرور بئر نسئلدئر. بئر علامت ائسته‌یئر، آمّا یونوس پیغمبرئن علامتی اولماسا، اونا هچ بئر علامت ورئلمه‌یه‌جک. 30«چونکی نجه کی یونوس نِینَوا اهالئسی اوچون بئر علامت اولدو، بو نسل اوچون ده ائنسان اوغلو علامت اولاجاق. 31جنوب ملکه‌سی، محاکئمه گونو بو نسلئن خالقی ائله بئرلئکده آیاغا قالخیب اونلاری محکوم اده‌جک. اونا گؤره کی، سلیمانین حئکمتئنی اشئتمک اوچون یرئن اوجقارلاریندان گلدی. باخ، بورادا سلیماندان داها بؤیوک بئر شی وار.
32«نِینَوالی‌لار محاکئمه گونونده بو نسل ائله قالخیب اونو محکوم اده‌جکلر، چونکی یونوس وعظ اتدئکده اونلار تؤوبه اتدئلر، و یونوسدان بؤیوک بئری بورادادیر.»
بدنئن چیراغی
33«هچ کس چیراق یاندیریب اونو زئرزمی‌یه و یا قابین آلتینا قویماز، لاکئن چیراقدانین اوستونه قویار کی، ائچه‌ری گئرنلر ائشیغی گؤرسونلر. 34«سنئن گؤزون بدنئنئن چیراغی‌دیر: گؤزون صاغ اولاندا، بوتون بدنئن ده ائشیقلی اولور؛ پئس اولاندا، بدنئن قارانلیق اولور.
35«اونا گؤره، دئقّتلی اول کی، سنده‌کی ائشیق قارانلیق اولماسین.
36«بله‌جه، اگر بوتون بدنئن ائشیقلی اولوب هچ بئر قارانلیق حئصّه‌سی اولماسا، تامام ائشیقلی اولاجاق، نجه کی، بئر چیراق اؤز نورونو سنئن اوستونه ساچیر.»
بوش دئنه وای اولسون
37عئسا دانیشاندا، بئر فرئسی اونو اؤزو ائله یمک یمه‌یه دعوت اتدی؛ عئسا ائچه‌ری گئرئب سوفره‌یه اوتوردو. 38فرئسی گؤردو کی، عئسا یمکدن اوّل اَللرئنی یومادی و بونا حیرت اتدی.
39رب اونا ددی: «ائندی سئز فرئسئلر پئیالانی و بوشقابی چؤلدن تمئزله‌یئرسئنئز، لاکئن ائچه‌رئده طاماح و پئسلئکله دولوسونوز. 40«ای آخماقلار! باییردا اولانی یارادان، مگر ائچه‌رئده اولانی دا یاراتمادی؟
41«لاکئن ائچه‌رئده اولان شیلری یوخسوللارا ورئن، او واخت هر شی سئزئن اوچون پاک اولاجاق.
42«آمّا وای سئزئن حالینیزا، ای فریسی‌لر! سئز نَعنا، سَداب و هر جور گؤیَرتینئن اوندا بئرئنی گتئرئرسئنئز، آمّا عدالته و آتامیزین محبّتئنه اعتئنا اتمئرسئنئز. بونلاری اتمه‌لی ائدئنئز، او بیرئلرئنی ده بوراخمادان.
43«وای سئزئن حالینیزا، ای فریسی‌لر! چونکی سئز کنئسه‌لرده باش کرسولری و بازارلاردا سالاملانماغی سوئرسئنئز.
44«وای سئزئن حالینیزا! چونکی سئز اوستونده علامتی اولمایان قبئرلر کئمی‌سئنئز کی، آداملار بئلمه‌دن اونلارین اوستوندن کچَرلر.»
45شرئعت عالئملرئندن بئری اونا جاواب ورئب ددی: «اوستاد، بو شیلری دیمکله بئزی ده تحقئر ادئرسن.»
46عئسا ددی: «وای سئزئن ده حالینیزا، ای شرئعت عالئملری! سئز ائنسانلارین اوستونه آغیر، داشیماسی چتئن یوکلر قویورسونوز، آمّا اؤزونوز او یوکلره بئر بارماغینیزلا بله توخونمورسونوز.
47«وای سئزئن حالینیزا! سئز پیغمبرلرئن قبئرلرئنی تئکئرسئنئز، آمّا اونلاری اؤلدورن سئزئن آتالارینیز ائدی.
48«بله‌جه سئز شاهئدسئنئز و آتالارینیزین عمللرئنی تصدئق ادئرسئنئز، چونکی اونلار پیغمبرلری اؤلدوردولر و سئز ده اونلارین قبئرلرئنی تئکئرسئنئز.
49«بونا گؤره ده آتامیزین حئکمتی ددی: ”من اونلارا پیغمبرلر و حوارئلر گؤندَ‌ره‌جه‌یم؛ اونلاردان بعضئلرئنی اؤلدوروب تعقئب اده‌جکلر.“
50«بله‌جه دونیانین بونؤوره‌سی قویولاندان بری تؤکولن بوتون پیغمبرلرئن قانی بو نسئلدن طلب اولونسون،
51«هابئلئن قانیندان قوربانگاهلا معبدئن آراسیندا اؤلدورولَن زکریانین قانینا کئمی. بلی، سئزه دیئرم، بو نسئلدن سوروشولاجاق.
52«وای سئزئن حالینیزا، ای شرئعت عالئملری! چونکی سئز معرئفت آچارینی گؤتوردونوز؛ اؤزونوز ائچه‌ری گئرمه‌دئنئز، گئرنلرئن ده قاباغینی کسدئنئز.»
53عئسا اورادان چیخاندا، ائلم‌لی‌لر و فریسی‌لر اونا شئدّتله دوشمنچئلئک اتمه‌یه باشلادیلار و اونو چوخ شیلر باره‌ده دانیشماغا تحرئک اتدئلر، 54اونو کمئنده گؤزله‌یئردئلر کی، دیله‌جه‌یی بئر سؤزدن اونو توتسونلار.
